1 WAAWITÁ 8:6 - Biblía Axweesantá Hhohho' ar Mungú 2004

⁶ Kaahamuuse sandakmooduú alqadór AAKOÓ MUNGÚ guri dahás didá' kuwa hariím, didár baraá guruú do' ar doó Mungú, didá' ak ló'wa hhoohhoo', baraá guruú hhampa'aá slaqsi'iidaá keruúbi.

1 WAAWITÁ 8:6 Iomraidhean Croise

2 SAMUELI 6:17

Naagáy sandakmoó AAKOÓ MUNGÚ kuri dahaás baraá heéma tidá' Daudi aa siíhh. Daudi ilahhooár da/a nee ilahhooár wayda gari haniís dír geeraá AAKOÓ MUNGÚ.

2 SAMUELI 6:2

Daudi iri tláy dinkwa nee mukós sleémeero, múk aáng nee inós aldinkwa amoodár Ba'ala ar baraá Yuda, tindina amoodá' wa tláy as tawa sandakmoó Mungú leehhi, Munguúdá' umuuwós ta bay AAKOÓ MUNGÚ Aleesleemusmo, kudá' aa iwiit gawaá kitangwduú aleesleemu kudá' gáwtí dirií', dír keruúbi.

1 WAAWITÁ 6:16

Kutuwidár baraá guruú do' tidá' ta bay didá' ak ló'wa hhoohhoo', kana tleéhh amór alaá do'. Kutuwidá' kana tleéhh ar peehhoó sahhta iimír baraá matla/ángw wa tleemu ay gawaá daári, tlenaangós a miíta gwaleél.

1 WAAWITÁ 6:19

Baraá kutuwidá' ak hhoohhooe Solomon dii gana amohhe'eés as kahhó' sandakmooduú alqadór AAKOÓ MUNGÚ nguwa baraadií qaasi.

1 WAAWITÁ 6:27

Slaqsi'iiká' tsaraawo gina qaás didá' ak ló'wa hhoohhoo', nee hhampe'eeri'ín gina bihheérí gana'aás. Umuúqo slaqsoó keruúbiro hhampuuwós oo wák ina hardáh baraá koo/i, hhampe'eeri'ín awa hatlae tiri doogiyé' tla/ángw do'.

1 WAAWITÁ 8:3

Bariisér Israeli ina hardát, nee kaahamuusér Mungú sandakmooduú alqado guri gagát.

1 WAAWITÁ 8:4

Naagáy múk tlahhoó Laáwi nee kaahamuuse sandakmoó alqadór AAKOÓ MUNGÚ nguri gagaariyé', nee heémaadár Munguhe, nee xosluudá' hhohho' ar doó Mungú ar baraá heémaadií dirii'.

1 WAAWITÁ 8:7

Slaqsi'iidaá keruúbi hhampe'eeri'ín ngaa hhafiyé' gawaá daanduú didá' sandakmo kway qaás. Slaqsi'iidá keruúbi tuntukma ngiri tleehhiyé' gawaá daanduú sandakmo nee xaaiidá' kur loohisi.

1 QOM'I 22:19

Gimsé', daxta AAKOÓ MUNGÚ, Munguúhúng, leelehhaak ar inslawayhúng nee ar munerhúng sleémeero. Tlawsé', doó AAKOÓ MUNGÚ tleehhaak, as kahhó' sandakmoó alqado oo Mungú nee xosluudá' hhohho' kawa qaasi baraá do'oduú AAKOÓ MUNGÚ.»

2 QOM'I 5:7

Adoorí kawa hhe'eés kaahamuusér Mungú sandakmoó alqadór AAKOÓ MUNGÚ kway huúw baraá doó Mungú, kuri qaás didá' ak ló'wa hhoohhoo' baraá guruú hhampe'eeraá slaqsa'aá keruúbi.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 80:2

/Uuruuwók laqaameek dír geeraá Efraimu nee Benyamini nee Manase, qwaláng, atén ti ba/amis.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

TI'INAANGW 37:9

Slaqsi'iidaá keruúbi hhampe'eeri'ín ngaa gáwtí tleesiyé' as kitangwduú gurtleemu nguwa mahhtírií tleehhiya' ar hhaampe'eeri'ín, inooín taa gur'ér xu'usiyé', nee gitsee/er'ín i kitangwduú gurtleemuú ngu ga/eér.

ISAYA 37:16

«Aá AAKOÓ MUNGÚ Aleesleemusmo, Munguú Israeli kudá' aleesleemuú koóm daanduú keruúbiro, kuúng kilók an Mungú daanduú waawuti'iima sleémeero ar barakaá yaamu, kuúng an tleehharusmoó doori nee yaamu.

ESEKIELI 10:5

Afór hhaampe'eeraá keruúbi kari amór afeenidár tsee/aá wá axaás. Afoodá' a adór axweesantá Munguú Aleesleemusmo.

ESEKIELI 41:4

Kutuwidá' gari qoomeés, bihhe sleémeero i alqoón, bihheerós a miíta mibaangw. Kutuwirí i geeraá didá' hhoohhoo'. Aluuwo aníng iri báy, «Diirí an didá' ló'wa hhoohhoo'.»

1 SAMUELI 4:4

Naagáy muu kuri ya/aáw ay Shilo, sandakmooduú alqadór AAKOÓ MUNGÚ Aleesleemusmo kunguri huúw, Munguúdá' hotaawós gáwtií diriiá' dír keruúbiro. Daaqaydá' tsár oo Eli, Hofni nee Finehasiwo, ta baraadií dirii' dinkwa nee sandakmoduú alqadór MUNGUHE.