1 Yohana 3:19 - Biblía Axweesantá Hhohho' ar Mungú 2004

¹⁹ Gawaá adoorihe daqaní a xuaán adór atén tar múk looeema, nee tari gurkwa/aán dír geeraawose,

Ya/abtór hho' 1977

¹⁹ Gawaá adoorihe daqaní a xuaán adór atén tar múk looeema, muneerén kay tsaeesaán adoorír alé dír geeraawose,

1 Yohana 3:19 Iomraidhean Croise

WARA'AMI 119:56

Tsuuqa iga sláw, hara'ayarók ngiwa óh.

ISAYA 32:17

Nee as sakwasleemár ganaa'a muu iri hoot ar wayda, nee as hotaá ganaa'á', muu in hoot ar amohhooa nee saxareema ay kureeraá kureér.

Yohana 13:35

Gawaá adoorihe muu sleémeero gay tsaahh adór kuungá' tar eeharuuser'eé', barnaxes kuungá' kiloohúng taa sla'aaslaé'.› »

Yohana 18:37

Pilato guri yaahaás, «Ala kuúng a waawutmoówoóke?» Yesu guri báy, «Kuúng an kát adór aníng tar waawutmo. Aníng gár tisa laqwaál nee gár nisa hardáh baraaká' yaamií alé, a tí kilós, ‹Kángw looeema nguwa kah. Umuúqo heewo oo bartá looeema, axweesante'eé' ga axamiis.› »

Rumi 4:21

Nee slám al'axweesantá Mungú gari haraxuú' adór Mungú tidá' aa dir'ínií al'axweés ngir aleesláy tleehhamooro.

Rumi 8:38

Asma aníng a ló'wa xuú' gár aníng paraatlaro i aleeslaw dír sla'aarír Munguhe i káhh. Gwa'ara i aleesleeraaká paraatlaro, laqaá slafiingw, laqaá malayke, nee tam kudá' aleesleemuú koomá' baraá yaamaá qeeruuwo i aleeslay'aaká paraatlaro, nee tam muruudá' dáw, laqaá tam muruudá' sangw hardáh, laqaá tam kudá' /uuruú koomá',

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 11:13

Mukwí sleémeero ina qaátl, tawa baraá haratlintaaór i dirii'i. Ala muruudá' Mungú aa al'axweés inooín kwaa slayká. Kuna ár amór saáw i alé, kuri sa qwalaalaá/. Nee adór inooín tar dahaaye nee aauuse baraá yaamuwo kari ya/an.

1 Yohana 1:8

Atén bar kaahaan tlakweema i koomanaaká, ti kilootén al/agiimaán, tam looeema baraarene i kahhiyá'.

1 Yohana 2:21

Kaangwí nguna kuungá' i gooiím, ala a kaahaaká kuungá' looeema i xua'aaká, ala looeema i xuá', sleeme a xuá' baraá looeemaawo adór lama tam ar niiná ir káhh.

1 Yohana 3:14

Atén a xuaán adór gwa'ara ngira geexawaán nay waarahhaán amór slafiingw. Tí an xuaán asma hhaeerén i sla'aán. Heé sla'aari wásl i baraá gwa'arár i kaahh.

1 Yohana 3:20

gawaá umuúqo gaaro ar muneerén tiwa sakwasleemuta, asma Mungú ku úr ta muneerene, nee inós mura' sleémeero gu xuu'.

1 Yohana 3:21

Sla'aaruúse, muneerén bar atén ti sakwasleemutká, daqaní dír Munguhe a da'ayumitaanaaká.