1 WAAWITÁ 9:3 - Biblía Axweesantá Hhohho' ar Mungú 2004

³ AAKOÓ MUNGÚ guri báy, «Aníng firoorók nee saaliingók kudá' iwa firiín iga axaás. Do'owí kuúng taa tléhh aníng ugwa hhoohhooeés as niwa baraaká' wa hoot daqisleém, slám malé alé, aníng un slaá' nee un xuúm qooma sleémeero.

1 WAAWITÁ 9:3 Iomraidhean Croise

1 WAAWITÁ 8:29

Do'owí de'eemeek tlatla/aangw nee xweeraawo diirí kuúng tawa ó', ‹Diirí an dír muu umuueé' nguwa sluufmiisi.› Aníng iiárií qaasáng, bar aga diirí hardáh uwa fiririim.

2 WAAWITÁ 20:5

«Alu i ki/eek, Hesekia, geeraharusmoó muk'eé' baweek, ‹Anuú AAKOÓ MUNGÚ, Munguú baabuúwók Daudi a kah, Aníng firoorók aga axaás, nee hhirhheriiwók iga ár. Ga/aaweek, aníng kuúng u hungu/uús, nee bál tame kuúng ta daqeér baraá Doó AAKOÓ MUNGÚ.

2 WAAWITÁ 21:7

Slaqsoó Ashera guri tleéhh, guri qaás baraá guruú do', didá' aáng AAKOÓ MUNGÚ Daudi nee Solomon ngiwa báy, «Baraá do'wihe nee baraá Yerusalemu tidá' án naa tsawaár, an didaádá' tlahh'aá Israeli sleémeero umuueé' kuwa ateetin ay kureeraá kureér.»

2 QOM'I 33:7

Slaqsaydá' aa tleéhh guna qaás baraá Doó AAKOÓ MUNGÚ, didá' Daudi nee garmaawós Solomon Mungú ngiwa báy, «Baraá do'owihe nee baraakaá Yerusalemuro, diirí ana tsawaár baraá tlahh'iikaá mibaá nee tsár awa Israeliro tawa dír aníng tiwa sluufmiisi ay alhhe'eesay wasle.

2 QOM'I 6:40

«Daxta aá Munguúeé', atén ti i qaytsit, nee firorén tí ta dír do'owí wa firirimaan iiárií qaaseek.

ESRA 6:12

Nee Munguúwí adoorí gaa tleehh umuuwós iwa dirqá' hooti, inós waawutmo laqaá muu gaalá kudá' dabaaín ngi tleesá' as /aymuuwí nguwa warqeesiya' nee do'owí oo Mungú oo baraá yaamaá Yerusalemu ngu hhaamiisá' ngi suquy. Aníng Dario tí ngaa oó', masók ta ilakaaharees hara'ayarí kawa iialooeesi.»

WARA'AMI 10:17

AAKOÓ MUNGÚ, /aa/aá heé tsá' iga axás, kuri iiárií qás, kuri gurkwa/ás.

WARA'AMI 116:1

Aníng AAKOÓ MUNGÚ un slaá' asma afor'eé' ga iiárií qamín, inós firor'eé' gaa axaás.

WARA'AMI 34:17

Qoomár múk ganaá' bir /aa/amín amór AAKOÓ MUNGÚ, gin iiárií qaas, giri ba/amis baraá slahh'amaayer'ine.

WARA'AMI 65:3

Bar har tlakweemaaine, tam dakumisuú yaariír tir ba/aaba/i, kuúng dakumisuurén un gurtleér.

WARA'AMI 66:19

Mungú aa kángw kilá' wa axaás, afór firor'eé' gaa iiárií qaás.

TI'INAANGW 20:11

Asma AAKOÓ MUNGÚ ina gadiyuús deelo lahhoó', yaamu nee doori gina tleéhh nee tlabeemo nee umuúqo gár dawa, ala bál faanqwe iri hungu/uús. Gawaá adoorihe AAKOÓ MUNGÚ baalár Sabaáto gari tsuúq, gari hhoohhooeés.

TI'INAANGW 29:44

Aníng heémaadá' ti dogiitaan ngari hhohhoeés dinkwa nee kitángw ilahhoa kawa hanmamisi. Tam Aroni nee daaqaywose sleeme in hhoohhooeés as inooín tawa kaahamuusér aníng i sagadiyuus.

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 7:10

Naagáy kuungá' niri baraá dooeé' hardatá', niri geeraaeéní sihhtá' baraá do'owí taa umuuér ateét, tawa kata', ‹Atén naa tu/uutaán.› Ala laatí kuungá' a kumitá' muruudá' án ni waak.

DANIELI 9:23

Qoomár firo kawa iimu/uún, Mungú mu/aywatsa ngina haniís, aníng nina hardáh as mu/aywatsa ngiwa huuw, asma kuúng tu ló'wa slaa'. Gawaá adoorihe mu/aywatsatadá' iiarí qaaseek nee gár iigu'utudá' ka tsáhh.

FAARO 16:38

Asma mukwí ngina huwiyé' dír kitángw ilahhooár AAKOÓ MUNGÚ. Gimáy, xooslarír mukwí taa tsuú/ as tlakweemaaín taataahheek, kwahhuteek as kawa daqa niinawes as tawa muruú kitángw ilahhooa kur tuuntukun. Gaarí an gurbu'utá múk Israeli sleémeero.»

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Yohana 11:42

Aníng aga xuú' adór kuúng ir iiárií qamaamiín umuú deelooro. Ala tí aníng gár ngisa oó', a as boo/aywí oo muu, kwí diirí dirií', kawa haratlinti'i adór án kuúng ira ya/áp.»

Tlehhema'aá ya/Abuuse 10:31

iri báy, ‹Kornelío, firoorók kaa axaás nee ilahhooarók Mungú ga gunqareesiiká.

DABE 11:12

Yaamuudá' an yaamaá AAKOÓ MUNGÚ, Munguúhúng i amohhe'eemiisi. Umuú daqto gin ga/áy, iimír iimu/úngw kuru ay tam alhhe'eesoó kuru.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:21

Barnaxes didá' AAKOÓ MUNGÚ, Munguúhúng i tsawaari, dirhunge ka saaw, nee kuungá' hikwaahúng, laqaá bee/angwhúng kudá' AAKOÓ MUNGÚ nura tsuúq, iga tsu/é', adoodá' ngira hara'ayiím, i ya/aán fu'unaydá' kiwa /aga' umuúqo dír ti diria'a baraá yaamuhunge.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

1 Yohana 5:14

Adoorihe a harahhifór koomaán dirose bar ugwa firiimaán ar adór inós i slai, ti axaas.