1 Yohana 1:10 - Biblía Axweesantá Hhohho' ar Mungú 2004

¹⁰ Atén bar kaahaan tlakweema iga tleehhaniiká, inós un lamusmo tleehhitaán, tam axweesantós i káhh baraarene.

Ya/abtór hho' 1977

¹⁰ Atén bar kaahaan tlakweema iga tleehhaniiká, inós una lamusmo tleehhaán, tam axweesantós i káhh baraarene.

1 Yohana 1:10 Iomraidhean Croise

YOBU 15:14

Hee a gár milá tam kuwa gan'ámkwí harafaari, laqaá heé /ameeni aa laqwál iqo baloó gan'amuú kóna?

YOBU 24:25

Tí bar looeeká heé lamtaeé' ngi oó', heé ngi laqaám adór aníng gár naa axweés tar tlooraá tawo?»

WARA'AMI 130:3

Xáy, AAKOÓ MUNGÚ, geera kuúng barnaxes tlakweemaarén in fadita, heé sihhtanór dír geeraawók ga qiítl a heemá, Aáko?

YEREMIA 2:35

Kuúng a kat, Aníng gár tlaakw naa tleéhh i káhh, looeemawo buhhtaawós i kumiitiaaká amor'eene. Ala aníng kuúng u sakwasleemuút asma a kat, Tlakweema iga tleehhiiká.

Yohana 3:33

Heé lamabu'uungós gwa ya/an, duguno gwa qaás adór Mungú tar looeema.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

1 Yohana 1:8

Atén bar kaahaan tlakweema i koomanaaká, ti kilootén al/agiimaán, tam looeema baraarene i kahhiyá'.

1 Yohana 2:14

Kuungá' laqwalór ninakw, kaangwí nguna dirhúngií gooiím, asma Baabá ugwa xué'. Kuungá' ín baabá, kaangwí nguna dirhúngií gooiím, asma kudá' daadáw iimír iimu/uungo ugwa xué'. Kuungá' masoómba kaangwí nguna dirhúngií gooiím asma a /uuruú koondá', nee axweesantá Mungú i baraahúng wa hót, nee kuungá' kudá' tlaákw ugwa ar ba/é'.

1 Yohana 2:4

Heé káh «Aníng inós ugwa xuú',» ala hara'ayaarós ga ohinká, inós a lamusmo, tam looeema i kahhiyá' baraawose.

1 Yohana 4:4

Laqwalór ninakw, kuungá' awa Mungú, nee kuungá' aaruuseedár lama aga arba/é', asma Mungú i baraahúng i dirii', nee inós ku úr ta Wakusmoó Kristo oo baraá yaamií diriia.

1 Yohana 5:10

Heé Garmoó Mungú gwa haratlintii', lamabu'uungwí gu kón baraawose. Heé Mungú gwa haratlintii'iiká, a Mungú guna lamusmo tleéhh, asma lamabu'uungwí Mungú Garmaawós nguwa lamabu'ún, gwa haratlintii'iiká.

2 Yohana 1:2

Asma looeemaaká' baraatén wa hootá', slám alhhe'eesay'ín i kaahh, aqo nee atén an alhotaatimaán.