1 WAAWITÁ 9:4 - Biblía Axweesantá Hhohho' ar Mungú 2004

⁴ Nee kuúng bar aga hót dir'eé' wa alé, ar adoodár baabuúwók Daudi, ar muunuú ganaá', nee adór qoom, nee tidá' sleémeero án kuúng ugwa báw kari ót, nee kaahir'eé' kari ót, nee axweesantaeene,

1 WAAWITÁ 9:4 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 20:5

Xáy, inós aa oóiíke, ‹A hho'or'eé'.› /Ameenirí inós ar kilá' ina óiíke, ‹A hhiyaaeé'›. Án adoorí ana tleéhh ar muunuú hhoohhoó', dabaaeene sleeme dakuúsár naa tleéhh i káhh.»

2 SAMUELI 22:22

Asma loohír AAKOÓ MUNGÚ aga eehár sleeme taa paraatliiká dír Munguúeene ar tlakweema.

1 WAAWITÁ 11:38

Kuúng tidá' aníng naa oó' bara harmagáhh nee bara hót ar adoodá' aníng ni slaa', nee tidá' aníng ni slaa' bara tléhh, nee kaahir'eé' bara ót nee hara'ayar'eene, ar adoodá' sagadiyusmooeé' Daudi aa tleéhh, daqaní aníng nee kuúng a dinkwa. Aníng waawuti'iimarók a gawdeés adór ar Daudi ngira gawdeés nee múk Israeli ngu kuúngií haniís.

1 WAAWITÁ 11:4

Qoomár iwa dín, /ameenaarós tidá' guri hhitiín, munguaá hatlá giri sagadiyuús, tam muunaáwós iri inkihhimu wasleés dír AAKOÓ MUNGÚ, Munguúwose, adoodár baabuúwós Daudi gaa eehariiká.

1 WAAWITÁ 11:6

Gawaá adoorihe, Solomon tlakweema giri tleéhh geeraá AAKOÓ MUNGUHE, inós Mungú gwa ilaiwa/iiká adoodá' baabuúwós Daudi aa tleéhh, laqaá tidá' Mungú i slai gaa eehariiká.

1 WAAWITÁ 14:8

Waawuti'iima ngina hayóh dír xwaylár Daudi wa ale, nee ngay kuúng i haniís. Ala kuúng ar taa tléhh a dimbé nee tidá' sagadiyusmooeé' Daudi aa tleéhh, kudá' hara'ayar'eé' gaa oh, tidá' aníng ni slaa' ga eehar ar muunaáwós sleémeero, nee gana tleéhh tidá' hariim geeraeene.

1 WAAWITÁ 15:5

AAKOÓ MUNGÚ adoorí gana tleéhh asma Daudi gan'amu guna tleéhh, nee hara'ayár Mungú gaa baloó iiawaslesiiká baraá hotaangós sleémeerowo, aqo har dakuúsadá' aa tleéhh ar Uria heé Hiti.

1 WAAWITÁ 3:14

Kuúng kangw'eé' bar ugwa ya/aán nee kaahir'eé' kari ót, nee hara'ayar'eene adór baabuúwók Daudi ira hoót, daqaní án slafiingók ngu tleereés.»

1 WAAWITÁ 3:3

Solomon AAKOÓ MUNGÚ guri slaá', hara'ayár baabuúwós Daudi gana eehár, ala aqo har ilahhooár muruú ta tsu/i nee ar mooyángw nee ar mooyángw koom gana haniís wa/aameedár gongoamaá wa ale.

1 WAAWITÁ 3:6

Solomon iri oó', «Kuúng sla'aarirók ar warqawaaká ana tléhh dír sagadiyusmoowók Daudi, baabuúeé', asma inós ina hoót dirók wa ale ar inkihhimu nee ar hotaá ganaa'á' nee ar daanqamis, kuúng una hootís ar sla'aarirók ar warqawaaká, hám daxta garmaawós kuri iwiitís gawaá kitaangós kuduú waawuti'iima.

1 WAAWITÁ 6:12

«Gawaá daanduú do'owí ta tlehhita, barnaxés kaahir'eé' aga ót, axweesante'eé' kay iialooés nee tari hót baraá daber'eé' wa alé, daqaní aníng muruudá' naa baabuúwók Daudi al'axweés u boo/eés.

1 WAAWITÁ 8:25

Gawaá adoorihe AAKOÓ MUNGÚ, Munguú Israeli aníng kuúng u malé firiím, al'axweesantadá' taa ó' dír sagadiyusmoowók Daudi, baabuúeé', tawa ó', ‹Deelo sleémeero garmoó iwiít gawaá kitángw waawuti'iima oo Israeli ngu haniís, barnaxes na/iiwók naa hootiyé' dir'eé' wa ale ar adoodá' kuúng tara hót.›

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

2 QOM'I 17:4

Ala inós Munguú baabuúwós guna leeleéhh, dabér Mungú gana ilaiwawaá/. Inós adór waawituú hatlá' oo Israeli gaa eehariiká.

WARA'AMI 101:2

Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 15:2

Aqo har kudá' daba' hhohhó', nee hota ganaá', kudá' looeemaá baraá muunaáwós ngi axweés.

WARA'AMI 26:1

Aá AAKOÓ MUNGÚ, án aleekalaa/áng, asma aníng baraá hotangw'eene ti daba' hhohhó', nee aníng AAKOÓ MUNGÚ una harahhiíf ar xure wasle.

WARA'AMI 26:11

Ala aníng ti daba' hhohhó' baraá hotaaeene, án gurtlawáng nee ba/amisáng.

WARA'AMI 78:72

Nee Daudi giri de'én ar inkihhimu, gay iwiitiís, nee gay geeraharahaár ar xu'uti.

AXWEESANOÓ SAGALOOA 10:9

Heé tsaamúr hoót ku saxamaár, ala heé tatamba tlákw ku geehhoó'.

AXWEESANOÓ SAGALOOA 20:7

Heé hota ganaá' nee oo tsaeemár hotaatiím, Na/iiwós ki tsuuq aluuwose.

AXWEESANOÓ SAGALOOA 28:18

Heé hoót ar tsaeema ku ba/amis Ala heé muruú tlákw gu eeharahár in huu' ar wa'aá wák.

ESEKIELI 18:9

barnaxes inós kaahir'eé' ga eeharahar nee hara'ayar'eé' gaa kángw kilá' wa iialooeés, heewí i gan'amuú kón, nee inós i tsuwa hoot.› Anuú Aakoó MUNGÚ tí ngina oó'.

SEKARIA 3:7

«AAKOÓ MUNGÚ Aleesleemusmo i kaahi, ‹Kuúng barnaxés loohir'eé' aga eehát, nee hara'ayar'eé' bara ót, daqaní dooeé' u sawaawuti'iín nee un de'eén, aníng pa/aangw ngu haniís oo iwa i tseewuur tla/ángw kudá' geeraaeé' wa sihhimiita'a.

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

DABE 28:1

«Kuúng barnaxes afór AAKOÓ MUNGÚ, Munguúwók aga iialooés, nee aga ilakaaharés, hara'ayaarí laarí ni kuúngií hara'ayiyiim bara harmagáhh, inós kuúng u iiatleerees baraá xoordaá daanduú yaamuwo.