1 Yohana 4:2 - Biblía Axweesantá Hhohho' ar Mungú 2004

² Qeeruú Mungú adór kur tsahha' a adoorí, «Umuúqo heé káh, Yesu Kristo nina hardáh ar baraá slaqwa.» Kwí i Qeeruú Mungú kón.

Ya/abtór hho' 1977

² Qeeruú Mungú adór kur tsahha' a adoorí, “Umuúqo heé káh, Yesu Kristo nina hardáh ar iwa slaqwa tleehhiít, tí amór i dahh a amór Mungú.”

1 Yohana 4:2 Iomraidhean Croise

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

1 Korinto 12:3

Gawaá adoorihe án kuungá' nu xu'utís hee i kaahh oo axweés ar baraá Qeeruú hhoohhoó' oo Mungú oo káh, «Yesu ku lu'usi.» Nee slám heé taa geerahariiká nee Qeeruú hhoohhoó' oo Mungú, ga aleeslayká iwa ooi, «Yesu a Aako.»

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

1 Yohana 1:2

Slafiingwí nina geehhooúy, atén kway araán, slám ngun dirhúng i lamabu'uumaán nee ngun alki/iitaán slafingwdá' alhhe'eesay wásl, kudá' geeraawo amór Mungú Baabá i dirií', kunguri diréní geehhooatís.

1 Yohana 2:23

Heé Garma gwa tlaank, tam Baabá gwa satlaánk sleeme, oo Garma gwa ya/an, tam Baabá gwa ya/án sleeme.

1 Yohana 4:15

Hee bira ya/án adór Yesu Kristo tar Garmoó Mungú, Mungú i baraawós i dirii'. Nee inós i baraá Mungú.

1 Yohana 4:3

Umuúqo gár ta kaahi ar Yesu kuwa siasi'i i amór Mungú dahhaká. Axweesanaysíng oo mukdá' Kristo gwa sii', kangwdá' taa axasé' tawa kaahi, «Ni hardah, nee hamí naa qaroó baraá yaamií hardáh.»

1 Yohana 5:1

Umuúqo heé adoorí gaa haratlintii' adór Yesu tar Kristo, heewí kwa laqwaál nee Mungú. Heé baabuú na/aay gu slaá', na/aydá' baabá aa laqwaál gu slaa' sleeme.

2 Yohana 1:7

Asma al/aymuusér yaariir naa ti'ít baraá yaamuwo, ar kah, Yesu Kristo naa hardihiiká ar baraá slaqwa. Kwí an kuduú al/aymusmo, nee Wakusmoó Kristo.