1 Yohana 4:12 - Biblía Axweesantá Hhohho' ar Mungú 2004

¹² Heé Mungú gwa baloó ar i kaahh. Atén birti sla'asla'aán, Mungú i baraarén wa hoot, sla'aarirós iri ganá' baraarene.

Ya/abtór hho' 1977

¹² Heé Mungú gwa baloó ar i kaahh. Atén birti sla'asla'aán, Mungú i baraarén wa hoot, sla'aarirós iri ganá' baraarene.

1 Yohana 4:12 Iomraidhean Croise

IIMU/UUNGW 32:30

Yakobo umuú didá' guri báy Penieli, i kaahi, «Nee Mungú taa araán ila nee tí, ala aníng a slaáf.»

TI'INAANGW 33:20

Ala MUNGÚ iri oó', «Kuúng gitsee/aeé' i aandaaká, asma i ya/aandaaká hee gitsee/aeé' ngiwa ari aluuwo iri hoot.»

FAARO 12:8

Gawaá adoorihe aníng nee inós an axweemaamisaán ar afe, nee ar geehhooeema, nee sleeme ar axweesantá bo/eeká. Inós slaqsay'eé' anuú AAKOÓ MUNGÚ guna ár. Gawaá adoorihe, asma waáy kuungá' sagadiyusmooeé' Mose musa qitlé' kaantiingo?› »

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

1 Korinto 13:13

Ala daxta gár kumiit a haratlintaao nee harahhifo nee sla'aari, muruuwí tám. Ala baraá muruuwihe gár ak afhhamít a sla'aari.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

Ebrania 11:27

Mose ina yaamaá Misrír wa tláy ar haratlintaao, tam xaraasleemaá waawutmo gaa da'ayuutiiká. Asma ina kumiít ar pihh'uuma adór heé Munguúdá' geetlaákw gu ga/áw.

1 Yohana 2:5

Ala heé axweesantá Mungú gaa oh, baraawose sla'aarír Mungú aa ló'wa tleehharút, adór atén tar hootaán dinkwa nee Mungú, kay tsaahhaán.

1 Yohana 3:24

Heé hara'ayár Mungú ga iialooeemiís, in baraawós wa hoot, nee Mungú i baraawós. Gawaá adoorihe a xuaán adór inós ir baraarén wa hoót, ar Qeeruú hhoohhoó' oo Mungú naa atén i haniís.

1 Yohana 4:16

Atén adór Mungú tira slaá', aga tsaahhaán, nee sla'aarirós kari haratlintiaán. Mungú a sla'aari. Kudá' baraá sla'aarír wa hoót, in baraá Mungú, nee Mungú i baraawós.

1 Yohana 4:20

Hee bir kaahi, «Mungú án u slaá',» ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú aa ariiká gu aslayká sla'atiro.

1 Yohana 4:6

Atén awa Mungú, umuúqo heé Mungú gu xuú', axweesantarén ga axamiis, múk Munguheeká axweesantarén ga axamiisiiká. Ar adoorihe qeeruú ló' u tsaahhaán nee qeeruú lamto.