1 Yohana 3:21 - Biblía Axweesantá Hhohho' ar Mungú 2004

²¹ Sla'aaruúse, muneerén bar atén ti sakwasleemutká, daqaní dír Munguhe a da'ayumitaanaaká.

Ya/abtór hho' 1977

²¹ Sla'aaruúse, muneerén bar atén ti sakwasleemutaká, daqaní dír Munguhe a da'ayumiitaanaaká.

1 Yohana 3:21 Iomraidhean Croise

YOBU 22:26

daqaní kuúng tari qwalaalá/ as Mungú Aleesleemusmo kuri i qaytsít ar harahhifo.

YOBU 27:6

Aníng ti daba' hhohhó' nee sleeme a warqaqawaaká. aníng ti xuruumitaaká.»

WARA'AMI 101:2

Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

Rumi 14:22

Kuúng a haratlintaaór koón daanduú muruuwihe, haratlintaaoorók tisíng kilók koomeek dír geeraá Munguhe. Heé amohhoó' a kudá' ti kilós sakwasleemuutaaká baraá muunaáwose baraá muruudá' tleehhamooro aa tsawaari.

1 Korinto 4:4

Asma baraá muunaáeene gár aníng i sakwasleemuut i káhh. Ala aníng ti gan'amií harafaariiká as adoodá' muunaáeé' iwa sakwasleemuutiiká. Ala heé aníng i sakwasleemuút an Aako.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Efeso 3:12

Gawaá adoorihe atén Kristo bura haratlintiaán, daqaní atén a da'ayumitanaaká Mungú i tseewuwto ar baraawós, nee tari axweesaán nee Mungú ar wayda.

1 Timoteo 2:8

Gár án ni slaa' hhawaate masók an múk daba' hhohhó' nee oo buhhabuhhaaká nee múk tlaampa'aamisaaká. Ala umuúqo diiro hhawaataá adoorí masók dabaaín ngin gáwtí tleemisiyá' baraá firooro.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

1 Yohana 2:28

Kuungá' laqwalór ninakw, baraawós wa hootaak, as qoomár Kristo birna hardáh, burkwa geehhooeés, atén mitiwa mureekeés dír geeraawós wa ale.

1 Yohana 2:7

Sla'aaruuser'eé', hara'ayár ni kuungá' i gooiim ar /abeneeká, ala a hara'ayaadá' ta xua' qaroó alé iimír iimu/uungo. Hara'ayaadá' ta qaroó xua' a axweesantadá' taa axasé'.

1 Yohana 3:2

Sla'aaruúse, daxta atén a na/aá Mungú, ala adór aluuwo ta laqaan hamírihe naa gehhoouuriiká, ala tí a xuaán Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.

1 Yohana 3:20

gawaá umuúqo gaaro ar muneerén tiwa sakwasleemuta, asma Mungú ku úr ta muneerene, nee inós mura' sleémeero gu xuu'.

1 Yohana 4:17

Adoorihe sla'aari kana gan'aás baraarene, as kahhó' bál deelór sakwasleemaaro a da'ayumitanaaká. Asma adoodá' inós i dirii'i, an adór atén ti diriiaan baraá yaamuukae.

1 Yohana 5:14

Adoorihe a harahhifór koomaán dirose bar ugwa firiimaán ar adór inós i slai, ti axaas.