1 WAAWITÁ 9:1 - Biblía Axweesantá Hhohho' ar Mungú 2004

¹ Qoomár Solomon Doó AAKOÓ MUNGÚ nee doó waawutmo ngiwa hhe'eés tlehhmuuwo, nee muruú hatlá' aa slaá' tleehhamooro,

1 WAAWITÁ 9:1 Iomraidhean Croise

1 WAAWITÁ 3:1

Solomon nee Farao waawutmoó Misri mar'afi kana sláy as dasír waawutmoó Misri ngiwa duúx, gari huúw baraá gixsár Daudi, ay qoomár do'ós nguwa hhe'eés tleehhamooro, nee Doó AAKOÓ MUNGUHE, nee koo/ír Yerusalemu ngiwa harweér.

1 WAAWITÁ 6:37

Kurkú tsiyáhh iimír Solomon waawuti'iima ngiwa iimu/ún slahhángw ta bay Sifu, gídaabá slahhángw tsár, doó AAKOÓ MUNGÚ guna iimu/ún tlehhmuuwo.

1 WAAWITÁ 7:1

Solomon do'ós guna tleéhh har kureeraá mibaá nee tame, do' sleémeerowo guri hhe'eés.

1 WAAWITÁ 7:2

Do' guna tleéhh baraá gartá Lebanoni, tlenaangós a miíta mibeeri tsiyáhh nee tsiyáhh, bihheero a miíta mibeeri tsár nee tsár, tlenaangós oo gawa a miíta mibaá nee tám nee tlaqi. Waqasuú tám oo sahhta guna gáwtá wa hhaáf nee waqasuú sahhta i gawaá uheemi.

1 WAAWITÁ 7:51

Gadiyér waawutmo Solomon aa tleéhh as doó AAKOÓ MUNGÚ iri hhooeér. Naagáy Solomon muruudá' baabuúwós Daudi aa hhoohhooeés guri dahaás baraá do'. Muruudá' an peésa, nee sahaábu, nee xoosluuwo sleémeero giri baáts baraá qaasír Doó AAKOÓ MUNGÚ.

1 WAAWITÁ 8:66

Bál dakaate Solomon muu guna deelór báy, inooín waawutmo kuri tsuúq. Tari waátl amór maraay ar bara/, nee qwal/uú úr, asma hhooeemaadá' AAKOÓ MUNGÚ aa tleéhh dír sagadiyusmoowós Daudi, nee dír mukós Israeli.

1 WAAWITÁ 9:10

Kureeraá mibeeraá tsár niwa waaraahhiyé', iimír Solomon maraydá' tsár ngiwa tleéhh, Doó AAKOÓ MUNGÚ nee doó waawutmowo,

1 WAAWITÁ 9:11

Hiramu waawutmoó Tiro sahhta nee beroshi nee sahaábu ngina huúw amór Solomon ar har afiqoomaadá' inós i slai sleémeero. Waawutmo Solomon gixsadaá mibeeri tsár awa yaamaá Galilaya giri haniís dír Hiramu.

1 WAAWITÁ 9:19

nee gixsadu sleémeero awa daqaari'iima kudá' Solomon aa tleéhh, nee gixsadaá gaarduuwós kudá' ta uuruxun, nee awa mukós oo farasuú i tsa/aa/ám, nee umuúqo gár Solomon aa slaá' tleehhamooro baraadaá Yerusalemuro, nee baraá Lebanoniro, nee baraá yaamu sleémeero awa waawuti'iimarose.

2 QOM'I 7:1

Waawutmo Solomon Mungú firooro nguwa hhe'eés, asltá gawaá dooraá daahh nay hardát, ilahhooadá' taa haniís as da/a nee ar muruú taa tsuú/ asla gari /ak, nee xirfuú AAKOÓ MUNGÚ Do'odá' gway hatsiís.

2 QOM'I 7:11

Alaá Solomon doó Mungú nee kós kuduú waawuti'iima ngiwa hhe'eés tleehhamoro, nee umuú gaaro tidá' ira tsabini,

2 QOM'I 8:1

Kureeraá mibeeri tsár niwa waaraahhiyé' iimír Solomon Doó Mungú nee do'ós kuduú waawuti'iimaro ngiwa tleéhh,

2 QOM'I 8:6

Sleeme gixsár Balati gana tleéhh, nee didár xooslu ki babatsi, nee gixsár gaardu kudá' ta uuruxun nee faras, nee múk farasú i tsa/a/ama, nee umuúqo gaaro tidá' aa slaá' tleehharo baraá Yerusalemu, nee Lebanoni, nee baraá yaamuuwose, gay hhe'eés tleehharo.

DAHARUSMO 2:10

Umuúqo gár ilaaeé' naa ilatleeruusiyé' aga mawiiká, muunaáeé' ugwa qwal/uú /itiiká, asma muunaáeé' gadiyeédá' naa tleéhh gana saqwalalaá/, nee tí sleémeero an qeemuú naa sláw as gadiyér'eé'.

DAHARUSMO 2:4

Gadiyér ur ana tleéhh, maraá uren ina tleéhh, qamaá sabiíbu ina doósl.

DAHARUSMO 6:9

Gár hhoo' alók an bu'út ar muruú ta koon ta tawa daawimita as ilatleerír muruú hatlá', gaarí a tawór huwisha, nee a adór heé fur'a gaa alta'aain.