1 WAAWITÁ 6:5 - Biblía Axweesantá Hhohho' ar Mungú 2004

⁵ Koo/ír do' gana harweér ar kutuwaay, kuká' tina oohiyé' nee koo/ír do' umuúqo diiro ar doó saalingo nee ar do'duú baraá guruú do' i diriia. Kutuwoó bihhér do' guna tleéhh bihhe sleémeerowo.

1 WAAWITÁ 6:5 Iomraidhean Croise

1 WAAWITÁ 6:16

Kutuwidár baraá guruú do' tidá' ta bay didá' ak ló'wa hhoohhoo', kana tleéhh amór alaá do'. Kutuwidá' kana tleéhh ar peehhoó sahhta iimír baraá matla/ángw wa tleemu ay gawaá daári, tlenaangós a miíta gwaleél.

1 WAAWITÁ 6:31

Afér dahmuú baraá do' gana tleéhh ar peehhoó seituúni. Duxutmo nee nahhto gina guhhér kooání tleéhh.

1 WAAWITÁ 6:6

Kutuwidár baraay bihheero a har miíta tsár nee tlaqi, nee kutuwír qoroófár geera bihheero a miíta tám ga naká/, nee bihhér kutuwír qoroófár tsár a miíta tám nee gár niiná. Kutuwáywí ti slaslayká uraywo, asma Solomon uroó koo/idár tsee/a guna /aareés as kahhó' uheemidá' taa dó' ar tleéhh mitiwa oohiyé'.

1 QOM'I 23:28

Gadiyér taa dir'ín i haniís a tí: Kaahamuusér Mungú tidár tlahhoó Aroni kawa ale/iimisi baraá gadiyér Doó AAKOÓ MUNGUHE, afeenár doó Mungú nee kutuwaywo kiwa amohhe'eemisi, nee xosluudá' hhohho' kawa hamtliti, nee umuúqo gadiyér dawa baraá doó Munguhe.

1 QOM'I 28:11

Naagáy Daudi adór garmaawós Solomon doó Mungú ngur tleehhi gay laqán, nee kutuwaywós, nee kutuwayduú xoslu babats, nee maraydaá daanduú kuqá', nee oo baraá guruú do'o, nee dír kitangwduú gurtleemu kway qaasi.

1 QOM'I 9:26

Mukdá' tsiyáhh a geeraharuusér xuumuuse an múk tlahhoó Laáwi, inooín an sagesihhtuusér doó Mungú nee daqaari'iimarose.

2 QOM'I 31:11

Aluuwo waawutmo Hesekia giri ádbáy meeweé kawa tleehhi baraá kutuwír doó AAKOÓ MUNGÚ. Inooín ngiri tleehhiyé'.

2 QOM'I 4:20

Nee kiteeraá tsaa'aso gina tleéhh ar sahaábuú hhohhó', nee tsaa'asoro as didá' ak ló'wa hhoohhoo' ngiwa i gwa/at ar adoodá' kara oó'.

2 QOM'I 5:7

Adoorí kawa hhe'eés kaahamuusér Mungú sandakmoó alqadór AAKOÓ MUNGÚ kway huúw baraá doó Mungú, kuri qaás didá' ak ló'wa hhoohhoo' baraá guruú hhampe'eeraá slaqsa'aá keruúbi.

2 QOM'I 5:9

Xaaiidá' ki tlet, sager'ín ka geehhoo' didá' hhohhoó' wa ale geeraá kutuwidár guruú do', ala ki geehhooeeká guruú tsee/aawo. Xaaiidá' tam ay laarí i dayá'.

NEHEMIA 10:37

Puuruú geera, nee ilahhooarén, nee mamaá xaai, nee difaái nee di/ito in huwaán dír kaahamuuse baraá kutuwoó doó Munguúrén. Slám baraá bu'ungwrene ar wák baraá mibango ngin huwaán dír múk tlahhoó Laáwi asma inooín gadiyeérír burumburiingw ngin tlehhitiyá' baraá ayeemoorene.

NEHEMIA 12:44

Qoomaarihe muu kuna tsawaár oo kutuwoó kuuntáy gu amohhe'eemiís kudá' ta ilahhooárí qamin, ilahhooár bu'úngw geera nee gár wák baraá muruú mibaango, nee muruú tinda baraá qamaá gixsár wa burumburín as kaahamuuse nee múk tlahhoó Laáwi ar adoodá' dabe i kat. Asma múk Yuda kaahamuusér Mungú nee múk tlahhoó Laáwi kudá' gadiyuusa' kiri sa qwalalaá/.

WARA'AMI 28:2

/Aa/ee'eé' iiárií qaaseek qoomár bar alee/isoó fiririím, dabaaeé' bira gáwtí tleés amór Do'ók kudá' hhoohhoó'.

TI'INAANGW 25:22

Aníng nee kuúng ti doogaán didár kitángw gurtleemu, tla/ángw slaqsa'aá tsár awa keruúbi, kudaá gawaá sandakmoó hara'aya, aníng nee kuúng a axweesaán nee hara'ayar'eé' sleémeero ngi dirók i haniís as múk Israeli.»

DAA'AANGW 1:4

Aníng ar tlawáng, góh ar gaanslaay, Waawutmo aníng iga dahaás baraá do'ós, Atén kuúng uri saqwalaala/aán nee uri sa bara/aán, sla'aarirók kari alki/itaán tam difaái ba/a. /Ameena kuúng uwa sla' i hariín.

YEREMIA 35:2

«Tláw dír múk gurú doó Rekabu, axweés nee múk do'odá'. Daqaní mukdá' ngu húp baraá doó AAKOÓ MUNGÚ, baraá kutuwír wák, ki difaáír i hanís, ka wahi.»

YEREMIA 35:4

Inooín sleémeero ngiri huúw ay baraá doó AAKOÓ MUNGÚ, dír kutuwír garmoó Hanani, garmoó Igdalia heé Mungú. Kutuwidá' ka tseew dír kutuwír geeraharuuse, i gáwtí dirí' dír kutuwír Ma'aseya garmoó Shalumu, xuumusmoó do'odá'.

ESEKIELI 40:17

Naagáy heedaádá' iri huúw ay dír afeenidár tsee/a ar Doó Mungú. Didaádae kutuwoó ninákw oo mibeeri tám oo koo/idá' gaa tsee/aá wa harweer i deer, nee dír geeraá kutuwaywihe afeenír taa tlaa/ér tleéhh i deer.

ESEKIELI 40:44

Tsee/aá loohidár baraá guruú do'o kutuwoó daauuse i deer oo baraá matla/angwduú baraá do'. Kutuwír wák i bihhaá afkú /iya i baskú ge/eér, kutuwír hatlá' i bihhaá afkú da/aáw i /iikú ga/eér.

ESEKIELI 41:4

Kutuwidá' gari qoomeés, bihhe sleémeero i alqoón, bihheerós a miíta mibaangw. Kutuwirí i geeraá didá' hhoohhoo'. Aluuwo aníng iri báy, «Diirí an didá' ló'wa hhoohhoo'.»

TLAHHOÓ LAÁWI 16:2

Guna báy, «Hhiyaawók ádbaweek, umuúqo qoomaaro miwa daráh didá' hhoohhoo', ar alaá inqwaaridá' do' gwaa tla/a qasis, dír geeraá kitángw gurtleemu, kuduú gawaá sandakmoó alqado, as kahhó' miwa gwaá'. Asma aníng ti geehhooeés ar baraá huunki gawaá kitangwdú gurtleemuú wa ale.

FAARO 7:89

Qoomár Mose iwa dáh baraá heémár Mungú as tawa axweesi nee AAKOÓ MUNGÚ, afo gana axaás bihhaá gawa awa kitangwduú gurtleemu, kuduú gawaá sandakmooduú alqado baraá tla/ángw slaqsi'iidá' tsár awa keruúbi. AAKOÓ MUNGÚ iri didá' wa axweés nee Mose.