1 WAAWITÁ 7:8 - Biblía Axweesantá Hhohho' ar Mungú 2004

⁸ Do'ós oo iwa hooti i dír hatlá' baraá do'o, alaá doó kwasleema. Uraywo aqo adór doó kwasleema, slám doó dasír Farao guna baraadá' i tleéhh, tí a tidá' Solomon aa duúx.

1 WAAWITÁ 7:8 Iomraidhean Croise

1 WAAWITÁ 3:1

Solomon nee Farao waawutmoó Misri mar'afi kana sláy as dasír waawutmoó Misri ngiwa duúx, gari huúw baraá gixsár Daudi, ay qoomár do'ós nguwa hhe'eés tleehhamooro, nee Doó AAKOÓ MUNGUHE, nee koo/ír Yerusalemu ngiwa harweér.

1 WAAWITÁ 7:9

Marayká' sleémeero gár kira tlehhiít a tlaa/aá tlaxo uren awa taa alqomeemeés ar masmeno baraá gura' nee daanduuwo, iimír iihhafiiri ay tlaa/aá gawa, nee awa tsee/a sleeme tam ay matla/ángw úr oo kwasleema.

1 WAAWITÁ 9:16

Farao, waawutmoó Misri iri haratláy, Geseri gana hayóh, gana daá/ ar asla, múk Kana'ani kudá' baraadá' hoót guna tsuú/, dasiirós tidá' Solomon aa duúx gana gixsarí haniís.

1 WAAWITÁ 9:24

Aluudae dasír Farao iri lót amór gixsár Daudi wa ale ay amór do'ós kudá' Solomon aa tleéhh, Solomon koo/ír gawit ar Milo gari tleéhh.

2 WAAWITÁ 20:4

Qoomár Isaya iwa tláy, tla/ángw afeena nguwa áy, axweesantá AAKOÓ MUNGÚ gana axaás i kaahi,

2 QOM'I 8:11

Solomon hareerós, dasír waawutmo Farao, gana loohatís gixsár Daudi wa ale, gari huúw baraá do'odá' aa tleéhh as inós. Asma inós ina oó', «Harer'eé' i baraá doó waawutmo Daudi wa hotká, waawutmoó Israeli, asma didá' sandakmoó alqadór AAKOÓ MUNGÚ i dirii'i ka hhoohhoo'.»