1 Yohana 1:5 - Biblía Axweesantá Hhohho' ar Mungú 2004

⁵ Kángwa taa dirós wa axaasaán oo ni kuungá' i alki/iitaan an kwí, Mungú a gwa/aateema, giwtír baraawose dáw tam ar niiná i káhh.

Ya/abtór hho' 1977

⁵ Iidíguú taa dirós wa axaasaán oo ni kuungá' i alki/iitaan an kwí, Mungú a gwa/ateema, tam giwtír baraawose dáw i káhh.

1 Yohana 1:5 Iomraidhean Croise

WARA'AMI 139:12

ala giwti gár i lu/ i káhh diroge, xweera i gwa/aatiyá' adór tlaatla/aangw, asma giwti nee gwa/aateema diroge a gár wák.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

ISAYA 60:19

Tsee/amá tlaatla/aango u baloó yaahaská tam gwa/aateemaá slahhaangw sleeme qoomár xweeraawo. Ala AAKOÓ MUNGÚ an gwa/aateemaawók awa alhhe'eesay wasl. Anuú AAKOÓ Munguúwók an xirfuuwók.

DANIELI 2:22

Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.

Yohana 1:19

Múk Yahudi oo baraá Yerusalemu kaahamuusér Mungú nee múk tlahhoó Laáwi kina ya/aáw amór Yohane, as kuwa yaahaasi tawa kaahi, «Kuúng a heemá?»

Yohana 1:4

Slafíngw alhhe'eesay wásl in baraawós i dirii', nee slafingwí an gwa/aateemaá muu sleémeero.

Yohana 1:9

Ala gwa/aateemaá ló' kudá' umuúqo heewo ngu gwa/atamiisá', i baraá yaamií hi'iitiyá'.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Yohana 9:5

Qoomaarí án niwa baraá yaamií dirii', aníng a gwa/aateemaá yaamu.»

1 Korinto 11:23

Asma aníng intsaahhastí ana dír Aakoó wa ilaóh, nee ngiri kuungá' i oó', tí kah, Aakoorén Yesu xweeraadá' kuwa sakií/, mukaatmo guna taataáhh,

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

1 Yohana 3:11

Asma kaangwí ugwa qaroó axasé' iimír iiumu/uungo, tawa kaahi, «Atén ti kilootén sla'asla'aané'.»

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.