1 Yohana 2:12 - Biblía Axweesantá Hhohho' ar Mungú 2004

¹² Kuungá' laqwalór ninakw, kaangwí nguna dirhúngií gooiím, asma tlakweemaahúng kaa gurtláy ar baraá umuú Yesu.

Ya/abtór hho' 1977

¹² Tí ngin kuungá' i gooiím, kuungá' laqwalór ninakw, asma tlakweemaahúng kaa gurtláy as Yesu.

1 Yohana 2:12 Iomraidhean Croise

WARA'AMI 106:8

Ala tam adoorihe gina ba/amís as umuuwós, as aleesleemuuwós oo úr nguwa laqan.

WARA'AMI 25:11

Aá AAKOÓ MUNGÚ, tlakweemaaeé' gurtlaweek as umuuwók, asma tlakweemaaeé' ki yaariir.

YEREMIA 14:7

Muk'eé' iga i /aá/ tawa kaahi, «Tam tlakweemaarén i lamaabu'uná' daandeemorene, AAKOÓ MUNGÚ atén kuúng ti alee/is as kuúng kilók, dee/aanurén ku úr, atén kuúng ugwa tlakweemáy tleehhaán.

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Luka 5:20

Inós haratlintaaor'ín ngiwa ár, heedaádá' guri báy, «mulqúmo, tlakweemaawók kaa gurtláy.»

Tlehhema'aá ya/Abuuse 10:43

Kwí aaruuse sleémeero guna adoorír lamabu'uún, as kahhó' umuúqo heewo oo gwa haratlintii', tlakweemaawós kiwa gurtláy ar umuuwós.»

Tlehhema'aá ya/Abuuse 13:38

Hhaee'eé', atén ngin kuungá' i alki/iitaán, ar heewihe kuungá' gurtleemuú tlakweema u sleerá'.

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

Efeso 1:7

Atén tina gweér baraá lawali'iimár Neetlaango, hingeemisuú tlakweema kway slawaán ar loohír gwa'arár Kristo. Gawaá adoorihe gurtleemuuwós ku ló'wa úr direne.

Efeso 4:32

Kuungá' masók a múk hhó' nee oo gurtleemuú koóm. Ti kiloohúng gurtlatleere' adoodá' Mungú kuungá' nura gurtláy baraá Kristowo.

Kolosai 1:14

Asma Garmaawós kunguna haniís as atén tiwa gweeri baraá /uuruú giwtír wa ale, gídaabaárós tlakweemaarén gina gurtláy.

1 Yohana 1:4

Tí ngin amorhúngií gooiimaán as tawa ló'wa qwalaa/aan.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

1 Yohana 1:9

Ala tlakweemaarén bira hhu'uu'umaán, inós an kudá' axweesantós boo/eemiís, nee kudá' gan'amuú koóm, inós tlakweemaarén aqo gin gurtláy, tiri hamaatl muruú tlákw sleémeero kudá' ta tlehhahhitaana.

1 Yohana 2:1

Laqwalor'eé' ar ninakw, tí ngin kuungá' i gooiím as kahhó' tlakweema mi tleehhara'. Ala hee bar tlakweema gaa tleéhh, heé ti aleefiriiriím dír Baabahe u koomaán, an Yesu Kristo, kudá' gan'amuú koóm.

1 Yohana 2:21

Kaangwí nguna kuungá' i gooiím, ala a kaahaaká kuungá' looeema i xua'aaká, ala looeema i xuá', sleeme a xuá' baraá looeemaawo adór lama tam ar niiná ir káhh.

1 Yohana 2:7

Sla'aaruuser'eé', hara'ayár ni kuungá' i gooiim ar /abeneeká, ala a hara'ayaadá' ta xua' qaroó alé iimír iimu/uungo. Hara'ayaadá' ta qaroó xua' a axweesantadá' taa axasé'.