1 Yohana 1:3 - Biblía Axweesantá Hhohho' ar Mungú 2004

³ Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

Ya/abtór hho' 1977

³ Tidá' taa araán nee taa axaasaán ngin dirhúng i alki/iitaán, asma kuungá' niwa haragwa'a' diirén, dír dinku'uumaarén, tidá' ar dinkwa nee Baabá, nee Garmaawós Yesu Kristo.

1 Yohana 1:3 Iomraidhean Croise

YOBU 13:1

«Qaytsité', muruusíng ilaa'aá kilae ugwa ár, iaá kilae ugwa axaás, nguri tsaáhh.

WARA'AMI 2:7

Waawutmo i kaahi, «Aníng hara'ayaadá' AAKOÓ MUNGÚ naa oó' an alki/iít. Inós ina báy, ‹Kuúng an garmaaeé', án laarí kuúng ugwa laqwaál.

WARA'AMI 22:22

Aníng tlehhemi'iiwók i alki/iít dír hhaee'eene, baraá tla/ángw boo/aywo u xirfayeemiís.

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

FAARO 10:32

Slamí atén birta alkoomaán nee kuúng tidá' hhoo' AAKOÓ MUNGÚ ni atén i tleehhi an tidá' atén ni dirók i tleehhaan.»

Yohana 17:11

Aníng a baraaká' yaamií diriiaaká, ala inooín ta baraaká' yaamií dirii'. Aníng ni hardáh amoorók. Baabuú hhoohhoó', kuká' na xuumeek ar /uuruú umuuwók kudá' naa aníng i hanís. As wakleeli'iima kawa kon, adoodá' atén kar koomaan.

Yohana 17:21

Inooín sleémeero masók a wákleeli adoodá' kuúng Baabá tar baraaeé' i diri', nee án nir baraawók i dirii'. Inooín sleeme masók i baraarén, as múk aa haratlintii'iiká ngi tsaahhi adór kuúng tar kudá' aníng iga ya/ap.

Yohana 17:25

Baabuú gan'amuú koóm, muu kuúng ugwa xuiiká. Ala án kuúng ugwa xuú', nee kuká' ngaa xuiyé' adór án kuúng ira ya/áp.

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Yohana 19:35

Kudá' tí gaa ar, gana lamabu'ún, as kuungá' sleeme kawa haratlintia'. Lamabu'uungós oo ló'. Inós ga xuu' adór kaangwí i kaahi tar ló'.

Tlehhema'aá ya/Abuuse 13:32

Nee atén hamí a diirí diriiaán as Ya/abtoorí hho' ngiwa dirhúngí alki/iitaan tidá' Mungú a al'axweés dír baabi'iirén.

Tlehhema'aá ya/Abuuse 13:41

‹Qaytsité' kuungaásingá' waaqaqa'á', waa/oo/é' nee qwaaré', asma án gadiyérka a tleéhh baraá deelorhunge, gadiyér kuungá' ya/aamaro ta aleesleera'aaká, tam kingi ooi.› »

Tlehhema'aá ya/Abuuse 2:42

Tari kumiít baraá intsaahhasár ya/abuusér wa ale, nee baraá dinkwár kríshaanáy, nee tam baraá muruú /aymár Aakoowo sleeme, nee baraá firooro.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

Tlehhema'aá ya/Abuuse 4:20

Asma atén muruudá' taa araán nee kudá' taa axaasaán, kuwa mawaan axweesanto u aleeslawanaaká.»

Rumi 15:27

Inooín kilooín adoorí kana al'axweés, ala tam adoorihe inooín gár kiwa hariím aqo kin alee/iis. Asma mukduú Yahudi múk xoordaá hatlá' nguna alee/iisiyé' muruú baraá qeeruuwo. Gawaá adoorihe múk xoordu daxta inooín gár kiwa hariím a múk Yahudi ngun alee/iisiyá' sleeme muruú slaqoowo.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 1:9

Mungú ku inkihhím. Inós an kudá' kuungá' naa ateet as tawa data' baraá dinku'uumadár Garmaawós Yesu Kristo, Aakoorén.

1 Korinto 15:1

Hhaee'eé', hám daxta aníng kuungá' nu inslawtís kángw Ya/abtoodá' hho' naa dirhúngií alki/iít. Kuungá' Ya/abtoodá' hho' kari ilaoté', nee slám tari baraá Ya/abtoodá' hhó' wa kumité'.

2 korinto 13:14

Tsuuqaá Aakoorén Yesu Kristo, nee sla'aarír Mungú, nee dinku'uumár Qeeruú hhoohhoó' oo Mungú masók i dinkwa nee kuungá' sleémeero.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunaáeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

Filipi 2:1

Slafingwhúng baraá Kristoowo i /uuruú huwahúwi? Sla'aarirós nu gurkwa/amísa? Dinku'uumár baraá Qeeru i deéro? Hhooa nee gurtleemu i koondá'a?

Filipi 3:10

Gár án ni leelehhiit a wak kilós. A Kristo nguwa xuu', nee /uuruú waasle/uuwós nguwa slaw, nee niwa haragwaa' baraá slahh'amaayeerós i alé. Nee aníng tawa adór inós baraá gwa'araarose.

Kolosai 1:13

Inós atén tina baraá /uuruú giwtír wa ba/amis, tiri loohatís, tiri dahaás baraá waawuti'iimár Garmaawós oo sla'aarusmo.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

1 Timoteo 6:2

Daqaareedár haratlintaauuse lawaaler'ín mingiwa waaqaaqá' asma a hhae. Ala lawaaleedá' gár kawa hariím a daqaarer'ín gan sageegadiyús kángw kilá' wa ale. Asma daqaareedá' alee/isoó slaslaw ar gadiyér lawaaleedá', a haratlintaauuse, slám a sla'aaruuser'ín. Muruuwí na gawdeeseek baraá intsaahhasaroge nee baraá gurbu'ungoge.

Ebrania 2:12

I kaahi, «Aníng umuuwók u alki/iít dír hhaee'eene. Aníng kuúng u xirfayeemiís ar daa'aangw baraá tla/ángw mukók wa ale.»

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

1 Petro 5:1

Kuungá' bariíse, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam aníng a dinku'uús baraá xirfuudá' tindi geehhooeesi.

2 Petro 1:16

Asma atén tiitár tawo ar sagalooa aga eeharaharaaniiká qoomár atén kángw /uuruú Aakoorén Yesu Kristo nguwa dirhúng i alki/iitaán, nee kángw ki/imaawós. Ala atén awa kilá' inós una araán ilaarene, nee xirfuuwós oo munguiima.

1 Yohana 1:1

Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén.

1 Yohana 1:5

Kángwa taa dirós wa axaasaán oo ni kuungá' i alki/iitaan an kwí, Mungú a gwa/aateema, giwtír baraawose dáw tam ar niiná i káhh.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.