1 WAAWITÁ 8:1 - Biblía Axweesantá Hhohho' ar Mungú 2004

¹ Aluuwo waawutmo Solomon bariisér Israeli, nee geeraharuusér xoordu, nee geeraharuusér maraá múk Israeliro gina burumbuúr geeraawós i alé, baraá Yerusalemu as Sandakmoó Alqadór AAKOÓ MUNGÚ nguwa duuxiya' baraá gixsár Daudiwo, tidá' ta bay Siyoni.

1 WAAWITÁ 8:1 Iomraidhean Croise

2 SAMUELI 6:6

Tawa hardáh dír afeenarka ta balaángwí slahhahhan ar yaamaá Nakoni, Usa sandakmoó Mungú guna óh ar dakós, asma ya'aá hikwadá' kina gee/aásl.

1 WAAWITÁ 2:10

Aluuwo Daudi iri gwaá', kuri foól baraá gixsár Daudi.

1 WAAWITÁ 3:15

Solomon iri tláy qatuuwo, naxés laatí gaa a tlata. Iri tláy Yerusalemu, iri sihhiít geeraá sandakmoó alqadór AAKOÓ MUNGÚ, ilahhooár da/a nee ar wayda gari haniís. Muruú /aymár yaariír guri qaás dír sagadiyuuseerós sleémeero.

1 QOM'I 11:7

Daudi iri hotaá áy baraadaá gixsár koo/i gawit, gawaá adoorihe didá' kay báy, «Gixsár Daudi.»

1 QOM'I 15:25

Naagáy Daudi nee bariisér múk Israeli nee geeraharuusér slaqwaruusér kume tay tláy as sandakmoó alqado oo AAKOÓ MUNGÚ kuwa leehhi doó Obed-edomu ar bar/uú yaariír.

1 QOM'I 15:29

Qoomár sandakmoó alqado oo AAKOÓ MUNGÚ kunguwa dahaás baraá gixsár Daudi, Mikali dasír Saulo ina qaytsít pa/ángw ar alé, waawutmo Daudi guna aán i ni/ín ar qwala/, inós gway baraá muunaáwós i waaqá'.

1 QOM'I 15:3

Daudi múk Israeli sleémeero guna burumbuúr Yerusalemu, as sandakmoó AAKOÓ MUNGÚ kuwa huwi didá' inós aa amohhe'eés sandakmoó wa ale.

1 QOM'I 28:1

Waawutmo Daudi geeraharuuse sleémeero ar múk Israeli gana burumbuúr baraá Yerusalemu, nee múk urén oo tlahhi'i, nee geeraharuusér mukdá' waawutmoó sagadiyuús, nee geeraharuusér slaqwaruusér kume nee ar tsiire, nee mukdá' sleémeero taa daqaari'iimár i saayín nee hikwaá waawutmo nee daaqaywose, nee geeraharuusér do'oduú waawuti'iimaro, nee miguuse sleémeero dinkwa nee slaqwaruuseedá' iiatlere.

2 QOM'I 30:1

Waawutmo Hesekia afo gana ilahaniís amór múk Israeli sleémeero nee oo Yudawo, barwiito'o gari gooín amór tlahhoó Efraimu nee oo Manase sleeme, as niwa hardihiya' amór Doó AAKOÓ MUNGÚ, baraá Yerusalemu, as deelór ur ar Pasaáka kawa tleehhi, as ilaiwa/amér AAKOÓ MUNGÚ, Munguú Israeli.

ESRA 3:1

Tam qoomár slahhángw faanqw iwa xáy, nee múk Israeli ta baraá gixsaduuín, muu ina burumburiít baraá Yerusalemu adór heé wák.

WARA'AMI 102:21

Umuú AAKOÓ MUNGÚ ku alki/iiti baraá Siyoniro. Xirfuuwós ku alki/iiti Yerusalemuwo,

WARA'AMI 9:11

AAKOÓ MUNGÚ gawaá Siyoni sa daa'aak, tlehhmi'iiwós alki/iitaak baraá tla/ángw muko.

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

FAARO 1:4

Nee hhawaatuú wák baraá umuúqo tlahhaywo masók a dinkwa nee kuungá', kuduú geeraharusmo baraá guruú doó baabuúwose.

YOSHUA 23:2

Yoshua múk Israeli sleémeero guri dinkwárí ateét, bariiser'ín nee geeraharuuseero nee har'ohuuseero nee múk urene, giri báy, «Hám daxta aníng a aakoó aa ló'wa din,

YOSHUA 24:1

Aluudae Yoshua xoorór Israeli gari ateét baraá yaamaá Shekémúrí ale, dinkwa nee bariiser'ine nee geeraharuuser'ine nee har'ohuuser'ine nee múk urén oo Israeliwo. Nari hardihiyé' dír geeraá Mungú.

1 Petro 2:6

Asma Gooi i kat, «Ga/aaweek, aníng tlaa/ár ur ar do' ir gawduy, tidá' taa tsawaár nee ar afhhamít, a qaás gawaá Siyoni. Umuúqo heewo oo inós gwa haratlintii' ku mureekeesiiká.»