1 WAAWITÁ 5:7 - Biblía Axweesantá Hhohho' ar Mungú 2004

⁷ Hiramu /aymi'iidaá Solomon ngiwa axaás ina ló'wa qwalaá/, iri oó', «AAKOÓ MUNGÚ laarí i xirfuuti, kwí Daudi gwaa garmoó sagalooár koóm i haniis gawaá daanduú múk yaariír kwihe.»

1 WAAWITÁ 5:7 Iomraidhean Croise

IIMU/UUNGW 33:5

Iri malé qaytsiít, naxés /ameena nee na/ii giri ár, iri ilawaáts, guri yaahaás, «Mukwí nee kuúng ti koomá' a ín heemá?» Inós iri oó', «A na/iidá' Mungú naa haniís dír sagadiyusmoowók ar qeemuuwós.»

1 WAAWITÁ 1:48

Iri firín iri oó', ‹AAKOÓ MUNGÚ, Munguú Israeli i xirfuti, kwí laarí garmaaeé' gwaa gawaá kitangw'eé' kuduú waawuti'iimárí iwitiis, nee ilaa'aá kilae tí aga ár.› »

1 WAAWITÁ 10:9

I xirfuuti AAKOÓ MUNGÚ, Munguúwók kudá' gaa slaa' kuúng uwa qaasi waawutmoó múk Israeli wa alé. Asma AAKOÓ MUNGÚ múk Israeli gwaa ló'wa slaá' ay alhhe'eesay wasle, hám kuúng ugwa waawutmoó wa qaás, as kwasleemár ganaa' kawa tlehhit, nee hotaá ganaa'á' kiwa ar hot.»

1 WAAWITÁ 3:9

Gawaá adoorihe, anuú sagadiyusmoowók sagalooár i haniisáng as qaa/oó mukók nguwa tlaaq, muruú hhó' nee oo tlákw nguwa paraatl. Asma a heemá heé muruú mukók kwí yaariír gu aleesláw tlaquuwo?»

1 WAAWITÁ 4:7

Solomon múk urén oo geeraharuuse ngu kon a mibaá nee tsár baraá Israeliro. Mukwí a muruú /aymár waawutmo ngun huwahuwiyá' nee oo múk do'ose, umuú heewo har qoomár slahhángw wake muruú /ayma gun huwahuuw baraá kurko.

1 WAAWITÁ 5:6

Gám muu ya/aweek, sahhtár Lebanoni kingi tsati. Sagadiyuseerók a buú' ar adór ngiraqo oi, slám kuúng an qo xú' adór heé sahhta tlaquuwo ga xuú' adór múk Sidonír wa alé ir káhh.»

1 WAAWITÁ 5:8

Hiramu muu guri ya/aáw amór Solomon, kuwa bay, «Tidá' kuúng iwa i ya/abiín aga axaás, aníng umuúqo gár naa oi an tleéhh kángw sahhta nee xaa'aá ta bay beroshi.

WARA'AMI 137:6

Afkwe'eé' i tawaraaki, án kiíng bira gunqareés, bar Yerusalemu aga uráy haniisiiká, ta ak qwal/uueé' kudá' ure.

AXWEESANOÓ SAGALOOA 10:1

Axweesanaywuú sagalooa oo Solomon. Garmoó sagalooár koóm baabuúwós gu qwal/atimis, ala garmoó daktani aayoorós gan gurhaamírár gaas.

AXWEESANOÓ SAGALOOA 13:1

Garmoó sagaloó' gurbu'úngw baabuúwós gu axamiis, Ala garmoó gu niqiím naanaqa ga axamisiiká.

AXWEESANOÓ SAGALOOA 15:20

Garmoó sagaloó' baabuúwós gu qwal/atis, Ala daktani aayoorós gan kaángwí sí'.

AXWEESANOÓ SAGALOOA 23:24

Baabuú na/aywós hota ganaá' ku qwala/ úr, nee kudá' garmoó sagaloó' gwa xwayluy i qwalalaa/ as na/aydá'.

ISAYA 8:18

Ga/aaweek, aníng nee na/iiká' AAKOÓ MUNGÚ naa haniís a laya nee waa/oo/amo baraá Israeliwo ar amór AAKOÓ MUNGÚ Aleesleemusmoó daáhh, kudá' gawaá tloomár Siyonír hoót.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.