1 WAAWITÁ 8:12 - Biblía Axweesantá Hhohho' ar Mungú 2004

¹² Aluudae Solomon iri oó', «AAKOÓ MUNGÚ gár aa oó' a tí, ‹Án an hoót baraá huunkoó gíwá ale.›

1 WAAWITÁ 8:12 Iomraidhean Croise

2 SAMUELI 22:10

Doori gina yaamií tseeweés, nari yaamií aweér, huunkír boo/ i baraá hát dír ya'aawose.

1 WAAWITÁ 8:11

Kaahamuusér Mungú gadiyeé gari harslaaqát as huunkidá', asma xirfuú AAKOÓ MUNGÚ Do'ós kudá' guna hatsiís.

NEHEMIA 8:5

Esra kitaábu guna gweér dír ilaá muu sleémeero wa alé, asma i gáwtí dirii' dír muko, qoomár nguwa gweér muu sleémeero tari sihhiít.

WARA'AMI 97:2

Huunkoó bó/ oo qoomár ma/mi Aakoó Mungú gwaa harweér, hhooeema nee sakwasleemár ganaa' an iimu/úngw waawuti'iimarós.

TI'INAANGW 20:21

Naagáy mukdaádá' iri sihhiít amór saaw, Mose iri tseewúy dír giwtidá' Mungú i dirii'i.

ISAYA 45:15

Aá Munguú Israeli, ba/amusmo, looeemaawo kuúng a Mungú, ilaawo tu ar'aa'ariiká.

TLAHHOÓ LAÁWI 16:2

Guna báy, «Hhiyaawók ádbaweek, umuúqo qoomaaro miwa daráh didá' hhoohhoo', ar alaá inqwaaridá' do' gwaa tla/a qasis, dír geeraá kitángw gurtleemu, kuduú gawaá sandakmoó alqado, as kahhó' miwa gwaá'. Asma aníng ti geehhooeés ar baraá huunki gawaá kitangwdú gurtleemuú wa ale.

DABE 4:11

«Naagáy, qoomaadae nina tsewuuré', tari sihhité' dír gamuú tloomaadá' asla iwa gáwtí tsa/aán ay doori, ar taa tuuntuúk nee giwti nee huunkoó bó/.

DABE 5:22

«Kaangwí an axweesanaydá' AAKOÓ MUNGÚ naa dír dinku'uumarhúng sleémeero wa axweés ar afór ur gawaá tloomár wa ale, baraá tla/ángw asltá wa ale, nee baraá huunki nee baraá ma/amír aa qipit, tam axweesantá aa doók i káhh. Axweesantí gari gooín gawaá tlaa/eedá' tsár awa parereehhayen ngiri dir'eéní haniís.

Ebrania 12:18

Asma tloomár kuungá' taa i hardaté' a tidá' kwatiitaro ta aleeslayká dabaawo, a tloomár Sináirooká, tidár múk Israeli aa i hardáh aáng. Slám kuungá' asltadá' gawaadá' wa oh aga i hardati'iiká, laqaá tlaangídá' bo/ ar gawaadá' i dirii', nee ma/ami nee bambaao,