1 WAAWITÁ 8:44 - Biblía Axweesantá Hhohho' ar Mungú 2004

⁴⁴ «Mukók bira slaqwarár áy amór wakuuser'ín, umuúqo amór ki huba, inooín bar kuúng ugwa firiné' tawa amór gixsarí taa tsawát ga/ay, nee amór do'owí naa tleéhh as umuuwók,

1 WAAWITÁ 8:44 Iomraidhean Croise

2 SAMUELI 5:19

Naagáy Daudi kaangwí guri yaahaás dír AAKOÓ MUNGÚ, «Xáy AAKOÓ MUNGÚ, múk Filisti u i haratláwa? Xáy, ngu dabaaeé qása?» AAKOÓ MUNGÚ, Daudi guri bay, «Daqáw, asma ar looeemawo múk Filisti ngu dabaawógi qaás.»

2 SAMUELI 5:23

Daudi kaangwí nguwa ár AAKOÓ MUNGÚ guri firín. AAKOÓ MUNGÚ iri oó', «Muksíng mu diisír haradahaar, ala na harweeriím ki haradát ar amór geeraá xaa'aá ta bay miforosadi.

1 WAAWITÁ 8:16

‹Iimír baldá' muk'eé' kwí oo Israeli nguwa duúx baraá yaamaá Misriro, gixsár naa tsawaár baraá yaamaá Israeliro as dooeé' nguwa tleehh i káhh, tidá' daqaní umuueé' kuwa baraadá' wa sluufmiisi, aqo har Daudi una tsawaár muk'eé' oo Israeli nguwa sawaawuti'in.›

1 WAAWITÁ 8:45

na'ás, firor'ín nee harhhehhe'eemisuuine axaaseek iimír gawaá doorí wa ale, inooín arba/ati ngi slaye' baraá slaqwaraaro.

2 QOM'I 18:31

Geeraharuuseedá' gaardaá madiit Yehoshafati nguwa ariyé', tari oó', «Waawutmoó Israeli areengw.» Nguri i warqayé' slaqwaraaro. Yehoshafati iri gáwtí tseé', AAKOÓ MUNGÚ guri alee/iís, mukdá' inós gwa i haratlay guri hingeés.

2 QOM'I 20:5

Yehoshafati iri sihhiít geeraá mukduú Yerusalemu nee oo Yuda, kudaá burumburiit dír afeenidá' /aben ar doó Mungú.

2 QOM'I 32:20

Waawutmo Hesekia nee aarusmo Isaya garmoó Amosi, Mungú nguna firiné' nee nguna i /aa/iyé' as ngiwa alee/iisi daanduú muruuwí sleémeerowo.

2 QOM'I 6:34

«Mukók bira tláy baraá slaqwara, iwa slaqwiya' nee wakuuser'ín umuúqo dír ki huba, nee kuúng uri firiné' dír ti dirii'i, gur'er'ín birnga amór gixsarí taa tsawát xu'usiyé', laqaá amór do'owí aníng naa tleéhh as kuúng,

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

HAR'OHUUSE 4:6

Inós iri ya/abiín amór Baraka, garmoó Abinoamu, yaamuloousmoó Kedeshi, baraá yaamaá Naftali, guri beér, «AAKOÓ MUNGÚ, Munguú xoorór Israeli, kuúng un babay, ‹Tláw, mukók sleémeero burumbureek gawaá tloomár Tabori, múk kume mibaangw oo xoorór Naftali nee oo xoorór Sebuluni.

HAR'OHUUSE 6:14

AAKOÓ MUNGÚ iri warqáy amór Gideoni guri báy, «Tláw ar /uuruuwók kwí úr, múk Israeli tu/ang gawaá dabaá múk Midianiwo. Ahaá heé kuúng u ya/abiít a aningeekáhe?»

1 SAMUELI 15:18

AAKOÓ MUNGÚ uri ya/aáw as gadiyeérós iwa oó', ‹Tláw mukduú Amaleki oo tlakuuse tsu/a/imeek ay dír kway hhaamis.›

1 SAMUELI 15:3

Tláw múk Amaleki tsu/eek, nee muruuín sleémeero oo taqo kona hhaamiiseek, tam panmo sleeme miwa meét, /ameena nee hhawaateewo tsu/eek, mindiwa meetiyé', nee sleeme tam na/ii nee qaweerowo, hikwa nee bee/aango, angamía nee daqwaayeero sleémeero qororo'ooseek.› »

1 SAMUELI 30:8

Daudi AAKOÓ MUNGÚ guri yaahaás kaangwihe, «Xáy, daqtí a eehára? Nee a oóha?» AAKOÓ MUNGÚ guri mu/aywaáts, «Eehareek, looeemaá kilae i ót slám mukdá' tara tláy ngu tú/.»