1 Yohana 4:10 - Biblía Axweesantá Hhohho' ar Mungú 2004

¹⁰ Sla'aari an tí, Mungú atén tina slaá', a kaahaká atén inós una sla'aán. Garmaawós nguna ya/aáw asma atén nee Mungú tiwa haraki/isi, nee wayda nguwa tleehhi as tlakweemaarén.

Ya/abtór hho' 1977

¹⁰ Sla'aari an tí, gídaabá Mungú atén tina slaá', a gídaabaheeká atén inós una sla'aán. Garmaawós nguna ya/aáw asma atén nee Mungú tiwa haraki/isi, nee wayda nguwa tleehhi as tlakweemaarén.

1 Yohana 4:10 Iomraidhean Croise

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

Yohana 13:34

Hara'ayár /aben ngi oó', ‹Ti sla'aaslae'. Adoodá' án kuungá' nura slaá', kuungá' sleeme ti adoodár sla'aaslae'.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 6:51

Aníng an mikaáteedá' slafíngw koom, tidá' naa awet gawaá doorí wa ale. Hee bar mikaáteerí ngaa /aáy, i slafaafín ay alhhe'eesay wasle. Nee mikaáteerí án ni haniis a slaqwte'eé' ar kilá', as muu slafiingw nguwa slay.»

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

1 Yohana 2:2

Inós an kudá' taa haniís as atén tiwa haraki/isi nee Mungú as tlakweemaarén, ala as tlakweemaarén kilooineeká, nee tlakweemaá muu sleémeero.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.

1 Yohana 4:19

Atén Mungú un sla'aán, asma inós atén tina slaá' geerií ale.

1 Yohana 5:11

Lamabu'uungw an kwí, Mungú slafíngw alhhe'eesay wásl nguna haniís. Slafiingwí naa haniís i baraá Garmaawós i dirii'.