1 Yohana 3:2 - Biblía Axweesantá Hhohho' ar Mungú 2004

² Sla'aaruúse, daxta atén a na/aá Mungú, ala adór aluuwo ta laqaan hamírihe naa gehhoouuriiká, ala tí a xuaán Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.

Ya/abtór hho' 1977

² Sla'aaruúse, daxta atén a na/'aá Mungú, ala adór aluuwo ta laqaan hamírihe naa gehhoouuriká, ala tí a xuaán gídaabá Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.

1 Yohana 3:2 Iomraidhean Croise

YOBU 19:26

Nee alaá kaahartaeé' kawa adoorír hhitín, anínguú kilá' ar ilaaeene Mungú un ár.

WARA'AMI 16:11

Kuúng aníng i loohír slafíngw i geehhoatís. Dír geeraawoge qwala/ ku yaariír, nee baraá dakók kuduú doó /iyayhe hhooeemaá alhhe'eesay wasl i dayá'.

WARA'AMI 17:15

Ala aníng kuúng u ár, asma gár naa dakuús i káhh. Qoomár binda tláw an haáts qwal/uwo, asma a dinkwa nee kuúng.

WARA'AMI 31:19

Hhooeemaawók adór kir úr, kudá' taa qás as mukdá' kuúng u ilaiwawaá/, kudá' taa tléhh dír mukdá' kuúng u i gogoowa, dír geeraá muko.

ISAYA 56:5

Aníng inooín baraá guruú dooeene nee baraá guruú baquuwo in dír xiríf i haniís. Umuú ló'wa afhhamít oo na/aá daaqaay nee awa dasuuwo gi baa/ un haniís. Aníng in umií haniís oo ta inslaslay kureeri sleem oo ta baloó fitsiiká.

MALAKI 3:2

Ala heé deelór hardahamaawós ga saqiítl a heemá? Laqaá heé sihhiít inós birna geehhooúy a heemá? Asma inós a slaqsoó asltá heé muqslár kwahhuút, a slaqsoó saabuúnír heé tlabaá hhuuntsiít.

Matayo 5:8

Múk amohhoó' a kudá' mune hhohhó', asma inooín Mungú ngu ariyá'.

Luka 17:30

Adoorí an adoodá' tleehharuut bál Garmoó Hee burku geehhoees.

Luka 20:36

Slám ta malé qatliiká, asma inooín a adór malayke, nee inooín a na/aá Mungú, asma tawa múk naa waaslee/.

Yohana 1:12

Ala kudá' sleémeero ngwa ilaoohiye', gina aleesleemuú i haniís, tawa na/aá Mungú tleehhiti. Inooín an kudá' inós ngwa haratlintii'iye'.

Yohana 11:52

Ala as xooroorí kiloseeká. Nee tam as mukdá' Mungú gu haratlintií' baraá xoorduuwo nguwa burumburi as tawa wák tleehhiti.

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Rumi 8:16

Qeeru i lamabu'ún dinkwa nee qeeruurén adór atén tar na/aá Mungú.

Rumi 8:18

Aníng slahha'amaayér qoomaarír hamí a gaárí fadiitaaká ta xirfuudá' tindi amoorén i geehhooeesi qoomaadae.

Rumi 8:19

Nee mura' sleémeero sleeme kudá' Mungú aa tleéhh, ku daamaarán ar haraxu'uti, adór na/aá Mungú kir geehhooeesi baraá xirfuú wa ale.

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

1 Korinto 13:12

Asma qoomaarihe atén an ga/aawaán ar baraá looa ar slaqsi'i. Ala qoomaadá' binda xeér, atén an ga/aawaán ar ilaarén awa kilá'. Qoomaarihe xu'utir'eé' i harqoomoó koón, ala qoomaadá' binda hardát, aníng a xu'uti hhe'eés, adoodá' tira xu'uti hhe'eés nee Mungú.

1 Korinto 15:49

Adoodá' atén tar slaqás nee heedaádá' taa tleéhh ar hhape, adoorí an adoodá' sleeme atén tir slaqsi nee heedaádá' gawaá dooraá daáhh.

1 Korinto 2:9

Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

Galatia 3:26

Asma kuungá' sleémeero a na/aá Mungú asma Yesu Kristo ugwa haratlintié'.

Galatia 4:6

Asma adoodá' kuungá' tawa na/iiwós, Mungú Qeeruú Garmaawós nguna baraá muneeréní ya/aáw, kudá' ateetiím, «Baabá, Baabá.»

Filipi 3:21

Inós slaqoorén kuká' hhitiruutá' giri warqees nee tari adór slaqwtós tidár xirfuú koom. Inós adoorí tleehhamooro ga aleesláy. Asma inós /uuru gu kón oo mura' sleémeero nguwa qaasi baraá aleesleemuuwós i alé.

Kolosai 3:4

Kristo a slafingwhúng oo ló'. Inós bál binda male geehhooúy, kuungá' daqaní a geehhoouurá' dinkwa nee inós ar baraá xirif.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

2 Petro 1:4

Gawaá adoorihe tam al'axweesanoó urén nee oo afhhamít ugwa slawaán ar xirfuuwós nee /uuruuwós. Kuungá' al'axweesanaywí bura haratlintié', hhitiru'uumár baraaká' yaamu daqaní ilagowto a aleesleerá', nee tlehhmuú munguiima u sleerá'.

1 Yohana 2:28

Kuungá' laqwalór ninakw, baraawós wa hootaak, as qoomár Kristo birna hardáh, burkwa geehhooeés, atén mitiwa mureekeés dír geeraawós wa ale.

1 Yohana 2:7

Sla'aaruuser'eé', hara'ayár ni kuungá' i gooiim ar /abeneeká, ala a hara'ayaadá' ta xua' qaroó alé iimír iimu/uungo. Hara'ayaadá' ta qaroó xua' a axweesantadá' taa axasé'.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.

1 Yohana 3:10

Gawaá adoorihe na/aá Mungú ki geehhoo', tam na/aá Neetlaangw sleeme. Asma heé tlakweemaá tlehhaahhiít kwa laqwaaliiká nee Mungú, tam kudá' hhiyaawós ahhiít sleeme.

1 Yohana 3:21

Sla'aaruúse, muneerén bar atén ti sakwasleemutká, daqaní dír Munguhe a da'ayumitaanaaká.

1 Yohana 5:1

Umuúqo heé adoorí gaa haratlintii' adór Yesu tar Kristo, heewí kwa laqwaál nee Mungú. Heé baabuú na/aay gu slaá', na/aydá' baabá aa laqwaál gu slaa' sleeme.

Geehhoeemaá 2:28

Nee aníng tsatsee/idár matlaatle a dirós i haniís.

Geehhoeemaá 22:4

Inooín gitsee/awós ngi ga/ayá', nee umuuwós kwaa gawaá gitsee/er'ín i gooín.