1 WAAWITÁ 7:21 - Biblía Axweesantá Hhohho' ar Mungú 2004

²¹ Uheemi giri sihhtís baraá matla/ángw doó Mungú, uhmoó bihhaá basa guri sihhtís umuuwós guri báy «YAKINI,» uhmoó bihhaá /iya guri qaás, umuuwós guri báy «BOASI.»

1 WAAWITÁ 7:21 Iomraidhean Croise

2 SAMUELI 7:12

Deeloorók ar tawa kahhut bira xeér tari haragwá' amór baabi'iiwók kudá' naa qatliye'. Daqaní na/aywók oo kilá' un waawutmoó wa qaás, aníng waawuti'iimarós ngari gawdeés.

1 WAAWITÁ 6:3

Matla/ángw geeraá do' uroó bihheero a miíta tsiyáhh nee tlaqi, uroó bihheero i alqoná' nee do', tlenángw baraywo a miíta gwaleél.

1 WAAWITÁ 7:12

Matla/angwdá' úr oo kwasleema bihhe sleémeero gár kura tleéhh a hha'aá tám awa tlaa/aá taa tsiíhh, hhoó wák oo xaa'aá sahhta. Adoorí an adór matla/angwduú Doó AAKOÓ MUNGÚ sleeme kura tleéhh, nee afeenidár alaá do'o.

1 WAAWITÁ 7:22

Nee gawaá uheemiwo /ayór ta bay yungiyungi kana qaás. Gawaá adoorihe, gadiyér uheemi iri hhooeér.

2 QOM'I 3:17

Uheemiidá' kay sihhtís geeraá Doó Mungú, oo wák bihhaá dákw doó /iyáy, nee oo tsár doó basáy. Oo bihhaá doó /iyáy kway báy Yakini nee oo bihhaá doó basáy kway báy, Boasi.

2 QOM'I 4:13

nee slaqsa'aa mamaá komamaánga awa tsiire tsiyáhh awa ta qaás gawaá muqsladá' tsiiriihh tsár. Umuúqo hha'aá tsár awa mamaá komamaánga gina tleéhh gawaá umuúqo muqslidá' tsiiriihha, as slooqi'iidá' tsár awa slam'i kudaá sagér uheemidá' kiwa parootuusi.

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.

RUTI 2:19

Naomi gari yaahás, «Dír laarí bururúwí nguwa sleemís a baraá qaymór heemá? Heesíng kiíng iga xuu' ku tsuuqi.» Inós aayír hhawaatuuwós gari beér, «Laarí dír niwa gadiyuús a baraá qaymór heé ta babay Boasi.»

RUTI 4:21

Salmon Boasi guri laqwaál, Boasi Obedi guri laqwaál,