1 Yohana 2:24 - Biblía Axweesantá Hhohho' ar Mungú 2004

²⁴ Tidá' kuungá' taa qaroó axasé' iimír iimu/uungo masók i baraahúng wa hót. Tidá' taa qaroó axasé', bir baraahúng wa hót, kuungá' daqaní sleeme a baraá Garmá wa hotá' nee baraá Baabá.

Ya/abtór hho' 1977

²⁴ Tidá' kuungá' taa qaroó axasé' iimír iimu/uungo masók i baraahúng wa iwiiwít. Tidá' taa qaroó axasé', bir baraahúng wa iwiiwít, kuungá' daqaní sleeme a baraá Garmá wa iwiiwitá' nee baraá Baabá.

1 Yohana 2:24 Iomraidhean Croise

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

AXWEESANOÓ SAGALOOA 23:23

Looeema leeleehheek, mi baloó waaqaa'aar, sagalooa leeleehheek nee intsaahhatisaro nee tsaahharo.

Luka 1:2

adór kungura atén i alki/iít nee mukduú aáng gwa ar ar ilaaín iimír geeraá wa ale, nee oo axweesantadá' gaa alki/iit.

Luka 9:44

«Axweesantí ooha hhe'eesaak baraá iaahunge, ‹Garmoó Hee ku gawaá dabaá múkwí qaas.› »

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

Yohana 15:7

Kuungá' barnaxes a baraaeé' wa hotá', nee axweesanay'eé' bira baraahúng wa hoót, umuúqo gár ta sla'a'a firiimaak, kingi haniis.

Yohana 6:56

Heé slaqwte'eé' ga /aáy, nee heé tseerer'eé' ga wáh, inós i baraaeé' wa hoot, nee aníng a baraawós wa hoót.

Yohana 8:25

Múk Yahudi inós kuri báy, «Kuúng a heemá?» Yesu iri oó', «Ahaá baré nuna qaroó geerií ádbáw, gár ni malé oo' a milá?

Filipi 4:15

Ala kuungá' múk Filipi, kuungá' kilá' kaangwí u xuá', qoomaadár geeraawo Ya/abtór hho' ngiwa alki/iít, nee yaamaá Makedonia ngiwa geexáw, múk nee aníng aga aldinku'uusaan baraá mura' slaslaango nee hanmisuuwo a kuungá' múk Filipi kiloohúng. Kríshaanoó amór yaamaá hatlae oo adoorí gaa tleehh i kaahh.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Ebrania 2:1

Gawaá adoorihe atén gár tiwa hariím ya/abtoodá' taa axaasaán an ak alqaytsimiitaán ló'wa ale, as kahhó' atén mawa paslaán baraá loohirene.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

1 Yohana 2:7

Sla'aaruuser'eé', hara'ayár ni kuungá' i gooiim ar /abeneeká, ala a hara'ayaadá' ta xua' qaroó alé iimír iimu/uungo. Hara'ayaadá' ta qaroó xua' a axweesantadá' taa axasé'.

1 Yohana 3:24

Heé hara'ayár Mungú ga iialooeemiís, in baraawós wa hoot, nee Mungú i baraawós. Gawaá adoorihe a xuaán adór inós ir baraarén wa hoót, ar Qeeruú hhoohhoó' oo Mungú naa atén i haniís.

1 Yohana 4:13

Adoorihe an xuaán adór atén tar baraawós wa hootaán, asma atén inós taa qáy Qeeruuwose.

1 Yohana 4:15

Hee bira ya/án adór Yesu Kristo tar Garmoó Mungú, Mungú i baraawós i dirii'. Nee inós i baraá Mungú.

1 Yohana 4:16

Atén adór Mungú tira slaá', aga tsaahhaán, nee sla'aarirós kari haratlintiaán. Mungú a sla'aari. Kudá' baraá sla'aarír wa hoót, in baraá Mungú, nee Mungú i baraawós.

2 Yohana 1:2

Asma looeemaaká' baraatén wa hootá', slám alhhe'eesay'ín i kaahh, aqo nee atén an alhotaatimaán.

2 Yohana 1:9

Heé baraá intsaahhasár Kristó wa hootaaká, ala iri harwaaraáhh, heé adoorí Mungú baraawose i kaahh. Ala heé baraá intsaahhatisár Kristó wa hotaatiím, kwí Baabá gu kón nee Garmaawo.

3 Yohana 1:3

Aníng ana ló'wa qwalaá/, asma hhaeekaari niwa hardihiyé', kangók nguri lamabu'uné' dirén adór kuúng looeema kira ót, nee adoodá' kuúng tar hot baraá looeemá wa ale.

Geehhoeemaá 3:11

Aníng ni hardáh ar gaanslaay. Tidá' ta koon ooha hhe'eeseek, as kahhó' hee slamaangók munguwa hayóh.

Geehhoeemaá 3:3

Gawaá adoorihe axweesantadá' adór kara ilaót nee adór kara axamís inslaweek, nee ka ót, ta hhu'u'uún. Ala kuúng bar aga dal'iká, aníng ni hardáh amoorók i aleeró adór fisusmo, ala qoomaadá' aníng ni hardah kuúng a xu'uká.