1 Yohana 2:20 - Biblía Axweesantá Hhohho' ar Mungú 2004

²⁰ Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe kuungá' mura' sleémeero u xuá'.

Ya/abtór hho' 1977

²⁰ Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe mura' sleémeero u xuá'.

1 Yohana 2:20 Iomraidhean Croise

WARA'AMI 16:10

Asma, AAKOÓ MUNGÚ, kuúng aníng i baloó meeraaká baraá gi'ií alé, a ya/aandaaká heewók oo hhoohhoó' iwa hhitiruuti.

WARA'AMI 23:5

Muruú /aymar'eé' un amohhe'és dír geeraá wakuuser'eé', sagw'eé' un iimbaláx ar di/i, slooqmooeé' kway hatsís, iri waa/.

WARA'AMI 45:7

Kuúng gan'amu una slá', malgweét ana áhh, gawaá adoorihe AAKOÓ MUNGÚ, kuduú Munguúwók, kuúng una iimbalaáx ar di/i as uwa waawutmoó wa qaasi, una qwal/atís ta waawituú hatlae.

WARA'AMI 71:22

Aníng kuúng un xirfayeemiís, ar seése as inkihhimuuwók, kuúng Munguúeé', án kuúng un i daá' ar gidaandoori, kuúnguudá' hhoohhoó' oo Israeli.

WARA'AMI 92:10

Ala kuúng aníng iga /uurií hanís adór kuduú saree/a, ina slík ar di/tá /awak.

AXWEESANOÓ SAGALOOA 28:5

Múk tlákw sakwasleemár ganaa' ga tsaahhiiká, Ala mukdá' sleémeero AAKOÓ MUNGÚ gu leelehhiít sleémeero ga tsaahh.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

TLAHHOÓ LAÁWI 7:35

Muruuwí kuna paraátl as Aroni nee xwaylarós baraá ilahhooadár da/a ta hanmiisi dír AAKOÓ MUNGÚ iimír bál kiwa kaahamuusér AAKOÓ MUNGÚ wa qaás.

Matayo 13:11

Yesu giri i ilawaáts, giri báy, «Kuungá' naaqór waawuti'iimár doori aga xue'. Ala inooín ka xuiiká.

Marko 1:24

Yesu guri báy, «Atén nee kuúng a milá, Yesú Nasareti? Ahaá, nina hardáti as atén tiwa qwaares? Án kuúng u xuú' adór tar heemá, Kudá' Hhoohhoó' oo Mungú.»

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Luka 4:34

«Ahaá, Yesú Nasareti atén nee kuúng a milá? Nina hardáti as atén tiwa qwaares? Án kuúng u xuú' adór tar Kudá' hhoohhoó' oo Mungú.»

Yohana 14:26

Ala alee/isusmoodá', ta bay Qeeruú hhoohhoó' oo Mungú, kudá' Baabá ni ya/aawi ar umuueé', kuungá' nun intsaahhatimis baraá umuúqo gaaro, slám tidá' sleémeero án naa kuungá' bawi nuri inslawtimis.

Yohana 16:13

Ala Qeeruuduú looeema bar inós naa hardáh, kuungá' nu gan'aas baraá looeema sleémeero, asma ar i axweesi a toseeká, ala sleémeero tidá' i axaasi gan oo', nee muruudá' aluúwaá hardaha nu xu'utis.

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 3:14

Ala kuungá' Kudá' hhoohhoó', nee gan'amuú koóm kuri sié'. Nee kudá' aa tsu/uut kuri firiindé' kuwa gweeri.

1 Korinto 2:15

Ala heedaádá' Qeeruú Mungú gu koóm, inós mura' sleémeero tsaahharo gu aleesláy. Ala heé inós tsaahharo gu aleesláw i kaahh.

Ebrania 1:9

Kuúng hotaá ganaa'á' ina slá', nee tlakweema iga áhh. Gawaá adoorihe, Mungú, inós a Munguúwók, kuúng ugwa iimbalaáx ar di/tá qwala/ ta hhaeewoge.»

Ebrania 8:11

Hee i kaahh oo inslaawmoowós gu intsaahhatimís, laqaá hhiyaawós, nguwa bay, ‹Aako na xueek.› Asma sleémeero án ti xuu', iimír heé niiná tam ay heé úr.

1 Yohana 2:27

Kuungá' tunda Qeeruú hhoohhoó' oo Mungú i haniís. Nee Qeeruuwí hhoohhoó' tinda kuungá' i haniís, inós bir baraahúng wa hoot, daqaní hee kuungá' gár nus intsaahhatimisi i káhh. Asma Qeeruudá' tinda kuungá' i haniís, inós mura' sleémeero ngu kuungá' i intsaahhatimis. Nee gár ni kuungá' i intsaahhatimisi a looeema, a lamtooká. Tidá' kuungá' nuwa intsaahhatimisi oohaak, ta baraawós wa hotá'.

1 Yohana 4:13

Adoorihe an xuaán adór atén tar baraawós wa hootaán, asma atén inós taa qáy Qeeruuwose.

Yuda 1:5

Kaangwí ngun dirhúngií inslawtisár wa slaá', ala tam ugwa geerií xui'i, gídaabá Aako mukós nguwa baraá yaamaá Misrír wa ba/amís, aluuwo mukdá' inós gwa haratlintii'iiká guri qwaareés.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.

Geehhoeemaá 4:8

Nee muruuwí slaáf tsiyahhaawo umuúqo gaaro hhampe'eeraá lahhoó' gi koón. Nee hhampe'eeriká' kaa harweér nee ila', nee tam baraá guruú hhampe'eeriwo. Muruuwí i daa' xweera nee tlaatla/aangw, ta hungu/uumisiiká sleeme. Gár ta daai a tí, «Aakoó Munguú Aleesleemusmo inós ku hhoohhoó', ku hhoohhoó', ku hhoohhoó'. Inós an kudá' qaroó daadáw, nee an kudá' dáw, nee kudá' sangw hardáh sleeme.»