1 Yohana 1:6 - Biblía Axweesantá Hhohho' ar Mungú 2004

⁶ Atén bar kaahaan a al dinku'uumisaán nee Mungú, amorqae atén a baraá giwtír wa kumiitaán, daqaní a lama an kaahaán, nee adór ló' a tlehhiitanaaká.

Ya/abtór hho' 1977

⁶ Atén bar kaahaan a al dinku'uumiisaán nee Mungú, amorqae atén a baraá giwtír wa kumiitaán, daqaní a lama an kaahaán, nee adór ló' a tlehhiitanaaká.

1 Yohana 1:6 Iomraidhean Croise

WARA'AMI 82:5

Ka xuiiká sleeme ka tsatsaahhanká, tan baraá qwanáy wa hoot. Iihhafiirír yaamu sleémeero in diingít, asma hotaá ganaa'á' i kahhiyá' baraá yaamuwo.

WARA'AMI 94:20

Xáy, geeraharusmoó /aytusmo nee kuúng an dinku'usá'a? Kudá' hara'ayár gan'amuú koomaaká ngi qamiimá'?

AXWEESANOÓ SAGALOOA 2:13

nee dír múk lohaá ganaa'á' gaa sii', as iwa hootiya' baraá giwtír wa ale,

Matayo 7:22

Baldá' múk yaariír aníng i bay, ‹Aáko, Aáko, atén aga ariirimániíke ar umuuwók, nee neetlaame aga gusisimániíke ar umuuwók, tam muruú yaariír oo waa/oo/amo ugwa tlehhiitániíke ar umuuwók, kudá' naa aténií hanís.›

Yohana 11:10

Ala bir hi'imiit xweeraawo, dukutsmo gu tuu', asma gwa/aateemaá baraawós i kahhiyá'.»

Yohana 12:35

Yesu iri oó', «Qoomár niinawe gwa/aateema i kumiitiyá' iwa gwa/aatiya' dirhunge. Hi'iimité' ar baraá gwa/aateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

Yohana 12:46

Aníng nina baraá yaamií hardáh, as niwa gwa/aateemaá yaamu tleehhiit, asma kudá' aníng iga haratlintii' miwa baraá giwtír wa hoót.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Yohana 8:55

Kuungá' ugwa xui'iiká, ala aníng u xuú'. Barnaxes aga oó' u xuaaká, aníng a lamusmo tleehhiít adór kuungá' wa ale. Ala án u xuú', nee axweesantós aga óh.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

Yakobo 2:14

Hhaee'eé', hee bir kaahi, «Aníng a haratlintaaór koóm,» ala barnaxes tlehhema'aá haratlintaaór laqaaqaamá' gi konká, haratlintaaoodá' gár i bu' a milá? Xáy, haratlintaaoodá' gu ba/amísa?

Yakobo 2:16

ala heé wák baraá tla/angwhunge binga báy, «Tláw ar wayda, inqwaruú tsaaqwa ga ilaá/ tsiiteek, /ayma aweek,» ala barnaxes gár taa hanisé' i káhh ar slaqwtós ga gaa wa buu', alee/isoó aa sleér a milá daqaní?

Yakobo 2:18

Laqaá daqtakaaro heeko i ooi, «Kuúng gár ta koon a haratlintaao, aníng gár ni koom a tlehhemi'i.» Ala gár án ni oo' a tí, «Haratlintaaoorók tidá' tlehhema'aá koomaaká laqaamang, adór tar haratlintaaór ló', nee daqaní aníng haratlintaaor'eé' ngi laqaám ar loohír tlehhemi'i, adór tar ló'.»

1 Yohana 1:10

Atén bar kaahaan tlakweema iga tleehhaniiká, inós un lamusmo tleehhitaán, tam axweesantós i káhh baraarene.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

1 Yohana 1:8

Atén bar kaahaan tlakweema i koomanaaká, ti kilootén al/agiimaán, tam looeema baraarene i kahhiyá'.

1 Yohana 2:4

Heé káh «Aníng inós ugwa xuú',» ala hara'ayaarós ga ohinká, inós a lamusmo, tam looeema i kahhiyá' baraawose.

1 Yohana 4:20

Hee bir kaahi, «Mungú án u slaá',» ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú aa ariiká gu aslayká sla'atiro.