1 Yohana 3:4 - Biblía Axweesantá Hhohho' ar Mungú 2004

⁴ Umuúqo heé tlakweemaá tlehhiít, a hara'ayár Mungú eeharto gana sií'. Asma hara'ayár Mungú barka sií' eeharto, an tlakweema.

Ya/abtór hho' 1977

⁴ Umuúqo heé tlakweemaá tlehhiít, a hara'ayár Mungú eeharto gana sií'. Asma hara'ayár Mungú barkaa sií' eeharto, an tlakweema.

1 Yohana 3:4 Iomraidhean Croise

1 WAAWITÁ 8:47

bar qoomár tawa baraá looháy dirii'i baraá muner'ine ugwa i ki/iyé', niri hhu'uu'uné', nee uri gurtleemií firiné', bar taa oó', ‹Atén tlakweema iga tleehhaán, aga poora/amutaán nee aga tlakweesaán.›

1 QOM'I 10:13

Saulo ina gwaá' asma inkihhimu wasleerós, inós inkihhimu guna dakuús dír AAKOÓ MUNGUHE ar hara'ayár AAKOÓ MUNGÚ ngiwa oohiiká, nee sleeme inós gi'i gina yaahamisuú áy ale/iisaay nguwa slay,

2 QOM'I 24:20

Qeeruú Mungú Sekaria garmoó kaahamusmoó Mungú Yehoyada guri i hardáh. Sekaria iri sihhiít geeraá múkwí ale, giri báy, «Ahaá waáy, gár hara'ayár AAKOÓ MUNGÚ kasa sié' a milá? An gár hamí kuungá' gár ta slasleera' is kahh, asma inós kuungá' una sié', nee inós kuungá' naa máy sleeme.»

ISAYA 53:8

Kuna baramaanuús, kuri sakwasleemuút, kuri hingeés, baraá qartose heé tí gaa aldaakw i kaahh. Kuna sií' baraá yaamaá múk slafa, kuna muúx as tlakweemaá muk'eé' aa tleéhh.

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

FAARO 15:31

Asma inós kaahír AAKOÓ MUNGÚ gana sií', nee hara'ayaarós gana sií', heewí gár kuwa hariím aqo kun gaas. Lo'ór gwa'araarós inós kilós gun /ák.»

Matayo 5:19

Gawaá adoorihe, hee bar hara'ayár wák gaa iialooeesiiká baraá hara'ayadaá ninakwe, nee muu guri adoodár intsaahhatimís, inós a heé ló'wa niiná baraá waawuti'iimár dooriiwo. Ala heé hara'ayaarí gaa boo/ees, nee muu guri adoodár intsaahhatimis, inós a heé ló'wa úr baraá waawuti'iimár dooriiwo.

Tlehhema'aá ya/Abuuse 23:3

Paulo iri oó', «Mungú kuúng u slaahh, asma kuúng a adór koo/ír taa hhoohhoeés ar busla. Kuúng ana iwít as aníng iwa sakwasleemut ar adoodá' hara'aya i kat. Ala kuúng a kat, ‹Muxaak.› Gawaá adoorihe kuúng hara'aya aga sí'.»

Rumi 3:20

Asma heé ta gan'amií harafaari dír geeraá Munguhe i kaahh, ar loohír tlehhma'aá hara'aya, asma hara'aya gár i bu' dír heewo, a tlakweemaawós gin laqaaqaán as ngiwa tsaahhi.

Rumi 4:15

Asma hara'aya sakwasleemár Mungú gan huwaahúp, ala didár hara'aya iwa kahh, dakuús sleeme i káhh.

2 korinto 12:21

Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

Yakobo 5:15

Barta firín ar haratlintaao, tiqtusmoodá' iri tu/uut, Aako guri hungu/uus. Nee bar tlakweema ngaa tleéhh, ki gurtláy.

1 Yohana 5:17

Umuúqo gár ganaa'aaká a tlakweema, ala tlakweemaá gwa'arár kooma'aaká i dayá'.

1 SAMUELI 15:24

Saulo Samueli guri báy, «Tlakweema iga tleéhh, asma hara'ayár AAKOÓ MUNGÚ aga sii', tam axweesantók sleeme aga ilaiwa/iiká, asma muu una da'ayuút, afor'ín ngiri ilaiwaá/.