1 WAAWITÁ 9:7 - Biblía Axweesantá Hhohho' ar Mungú 2004

⁷ naagáy nun sií' kuungá' nee do'owí naa hhoohhooeés as umuueé', sleémeero in saweés dír ilaeene. Múk Israeli tari slaqsaay nee /aymuú /ooslisliingw baraá xoordu sleémeerowo.

1 WAAWITÁ 9:7 Iomraidhean Croise

1 WAAWITÁ 11:10

nee guri báy, «Munguaá hatlá' mi haratlintatiaar.» Ala Solomon hara'ayár AAKOÓ MUNGÚ gaa iialooeesiiká.

1 WAAWITÁ 9:3

AAKOÓ MUNGÚ guri báy, «Aníng firoorók nee saaliingók kudá' iwa firiín iga axaás. Do'owí kuúng taa tléhh aníng ugwa hhoohhooeés as niwa baraaká' wa hoot daqisleém, slám malé alé, aníng un slaá' nee un xuúm qooma sleémeero.

2 WAAWITÁ 25:21

Waawutmo Nebukadnesa mukwí sleémeero guna Riblárí tsuú/ baraá yaamaá Hamati. Gawaá adoorihe, múk Yuda kuna ar tláy baraá yaamuuine.

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

2 QOM'I 36:19

Doó Mungú guri daá/, koo/ír Yerusalemu gari feé/, maraá waawuti'iima giri daá/ nee xoosla sleémeero ar tlaxo gawden gari hhaamiís.

2 QOM'I 7:20

aníng kuungá' nu hingeés baraá yaamuuká na kuungá' i haniisi, nee Do'owí aníng naa hhoohhooeés as umuueé', un amór saáwí kwaáhh dir'eene. Xoordu sleémeero do'owí ngway waqaaiyá' nee ngway niqiná'.

WARA'AMI 44:14

Adór múk xoordu tiwa waaqaai ana tléhh. Inooín sager'ín ngin mumukumisiyá' as atén tiwa gaárí xuiiká.

WARA'AMI 44:15

Tlaatla/aangw sleémeero an murumiít, tam ilaaeé' qayta ngiri si'iyé' mureero,

WARA'AMI 69:11

Guniyadu ngiwa tsiít as tsuunqusmo, tari gár tar axweesi dir'ine.

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 25:9

aníng daxta xoordu sleémeero awa /iikú dahhá', dinkwa nee sagadiyusmooeé' Nebukadnesa, waawutmoó Babuloni, ngin huúw as yaamuuká' ngiwa ii haraatlaya' nee múk baraakií dirií', dinkwa nee xoordaá inslaawaay sleémeero. Inooín aníng in hhaamiís ló'wa alé, nee ngiri gár dae tlaaq tleéhh, kiri waaniqín, nee kiri waaqaqaa' ay alhhe'eesay wasle.

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 44:8

Ahaá waáy, gár muner'eé' kas duxuunda' as munguaá hatlá' kiwa fiririindá', kudá' taa dabaahúng ar tlehhité', nee kiwa mooyángw tsuú' i da/a/aanda', munguaá yaamuuká' ta hota' awa múk Misri? Xáy, kuungá' tunduwa hhaamisi an sla'á'a nee tawa múk ta lu'umisi nee tari múk ta waaqaaqai nee xoordu sleémeero awa daanduú yaamu?

YEREMIA 52:13

Doó AAKOÓ MUNGÚ guri daá/ ar asla, nee doó waawutmoowo nee mari sleémeero awa Yerusalemu umuúqo doó ure guna daá/ ar asla.

WA/AA/I 1:8

Gixsár Yerusalemu tlakweemaá ur gaa tléhh, gawaá adoorihe iri slasla/aruúr. Mukdá' geeraawo gaa ilaiwawaa/ gaa waaqaá', as ngiwa /aankwets ariyé', tam adoorihe inós i baraá /ifo iri alií warqeér.

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

Yoeli 2:17

Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

Matayo 23:38

Ga/aawaak, marayhúng naa dewaaiyé'.

Matayo 24:2

Yesu eeharuuseerós gari báy, «Tí sleémeero a ga/eerá'a? Án a kah, tlaa/anoó gawaá kuqí meét oo ta fee/iiká i kaahh.»

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

DABE 28:37

Kuúng tari heé ta aahhi nee heé ta niqin ar axweesanoó bó/ nee oo ta waaqaai baraá tla/ángw muu sleémeero oo yaamuudá' AAKOÓ MUNGÚ kuúng uy huwi.

DABE 4:26

aníng laarí Munguú doori nee yaamu un ateét as tawa lamabu'usmo daanduuhunge, aníng kuungá' nun babaw, kuungá' a hhaandá' wa'aá wák ar ale baraá yaamuudá' ta ala'a amoodár gayuú yaaér Yordani. Kuungá' a tleeresaaká amoodae, aqo tundun ló'wa hhaamiis.

YOSHUA 23:16

Kuungá' barnaxes alqadoodá' AAKOÓ MUNGÚ, Munguúhúng naa dirhúngií hara'ayín kawa ota', aga geeqeeré', munguaá hatlá' kiri sagadiyusé', nee kiri i tumbarara'amituú eeré', daqaní AAKOÓ MUNGÚ kuungá' nun i buuhh, kuungá' tari hhaandá' ar wa'aá wák baraá yaamuuká' hhooá' awa naa dirhúngií haniisi.»

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.