1 Yohana 4:17 - Biblía Axweesantá Hhohho' ar Mungú 2004

¹⁷ Adoorihe sla'aari kana gan'aás baraarene, as kahhó' bál deelór sakwasleemaaro a da'ayumitanaaká. Asma adoodá' inós i dirii'i, an adór atén ti diriiaan baraá yaamuukae.

Ya/abtór hho' 1977

¹⁷ Adoorihe sla'aari kana gan'aás baraarene, as kahhoó' bál Deelór Sakwasleemaaro a da'ayumiitanaaká. Asma adoodá' inós i dirii'i, an adór atén ti diriiaan baraá yaamuukae.

1 Yohana 4:17 Iomraidhean Croise

Matayo 10:15

Án a kah, deelór alhhe'eesoó yaamuwo a tsiní gixsár Sodoma nee Gomora sakwasleemar'ín ngiwa ilií oohiya', ta gixsadae.»

Matayo 10:25

Ala i ya/aán eeharusmo tawa adór intsaahhatusmoowós, tam lawaalmo tawa adór aakoowós sleeme. Bar heé do' loó' kuna ateetín ar Be'elsebuli, xáy dír ta harqaasi dír mukdá' do'ós hoota.»

Matayo 11:22

Ala aníng kuungá' nun baw, bál deelór sakwasleemaro Tiro nee Sidoni a tsiní sakwasleemar'ín kawa ilí oohi, ta kuungane.

Matayo 11:24

Ala aníng kuungá' nun baw, bál deelór sakwasleemaro yaamaá Sodoma a tsiní sakwasleemar'ín ngiwa ilí oohiya', ta kuungae.»

Matayo 12:36

«Ala án a kah, umuúqo axweesantá gídaabár koomaaká ar muu i ooi, faarór axweesantadá' ka haniis bál deelór sakwasleemaro.

Yohana 15:20

/Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Yohana 17:22

Xirfuudá' kuúng naa aníng i hanís, aníng ugwa dir'íní haniís kudá' aníng iga haratlinti'iye', asma tawa wákleeli adoodár atén tar wákleeli,

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

Yakobo 2:22

A ga/eéraáke, haratlintaao gadiyeé gana tléhh dinkwa nee tlehhemi'iiwós, nee haratlintaaoorós iri bó/ ar loohír tlehhemi'i.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,

2 Petro 3:7

Doori nee yaamu kuká' hamí dawá' kina amohhe'eés nee kin xún ar axweesantá Mungú sleeme, nee in kumiitiyá' ar adoorós tidá' i dirii'iya' ay bál deeloodár sakwasleema. Baldá' bira xeér, kiri daa/ ar asla, nee múk tlakuuse kuri sakwasleemuut nee kuri qwaarees.

1 Yohana 2:28

Kuungá' laqwalór ninakw, baraawós wa hootaak, as qoomár Kristo birna hardáh, burkwa geehhooeés, atén mitiwa mureekeés dír geeraawós wa ale.

1 Yohana 2:5

Ala heé axweesantá Mungú gaa oh, baraawose sla'aarír Mungú aa ló'wa tleehharút, adór atén tar hootaán dinkwa nee Mungú, kay tsaahhaán.

1 Yohana 2:6

Heé káh, «Aníng nee Mungú a dinkwa», gár kuwa hariím, a adoodár Kristo inós sleeme gan ar hoot.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.

1 Yohana 3:3

Ala umuúqo heé harahhifór adoorí ga koóm gawaá Yesuwo, tin kilós hhoohhooeemiis adoodá' Yesu kur hhoohhoó'.

1 Yohana 3:7

Laqwalór ninakw, hee munduwa al/aáy. Heé gan'amuú tlehhaahhiít, an heé ganaá' adoodá' Yesu ir ganaai.

1 Yohana 4:12

Heé Mungú gwa baloó ar i kaahh. Atén birti sla'asla'aán, Mungú i baraarén wa hoot, sla'aarirós iri ganá' baraarene.