1 WAAWITÁ 9:9 - Biblía Axweesantá Hhohho' ar Mungú 2004

⁹ Nee muu iri ooi, ‹Asma adoodá' AAKOÓ MUNGÚ, Munguúín nguwa gunqaaresiyé', kudá' baabi'ii'ín ngaa duux baraá yaamaá Misrír wa alé, inooín tiri dabe oohiyé' nee munguaá hatlá', kiri sluufmiís nee kiri sagadiyuús. Gaarí an gár AAKOÓ MUNGÚ kaangwí ngusa gawaaíní huúw.› »

1 WAAWITÁ 9:9 Iomraidhean Croise

1 WAAWITÁ 18:18

Eliya guri báy, «Múk Israeli heé gwa slahh'amuúr ay a aningeeká, an kuúng nee múk doó baabuúwók, asma kuungá' hara'ayár AAKOÓ MUNGÚ ana sié' nee slaqsi'iidaá munguaá ta bay Ba'ali kiri sluufmisé'.

2 WAAWITÁ 22:17

Asma aníng iga geexayé', munguaá hatlá' ngaa mooyángw tsuú' i da/iyé', aníng iga buhhtisiyé' ar gadiyér dabaaín sleémeero. Gawaá adoorihe, aníng iga i daa/atúw buhhtaawo, nee i baloó tsauya'aaká.

2 QOM'I 29:8

Gawaá adoorihe AAKOÓ MUNGÚ múk Yuda nee oo Yerusalemu guna i daa/atúy buhhtaawo, nee tidá' Mungú ngay tleéhh, muu guri kwisltís, nee sleémeero giri dae tsát, kiri niqimís. Tí sleémeero kuungá' aga aandé' ilaahunge.

2 QOM'I 7:22

Muu gay mu/aywaats tari ooi, ‹Asma inooín AAKOÓ MUNGÚ kudá' baabi'ii'ín nga baraá yaamaá Misrír wa duux ngwa iiárií qaasi'iiká. Inooín munguaá hatlá' ngina sluufmisuú ayé' nee ngay sagadiyuusiyé', an gár AAKOÓ MUNGÚ slahh'amuuwí ngusa inooín i tleéhh.› »

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 22:8

Naagáy múk yaariír oo xoordaá hatlá' barta waaraahh bihhaá gixsadae umuú heewo heé hatlá' gun yaahaas, in ooi, ‹Ahaá waáy, gár AAKOÓ MUNGÚ adoorí ngisa tleéhh dír gixsarí ur?›

YEREMIA 44:23

Kuungá' gár adoorí nusa sleér asma mooyángw tsuú' kuwa da/a/aandé', nee AAKOÓ MUNGÚ una sadakusé', nee afoorós kawa iialooeesi'iiká nee dabeerós kawa oti'iiká, nee kaahirose nee lamabu'uungose, tam amotlakweerí kuungá' nuri sleér adoorí laarí tay dir'a'.»

YEREMIA 5:19

Nee qoomár mukhúng burnu yaahamiis, tawa kaahi, ‹Ahaá waáy, gár AAKOÓ MUNGÚ, Munguúrén, muruuwí sleémeero ngusa atén i tleéhh a milá?› Kuúng inooín ki beer, ‹Kuungá' aníng ina sié', munguaá dahaaye awa baraá yaamuuhúng kiri sluufmisuú eeré' as adoorí kuungá' xoorór ta xua'aaká kari sagadiyusá' baraá yaamaá xuaawásl wa ale.› »

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

WA/AA/I 2:15

Muu sleémeero oo baraá loohiro waraáhh tsa/i gin muux as kuúng, tan niqimis nee sage ngin diingimisiyá' as múk Yerusalemu tawa kaahi, «Gixsarí a tidá' aáng tawa kaáhiíke, hhohhoaarto aa harwaaráhh tidá' yaamu sleémeero naa saqwalaala/iyé'?»

DABE 29:23

nee adór yaamuuká' asla ngira hhitiín, nee diwto, nee adór asla ngira qororo'ós, gár ki dahamiisi káhh, gár i laqwalina' i káhh, tam gitsór ti'imiit i káhh, a adór qoomaadá' AAKOÓ MUNGÚ yaamaá Sodoma nee Gomora nee Adma nee Seboimu ngira hhaamiís ar buhhtaawós kudá' xaraaslá'.