1 Yohana 3:12 - Biblía Axweesantá Hhohho' ar Mungú 2004

¹² Atén mawa adór Kaini tleehhitaán. Inós bartá kudá' tlaákw gana áy, hhiyaawós guri gaás. Kaini hhiyaawós gár ngusa gaás a milá? Gár ngusa gaás a tlehhemi'iiwós kin tlakw, ala awa hhiyaawós in ganaaiyá'.

Ya/abtór hho' 1977

¹² Atén mawa adór Kaini tleehhitaán, kuduú bartá Neetlaangw, oo hhiyaawós gwa gaas. Kaini hhiyaawós gár ngusa gaás a milá? Gár ngusa gaás a tlehhemi'iiwós kin tlakw, ala awa hhiyaawós in ganaaiyá'.

1 Yohana 3:12 Iomraidhean Croise

IIMU/UUNGW 4:25

Adam nee hareerós tari malé alqaát, inós na/oó garma guri xwayluúr, umuuwós a Seti. Iri ó', «Mungú na/oó hatlá' ngwa haniís kitángw Abeliwo, asma Abeli kuna gaás nee Kaini.»

2 SAMUELI 13:22

Absalomu axweesantá amór Amnoni gari máy, asma Amnoni nee hho'oorós tawa alqaát.

WARA'AMI 37:12

Tlakuusmo heé hota ganaá' gun geewaqaqatín, nee gun /atlií /aay.

WARA'AMI 38:20

Kudá' aníng i tlakweemaá i tlehhiitá' as hhooeema ngiwa tleéhh, inooín a wakuuser'eé' asma aníng gár naa gurií baá/ a hhooeema.

AXWEESANOÓ SAGALOOA 27:4

Buhhta i xaraasliyá', slaqwara i tsu/út, ala da/i in ak xarásl ta muruuwí sleémeerowo.

AXWEESANOÓ SAGALOOA 29:10

Múk tseerdaá múk ku'umamiís heé daba' hhohhó' ngu slaiiká, ala múk hhó' slafíngw heedaádá' gun de'én.

AXWEESANOÓ SAGALOOA 29:27

Heé tlákw ku waak nee heé hota ganaá' Ala heé tlehhmi'iiwós qoomá' ku waak nee heé tlaákw.

Matayo 13:19

Umuúqo heewo oo axweesantá waawuti'iima gaa axaas, nee gídaabárós birnga tsaahhiiká, kudá' tlaákw nin hardah, nee /aymuudá' taa baraá muunuú heéwi dahaás guri hingees. Kwí an kudá' aa paahh afaá loohi.

Matayo 13:38

Qaymoodá' a yaamu. Dahaasingwdá' hhó' a mukdá' baraá waawuti'iimár Mungú i dirií'. Nee sla/atadár baraá qaymo a múk kudá' tlaákw.

Matayo 23:35

Gawaá adoorihe tseerdu sleémeero awa múk hota ganaá', kudá' taa yaamií ku'uús, nu i ki/iyá', iimír tseerér Abeli wa tleemu kudá' hota ganaá', tam ay tseerér Sakariuú Barakia, kudá' taa gasé' tla/ángw kitángw ilahhooa nee Doó Mungú.

Matayo 27:23

Pilato iri oó', «Asma milá? Gár aa tlakweés?» Boo/aydá' tsimaahhiro iri ak buúhh, tari oó', «Kikieek gawaá msalaába.»

Matayo 5:37

Ala axweesantahúng masók a ‹Ka hhoo',› laqaá ‹Aasla'áy›. Asma ar dír tihe aa harwaarahh, amór i dahh a amór kudá' tlaákw.»

Luka 11:51

iimír tseerér Abeli wa tleemu ay tseerér Sekaria sleeme, kudá' taa gaás dír tla/ángw kitángw ilahhooa nee Doó Mungú. Án a kah, tí sleémeero ka gawaá daanduú múk de'emuukí iinuus.

Yohana 10:32

Yesu iri oó', «Gadiyér yaariir ar hho' nga laqaám, ar amór Baabá daahh. Gawaá adoorihe a gadiyeé gaalá ar aníng is tlaquta' ar tlaa/e?»

Yohana 8:40

Tidá' ló' naa amór Mungú wa axaás, ngin kuungá' babáw, ala tam adoorihe kuungá' i gaasár wa sla'á'. Ala Abrahamu adoosíng gaa tleehhiiká.

Yohana 8:41

Kuungá' gadiyér ta tlehha' ar baabuúhúng.» Tari oó', «Atén a xwaylár tsaatu'uumarooká. Atén Baabá u koomaán, an Mungú.»

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

1 Tesalonike 2:14

Kuungá' hhaee'eé', gár kuungá' taa sleeré' a adór tidár múk kríshaanáy oo baraá yaamaá Yudeár i dirií' aa sláy, mukdá' Yesu Kristo gwa haratlintii'. Kuungá' slahh'eemisuú taa sleeré' dír xoororhúng ar kilá' wa ale, an adór slahh'eemisuú inooín taa sláy dír múk Yahudír wa ale.

Ebrania 11:4

Abeli Mungú guna haratlintií', ilahhooár ak hhoo' ar gár ta gaasi ta tidár Kainiwo gari amór Mungú i haniís. Mungú ilahhooár Abeli gari ya/án, gari ilaóh. Gawaá adoorihe Mungú Abeli gway lamabu'ún as haratlintaaoorós, adór tar heé ganaá'. Abeli tim aa gwaai ala tam laarí inós i kumiit axweesanto ar haratlintaaoorós.

Ebrania 12:24

Kuungá' ana hardaté' dír Yesu. Inós an harki/isusmoó alqadoodá' /aben. Tam tseereerós tidá' hhoohhooeemiis i ak axwés ta tseereedár Abeliwo.

1 Petro 4:4

Inooín i waa/oo/aminá' as adoodá' kuungá' nee inooín tiwa alkoomakoonda'aaká baraá tlehhemi'ii'ín kudá' slasla/arene, kudá' hariima wasle. Gawaá adoorihe tundu /ooslislín.

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

Yuda 1:11

Mukwí a tsaxwaaín. Asma inooín loohír Kaini kana eehár. Tari /eét baraá dakuúsadár Bala'amu, as tawa bu'utuú slai, inooín tari qwaár baraá dee/aanuú adór kuduú Kora.

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.