1 Yohana 4:21 - Biblía Axweesantá Hhohho' ar Mungú 2004

²¹ Inós tina adoorír hara'ayín iwa kaahi, «Heé Mungú gu slaá', gár kuwa hariím a hhiyaawós gun slaa' sleeme.»

Ya/abtór hho' 1977

²¹ Inós tina adoorír hara'ayín gídaabá, “Heé Mungú gu slaá', gár kuwa hariím a hhiyaawós gun slaa' sleeme.”

1 Yohana 4:21 Iomraidhean Croise

TLAHHOÓ LAÁWI 19:18

Li/aay mu bu'uumar, laqaá ma wakaarír ar hootara' nee mukók, masók inslaawmoowók un slá' adór kuúng tir kilók sla'. Aníng an AAKOÓ MUNGÚ.

Matayo 5:43

«Aga axasé' adór tara káh, ‹Inslaawmoowók slaeek, nee wakusmoowók na aahheek.›

Luka 10:37

Iri oó', «A kudá' gwa gurtlay.» Yesu intsaahhatusmooduú hara'ayár Mose gway báy, «Gím tláw daxta, kuúng sleeme adoodá' na tleehheek.»

Yohana 15:12

Hara'ayar'eé' a tí, ‹Ti sla'aaslae' adoodá' án kuungá' nura slaá'.›

Galatia 5:14

Asma hara'aya sleémeero kaa haragaás gawaá hara'ayaarí wák, tí kah, «Inslaawmoowók slaeek adór kuúng tir kilók sla'.»

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

1 Tesalonike 4:9

Ala gawaá daanduú hhae kiwa sla'aasla'a'a, aníng kuungá' gar nus kaángwií gooiim i káhh. Asma kuungá' kilá' tunduna intsaahhatimís nee Mungú tiwa sla'aasla'a'.

1 Petro 3:8

/Aymuú alhhe'eesaay a kwí, kuungá' sleémeero masók a múk ti kaangw axamiís, nee múk tsaén, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.

1 Petro 4:8

Ala gár afhhamít ta muruuwí sleémeerowo a tí, kuungá' kiloohúng ti sla'aaslae'. Asma sla'aari tlakweemaá yaariir gi tuntúk.

1 Yohana 2:7

Sla'aaruuser'eé', hara'ayár ni kuungá' i gooiim ar /abeneeká, ala a hara'ayaadá' ta xua' qaroó alé iimír iimu/uungo. Hara'ayaadá' ta qaroó xua' a axweesantadá' taa axasé'.

1 Yohana 3:11

Asma kaangwí ugwa qaroó axasé' iimír iiumu/uungo, tawa kaahi, «Atén ti kilootén sla'asla'aané'.»

1 Yohana 3:14

Atén a xuaán adór gwa'ara ngira geexawaán nay waarahhaán amór slafiingw. Tí an xuaán asma hhaeerén i sla'aán. Heé sla'aari wásl i baraá gwa'arár i kaahh.

1 Yohana 3:18

Laqwalór ninakw, sla'aarirén miwa axweesantá tawo tleehhít, ala masók sla'aarirén an sla'aarír tlehhema'aá koom, nee ar looeema.

1 Yohana 3:23

Hara'ayaarós a tí, Garmaawós Yesu Kristo ku haratlintiaán, nee atén nee hhaeerén ti sla'asla'aané' adoodá' tira hara'ayín.

1 Yohana 4:11

Sla'aaruúse, bar Mungú atén taa adoorír slaá', atén gár tiwa hariím masók tin sla'asla'aán sleeme.