1 Yohana 2:14 - Biblía Axweesantá Hhohho' ar Mungú 2004

¹⁴ Kuungá' laqwalór ninakw, kaangwí nguna dirhúngií gooiím, asma Baabá ugwa xué'. Kuungá' ín baabá, kaangwí nguna dirhúngií gooiím, asma kudá' daadáw iimír iimu/uungo ugwa xué'. Kuungá' masoómba kaangwí nguna dirhúngií gooiím asma a /uuruú koondá', nee axweesantá Mungú i baraahúng wa hót, nee kuungá' kudá' tlaákw ugwa ar ba/é'.

Ya/abtór hho' 1977

¹⁴ Tí ngina kuungá' i gooiím, láqwalo, asma Baabá ugwa xué'. Tí ngina kuungá' i gooiím, kuungá' ín baabá, asma kudá' daadáw iimír iimu/uungo ugwa xué'. Tí ngina kuungá' i gooiím, masoómba, asma a /uuruú koondá', nee axweesantá Mungú i baraahúng wa hót, nee kuungá' kudá' tlaákw ugwa ar ba/é'.

1 Yohana 2:14 Iomraidhean Croise

WARA'AMI 119:11

Axweesantók aga óh baraá muunaáeé', as aníng kuúng muwa sadakuús.

Yohana 15:7

Kuungá' barnaxes a baraaeé' wa hotá', nee axweesanay'eé' bira baraahúng wa hoót, umuúqo gár ta sla'a'a firiimaak, kingi haniis.

Yohana 5:38

Nee axweesantós i baraahúng wa hotká, asma kuungá' kudá' inós naa ya/aáw u haratlintatia'aaká.

Yohana 8:31

Aluuwo Yesu múk Yahudi kudá' gwa haratlintii' guri báy, «Kuungá' bara kumité' axweesante'eé' iialooeemisuuwo, aga eeharuuser'eé' ar ló' tleehhité'.

Yohana 8:37

Aníng a xuú', kuungá' a xwaylár Abrahamu. Tam adoorihe kuungá' a pa/ángw leelehhitá' oo aníng ir gasa', asma axweesante'eé' baraahunge i káhh.

Efeso 6:10

Gimsé', ilakaaharu tleehhaak baraá Aakoowo, nee baraá aleesleemuú /uuruuwose.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Kolosai 1:11

An firiiriimaán as kahhó' Mungú baraá aleesleemuuwós kudá' xirfuú kooma, kuungá' nuwa /uuruú i haniisi, as tawa qitla' baraá mura' sleémeero oo ti'imiita.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

2 Timoteo 2:1

Ala kuúng, garmaaeé', /uuru slaweek ar tsuuqaadá' ta slaslawaan ar baraá Kristo Yesu.

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.

1 Yohana 1:1

Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén.

1 Yohana 1:10

Atén bar kaahaan tlakweema iga tleehhaniiká, inós un lamusmo tleehhitaán, tam axweesantós i káhh baraarene.

1 Yohana 2:13

Kuungá' ín baabá kaangwí nguna dirhúngií gooiím, asma kudá' daadáw iimír iimu/uungo ugwa xué'. Kuungá' masoómba, kaangwí nguna dirhúngií gooiím asma kudá' tlaákw ugwa ar ba/é'.

2 Yohana 1:2

Asma looeemaaká' baraatén wa hootá', slám alhhe'eesay'ín i kaahh, aqo nee atén an alhotaatimaán.

3 Yohana 1:3

Aníng ana ló'wa qwalaá/, asma hhaeekaari niwa hardihiyé', kangók nguri lamabu'uné' dirén adór kuúng looeema kira ót, nee adoodá' kuúng tar hot baraá looeemá wa ale.

Geehhoeemaá 2:3

Slám kuúng ana qiqtliín nee slahha'amaayér yaariir ana slaasleér as aníng, slám aga slaaqatká.

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»