1 WAAWITÁ 8:11 - Biblía Axweesantá Hhohho' ar Mungú 2004

¹¹ Kaahamuusér Mungú gadiyeé gari harslaaqát as huunkidá', asma xirfuú AAKOÓ MUNGÚ Do'ós kudá' guna hatsiís.

1 WAAWITÁ 8:11 Iomraidhean Croise

1 WAAWITÁ 8:10

Qoomár kaahamuusér Mungú iwa ti'ít didá' hhoohhooe, huunki Doó AAKOÓ MUNGÚ guri hatsís.

1 WAAWITÁ 8:12

Aluudae Solomon iri oó', «AAKOÓ MUNGÚ gár aa oó' a tí, ‹Án an hoót baraá huunkoó gíwá ale.›

2 QOM'I 5:14

Tam Kaahamuusér Mungú taa kumitiiká saaliingw tleehharo, as huunkidá' do' gwa tuuntuk. Asma Doó Mungú aa haáts xirfuú AAKOÓ MUNGUHE.

WARA'AMI 90:16

Tlehhmi'iiwók laqaameek dír sagadiyuuseeroge, na/ii'ín xirfuuwók kudá' úr ngu ariye'.

TI'INAANGW 29:43

Aníng nee xoorór Israeli tin didaádií dogiitaán, nee xirfuueé' heémaadá' gari hhoohhoees.

TI'INAANGW 40:34

Aluuwo huunki heémadár Mungú gari tuuntúk, nee xirfuú AAKOÓ MUNGÚ heémadá' gari dalaá/.

TI'INAANGW 40:35

Mose dahmaá baraá heémár Mungú gari harslaaqaát, asma huunkidá' i gawaá daanduú heémaadá' nee xirfuú AAKOÓ MUNGÚ heéma gaa dalaá/.

ISAYA 6:1

Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

ESEKIELI 10:4

Xirfuú AAKOÓ MUNGÚ iri tláy dír keruúbír wa ale, iri hardáh ay gawaá maandár do'odá', nee afeeni iri háts gwa/aatemaá xirfuú AAKOÓ MUNGUHE.

ESEKIELI 43:2

Ga/aawaak, xirfuú Munguú múk Israeli niri da/aáw wa hardáh, afoorós adór kududuhoó úr oo xuraaír ma'aá yaariir, yaamu niri gwa/aatiyé' xirfuuwose.

ESEKIELI 44:4

Aníng iri huúw dír geeraá Doó Mungú ar loohír bihhaá /iya. Niwa qaytsiít xirfuú AAKOÓ MUNGÚ una ár, Doó AAKOÓ MUNGÚ gwaa hatsiís. Aníng niri tumbarara'aát, giti ngiri yaamúr óh.

TLAHHOÓ LAÁWI 9:23

Naagáy Mose nee Aroni tari dáh baraá heémár Mungú, tawa ti'iít muu kuri tsuúq, nee xirfuú AAKOÓ MUNGÚ iri geehhooúy dír muu sleémeero.

TLAHHOÓ LAÁWI 9:6

Mose giri báy, «Adoorí an adór AAKOÓ MUNGÚ naa hara'ayín ar ta tlehha' as xirfuuwós nguwa dirhúngí laqan.»

HAGAI 2:7

Aníng xoordu sleémeero i daaraxaás, nee daqaari'iimár xoordu sleémeero kingi huuw baraá do'owí, aníng do'owí u hatsiís xirfuuwo. Anuú AAKOÓ MUNGÚ Aleesleemusmo tí ngina oó'.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Tlehhema'aá ya/Abuuse 7:55

Ala Stefano i haats Qeeruú hhoohhoó' oo Munguhe, ilaawós giri kiririhhín gawaá doori, xirfuú Mungú guri ár, nee Yesu aa sihhiít bihhaá dákw doó /iyáy oo Mungú.

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

Geehhoeemaá 21:11

Gixsarí xirfuú Mungú gu koón. Nee gixsarí iri gwa/át adór tlaa/anoodá' ló'wa gwa/aát, kudá' tlaxo úr, kudá' ta babay yaspi oo gwa/aát adór looa.

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.