1 WAAWITÁ 8:13 - Biblía Axweesantá Hhohho' ar Mungú 2004

¹³ Ar looeemaawo doó hotaawók ngwaa tleéhh, tawa dír hotaawók ay alhhe'eesay wasle.»

1 WAAWITÁ 8:13 Iomraidhean Croise

2 SAMUELI 7:13

Na/aywí an kudá' do' gu tleéhh as umuueé', nee kitaangós kuduú aleesleemu oo waawuti'iimarós un gawdeés ay kureerisleém.

1 QOM'I 17:12

Inós dooeé' gun tleehh, aníng kitaangós oo waawuti'iima un gawdeés ay alhhe'eesay wasle.

1 QOM'I 28:10

Ti harmagahh, asma AAKOÓ MUNGÚ kuúng ugwa tsawaár as do'ós kudá' hhoohhoó' kuwa tlehh. Migís adoosíng tleehheek.»

1 QOM'I 28:20

Aluuwo waawutmo Daudi garmaawós Solomon guri báy, «Gimáy, piíhh muuna hhe'eés, gadiyeérí tleehheek, ma da'ayuumitaar laqaá ma amoqwaqwadiimar, asma AAKOÓ MUNGÚ, Munguúeé', i dinkwa nee kuúng. Inós kuúng u baloó geexayká, laqaá u baloó mayká ay dír gadiyeé sleémeero ar doó AAKOÓ MUNGÚ i hhooeer.

1 QOM'I 28:6

«AAKOÓ MUNGÚ aníng iri báy, ‹Garmaawók Solomon an heé aníng i dó' i tleéhh. Aníng inós ugwa tsawaár tawa garmaaeé', nee aníng tawa baabuúwós.

2 QOM'I 6:2

Aníng hám daxta kuúng ugwa doó xiríf i tleéhh, dír tawa hot kureerisleeme.»

TI'INAANGW 15:17

Aá AAKOÓ MUNGÚ, kuúng inooín in húp, kiri qás gawaá tloomadár aalirók, didá' taa tléhh tawa dír hotaawók. Aá AAKOÓ MUNGÚ, in húp ay didá' hhoohhoo' taa tléhh ar dabaawók.

ESEKIELI 43:7

Inós iri báy, «Heewí, diirí an didár kitangw'eé' oo waawuti'iima, an dír tsa/aá ya'aaeé' ngay qamaamiim. An hoót baraá tla/ángw múk Israeli wa ale ay alhhe'eesay wasle. Nee múk Israeli aníng i meetagaasiaaká, inooín awa kilá', laqaá waawitaáín, as slaqsi'iidaá munguaá hatlá' ngiwa haratlintatii'iya', laqaá waawitaáín kudaá qaatl kuwa inslaslay.

ESEKIELI 43:9

Hám daxta slaqsi'iidá' ngi maye' sluufmisuuwo, nee waawitaáín kudaá qaatl ngu amór saáwí gunqareesiye' dir'eene, daqaní aníng a hoót dinkwa nee inooín kureerisleém.

Matayo 23:21

Nee heé lo'ór huwahuúw ar Doó Mungú aqo lo'o gana huúw ar do'dá', nee ar kudá' baraadá' wá hoót sleeme.

Tlehhema'aá ya/Abuuse 6:14

Asma aga axaasaán i kaahi, ‹Yesu Nasareti diirí ga hhitín nee uunuudá' Mose naa atén i hara'ayín gi warqees.› »

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.