1 Yohana 3:20 - Biblía Axweesantá Hhohho' ar Mungú 2004

²⁰ gawaá umuúqo gaaro ar muneerén tiwa sakwasleemuta, asma Mungú ku úr ta muneerene, nee inós mura' sleémeero gu xuu'.

Ya/abtór hho' 1977

²⁰ gawaá umuúqo gaaro ar muneerén tiwa sakwasleemuta, asma Mungú ku úr ta muneerene, nee inós mura' sleémeero gu xuu'.

1 Yohana 3:20 Iomraidhean Croise

YOBU 27:6

Aníng ti daba' hhohhó' nee sleeme a warqaqawaaká. aníng ti xuruumitaaká.»

YOBU 33:12

«Ala Yóbu, diirihe kuúng aga dakús, án kuúng u mu/aywaáts Mungú ku úr ta heewo.

WARA'AMI 90:8

Tlakweemaarén ki geehhoo' diroge, tlakweemaá baraá naaqo naa geehhoouyé' baraá gwa/aateemaawoge.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Yohana 8:9

Qoomár inooín /aymi'iidá' Yesu aa oó' kiwa axaás, muner'ín giri sakwasleemút. Tiri wakeetiné' ti'inango, bariise ina giiriín, sleémeero tay faakiís. Yesu kuna kilós geexáy, nee /ameenidá' i dír geeraawós wa sihhmít.

Tlehhema'aá ya/Abuuse 5:33

Inooín adoorí kawa axaás, mune giri farkiín, kiri tsu/utár wa slaá'.

Rumi 8:34

Heé inooín gi sakwasleemuút a heemá? Yesu Kristo ina gwaá', nee slám a tí kiloseeká, inós nina waasleé/ baraá múk aa qaátl wa ale. Nee inós hamí i dákw /iyáy oo Mungú, i atén aleefiriirín.

1 Korinto 4:4

Asma baraá muunaáeene gár aníng i sakwasleemuut i káhh. Ala aníng ti gan'amií harafaariiká as adoodá' muunaáeé' iwa sakwasleemuutiiká. Ala heé aníng i sakwasleemuút an Aako.

Tito 3:11

Asma kuúng a xú' heé adoosíng a heé aa hhitiruut. I tlakweemaá tlehhiit, nee slám gi xuu'.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Ebrania 6:13

Qoomár Mungú al'axweesani ngiwa oó' dír Abrahamu, lo'o gari /aáy adór tidá' aa oó' ir tleehharút. Lo'oodá' gari /aay ar umuuwós inósuú kilá', asma oo úr oo inós gu baá/ i kaahh, oo lo'o ngir huwi.

1 Yohana 3:19

Gawaá adoorihe daqaní a xuaán adór atén tar múk looeema, nee tari gurkwa/aán dír geeraawose,

1 Yohana 3:21

Sla'aaruúse, muneerén bar atén ti sakwasleemutká, daqaní dír Munguhe a da'ayumitaanaaká.

1 Yohana 4:4

Laqwalór ninakw, kuungá' awa Mungú, nee kuungá' aaruuseedár lama aga arba/é', asma Mungú i baraahúng i dirii', nee inós ku úr ta Wakusmoó Kristo oo baraá yaamií diriia.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.