1 Yohana 1:8 - Biblía Axweesantá Hhohho' ar Mungú 2004

⁸ Atén bar kaahaan tlakweema i koomanaaká, ti kilootén al/agiimaán, tam looeema baraarene i kahhiyá'.

Ya/abtór hho' 1977

⁸ Atén bar kaahaan tlakweema i koomanaaká, ti kilootén al/agiimaán, tam looeema baraarene i kahhiyá'.

1 Yohana 1:8 Iomraidhean Croise

1 WAAWITÁ 8:46

«Bar tlakweema ngaa tleehhiyé', asma heé tlakweemaá tleehhaaká i kaahh, kuúng bar iga i búhh kiri arbaá/ nee wakuuser'ín, kiri haasaáng wa huúw baraá yaamaá wakuuse, baraá yaamaá saawá' laqaá awa tseewá',

2 WAAWITÁ 20:15

Isaya iri oó', «Gár na ariyé' a milá baraá do'oge?» Hesekia iri oó', «Mura' sleémeero kuduú baraá dooeé' ngwa ariyé', ar na laqamiiká i káhh tam ar wák tidá' sa dawa.»

2 QOM'I 6:36

«Barnaxes mukók ugwa tlakweemií tleéhh, asma heé dakumamisaaká i kaahh, kuúng kiri i búhh, kiri qás gawaá dabaá wakuuser'ín kiwa arba/i, aluuwo kiri ar tláy yaamaá saawá' laqaá awa tseewá',

YOBU 14:4

Heé gár hhoohhoo' ngi baraá gár slasla/aár wa duúx a heemá? I kaahh tumu wák.

YOBU 15:14

Hee a gár milá tam kuwa gan'ámkwí harafaari, laqaá heé /ameeni aa laqwál iqo baloó gan'amuú kóna?

YOBU 25:4

Adór hee kur gana'amúwí harafaari nee Mungú? Heé /ameeni aa xwayluúr adór kur xaslxaansli wásl?

YOBU 9:2

«Ar ló' aníng a xuú' adór ado tar tisíng, ala adór hee gan'amu ngur slay dír geeraá Munguhe.

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

AXWEESANOÓ SAGALOOA 20:9

Heé /aymuuwí ooaro gu qiítl kwí káh, «Muunaáeé' ugwa hhoohhooeés. Tlakweemaaeé' sleémeero iga hheehhe'eés.»

DAHARUSMO 7:20

Heé gan'amuú koóm tumu wák i kaahh baraá yaamuwo, oo hhooeema gi tlehhaahhiít tam tlakweema gari tleehhiiká.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

YEREMIA 2:35

Kuúng a kat, Aníng gár tlaakw naa tleéhh i káhh, looeemawo buhhtaawós i kumiitiaaká amor'eene. Ala aníng kuúng u sakwasleemuút asma a kat, Tlakweema iga tleehhiiká.

TLAHHOÓ LAÁWI 13:12

Barnaxes tiqtír tsatmit slaqwtá heedá' gaa ót iimír ságwá tleemu ay tsa/oó yaae ar adoodá' kaahamusmoó Mungú ngira ari,

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Rumi 3:10

Adór kara gooín tawa kaahi, «Heé ganaá' i kaahh tumu wák.

Rumi 3:23

Asma muu sleémeero tlakweema gaa tleéhh, nee xirfuú ta kon i kaahh dír geeraá Munguhe.

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

Galatia 6:3

Hee bir baraá muunaáwós i kaahi, «Aníng a heé kilá',» ala laatí inós a heé kilaeeká, heé adoorí tin kilós al/agín.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', tiri kiloohúng al/agiindá'.

Yakobo 1:26

Hee bir kaahi, «Aníng a diínír koóm,» ala inós tsifraangós gu il/anká, heewí a muunaáwós kilós gun al/agín. Diínír heé adoorí i hariindaaká.

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.

2 Petro 2:13

Inooín ki slahh'eemiis asma adoodá' inooín nira slahh'eemisiye'. Tam qoomár tlaatla/aango inooín ta qwalalaa/ as hheehha. Mukwí bar nee kuungá' aga al'iwité' dír muruú /aymaaro, inooín tan /ayín ar bi/iri, gaarí a gár múk kríshaanáy gu slasla/areemiis nee gu murér i qamiim.

1 Yohana 1:10

Atén bar kaahaan tlakweema iga tleehhaniiká, inós un lamusmo tleehhitaán, tam axweesantós i káhh baraarene.

1 Yohana 1:6

Atén bar kaahaan a al dinku'uumisaán nee Mungú, amorqae atén a baraá giwtír wa kumiitaán, daqaní a lama an kaahaán, nee adór ló' a tlehhiitanaaká.

1 Yohana 2:4

Heé káh «Aníng inós ugwa xuú',» ala hara'ayaarós ga ohinká, inós a lamusmo, tam looeema i kahhiyá' baraawose.

1 Yohana 4:20

Hee bir kaahi, «Mungú án u slaá',» ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú aa ariiká gu aslayká sla'atiro.

2 Yohana 1:2

Asma looeemaaká' baraatén wa hootá', slám alhhe'eesay'ín i kaahh, aqo nee atén an alhotaatimaán.

3 Yohana 1:3

Aníng ana ló'wa qwalaá/, asma hhaeekaari niwa hardihiyé', kangók nguri lamabu'uné' dirén adór kuúng looeema kira ót, nee adoodá' kuúng tar hot baraá looeemá wa ale.