1 Yohana 4:20 - Biblía Axweesantá Hhohho' ar Mungú 2004

²⁰ Hee bir kaahi, «Mungú án u slaá',» ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú aa ariiká gu aslayká sla'atiro.

Ya/abtór hho' 1977

²⁰ Hee bir kaahi, “Mungú án u slaá',” ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú oo aa ariiká gu aslayká sla'atiro.

1 Yohana 4:20 Iomraidhean Croise

Yohana 13:35

Gawaá adoorihe muu sleémeero gay tsaahh adór kuungá' tar eeharuuser'eé', barnaxes kuungá' kiloohúng taa sla'aaslaé'.› »

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

1 Yohana 1:6

Atén bar kaahaan a al dinku'uumisaán nee Mungú, amorqae atén a baraá giwtír wa kumiitaán, daqaní a lama an kaahaán, nee adór ló' a tlehhiitanaaká.

1 Yohana 1:8

Atén bar kaahaan tlakweema i koomanaaká, ti kilootén al/agiimaán, tam looeema baraarene i kahhiyá'.

1 Yohana 2:11

Ala heé hhiyaawós gwa aahh, i baraá giwti, slám i baraá giwtír wa hoot, ala amór i kay ga xuiiká. Asma giwti ilaawós gaa taampuúr.

1 Yohana 2:4

Heé káh «Aníng inós ugwa xuú',» ala hara'ayaarós ga ohinká, inós a lamusmo, tam looeema i kahhiyá' baraawose.

1 Yohana 2:9

Heé káh, aníng a baraá gwa/aateema, ala inós hhiyaawós gwa aáhh, inós i baraá giwti tam hamí.

1 Yohana 3:17

Ala heé muruú baraaká' yaamu gu koóm, bar hhiyaawós oo gár koomaaká gun tawó ga/áy, ala gu alee/iimisiiká, xáy sla'aarír Mungú iqo deéro baraá heé adoorihe?

1 Yohana 4:12

Heé Mungú gwa baloó ar i kaahh. Atén birti sla'asla'aán, Mungú i baraarén wa hoot, sla'aarirós iri ganá' baraarene.