1 Yohana 2:11 - Biblía Axweesantá Hhohho' ar Mungú 2004

¹¹ Ala heé hhiyaawós gwa aahh, i baraá giwti, slám i baraá giwtír wa hoot, ala amór i kay ga xuiiká. Asma giwti ilaawós gaa taampuúr.

Ya/abtór hho' 1977

¹¹ Ala heé hhiyaawós gwa aahh, i baraá giwti, slám i baraá giwtír wa hi'imiit, ala amór i kay ga xuiiká. Asma giwti ilaawós gaa taampuúr.

1 Yohana 2:11 Iomraidhean Croise

2 SAMUELI 13:22

Absalomu axweesantá amór Amnoni gari máy, asma Amnoni nee hho'oorós tawa alqaát.

AXWEESANOÓ SAGALOOA 4:19

Ala loohír múk tlákw a adór ma/amír aa qipit, Gár inooín gi gee/asliim ngi xuiaaká.

DAHARUSMO 2:14

Heé sagaloó' ilaá xumsi gi kón, ala heé daktani in baraá giwtír wá hi'iimiit. Tam adoorihe ngari tsaáhh adór alhhe'eesoó heé sagaloó' nee oo daktani tar wák.

TLAHHOÓ LAÁWI 19:17

«Hhiyaawók mu magoódií tseegaar baraá muunaáwoge, ala ti kaahi sleere' umuú daqto nee inslaawmoowók as kahhó' tlakweema kiwa tlehha'aaká.

Yohana 12:35

Yesu iri oó', «Qoomár niinawe gwa/aateema i kumiitiyá' iwa gwa/aatiya' dirhunge. Hi'iimité' ar baraá gwa/aateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

Yohana 12:40

«Ilaaín gaa taampúy, nee muner'ín gaa gawdeés, as makawa ár ar ilaaín, nee makawa tsaáhh ar muner'ín, tari hhu'u'ún, án ngiri hungu/uús.»

2 korinto 3:14

Ala fuqurangw'ín ina gawdúy. Nee tam ay hamí fuqurangw'ín kwaa tuuntuúk ar warqamoodá', qoomár gooír alqadoodá' qaren bar ka soomuus, as gídaabárós makawa tsaáhh. Asma warqamoodá' dír kuwa hingeés a baraá Kristo kilós.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

2 Petro 1:9

Ala heé muruuwí gu koomaaká, inós a heé ila' naa boo/aye', nee a taampa. Asma aa gunqaruút adór tlakweemaawós kudá' aáng kira hamaátl.

1 Yohana 1:6

Atén bar kaahaan a al dinku'uumisaán nee Mungú, amorqae atén a baraá giwtír wa kumiitaán, daqaní a lama an kaahaán, nee adór ló' a tlehhiitanaaká.

1 Yohana 2:10

Heé hhiyaawós gu slaá', i baraá gwa/aateema. Baraawose gár gu hariaw i káhh.

1 Yohana 2:9

Heé káh, aníng a baraá gwa/aateema, ala inós hhiyaawós gwa aáhh, inós i baraá giwti tam hamí.

1 Yohana 3:15

Umuúqo heé hhiyaawós gwa aahh, an kudá' múk tsu/a/iím. Nee kuungá' a xuá' adór heé múk tsu/a/iím slafíngw alhhe'eesay wásl ngur konká baraawose.

1 Yohana 4:20

Hee bir kaahi, «Mungú án u slaá',» ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú aa ariiká gu aslayká sla'atiro.

Geehhoeemaá 3:17

Kuúng a kat, ‹Aníng a daqaarmo. Án tina kilooeé' daqaari'iitís, slám gár iwa /aaruur i káhh.› Ala laatí kuúng a xu'uká adór kuúng tar liitlakusmo, kuúng a heé gurtleemuú slaá', nee a narkutmo, nee heé taampa, nee slám a /aankwets.