1 WAAWITÁ 5:12 - Biblía Axweesantá Hhohho' ar Mungú 2004

¹² AAKOÓ MUNGÚ Solomon guri sagalooárí haniís ar adoodá' ngira al'axweés. Solomon nee Hiramu tana waydúr hoót, inooín tsaraawo al'axweesani kari qaás.

1 WAAWITÁ 5:12 Iomraidhean Croise

IIMU/UUNGW 21:32

Al'axweesani kari dír Be'er-shebár wa axweés. Abimeleki nee Fikoli geeraharusmoó slaqwaruuseerós tari tláy, tari kií/ ay baraá yaamaá Filisti.

1 WAAWITÁ 15:19

«Qwaláng aníng nee kuúng al'axweesani a qaasaán adoodár baabi'iirén al'axweesani ngira qaasiyé'. Qaytsiít, aníng kuúng ugwa qeemuú peésa nee sahaábuwií ya/aáw. Gám tláw al'axweesantadá' taa qasé' nee waawutmo Ba'asha oo yaamaá Israeli warqeeseek, as daqaní slaqwarár amor'eé' ga máy.»

1 WAAWITÁ 3:12

gawaá adoorihe, ga/aaweek, adoodá' kuúng ta sla' ngi tleéhh, muunuú sagalooa nee fuquraangw ngi haniís, geeraawoge heé adór kuúng i kaahh, tam aluuwoge heé sihhiít oo adór kuúng ga áw i kaahh.

1 WAAWITÁ 4:29

Mungú Solomon guna sagalooárí haniís nee tsaahha nee xu'utír yaariir adór hhasángw afaá tlawi.

1 WAAWITÁ 5:13

Waawutmo Solomon múk Israeli oo kume mibeeri tám guna gadiyér gawít i sláy ar tawa bihhií noongo'ootiiká.

2 QOM'I 1:12

Aníng sagalooa nee xu'utiro ngi haniís, nee aníng sleeme daqaari'iimár ur ngi haniís, nee diihhooaro, nee ilaiwa/amér ur tidá' handá' waawutmoó geerawoge gaa slay i kaahh, laqaá oo sleeme aluuwoge ga sangw sláw i kaahh.»

WARA'AMI 127:1

AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

AXWEESANOÓ SAGALOOA 1:1

Kaangwí an axweesanoó sagalooa oo Solomon garmoó Daudi, waawutmoó múk Israeli.

DAHARUSMO 12:9

Daharusmoodá' dinkwa nee sagalooár i kona inós muu guna intsaahhatimís xu'utiro. Inós axweesantá sagalooa ar yaariir gana alqaytsimiít nee gari aldakuút, nee gari qoomeemeés ar magahhto.

DAA'AANGW 1:1

Kaangwí a Daa'ángw úr oo sla'aari oo Solomon.

AMOS 1:9

AAKOÓ MUNGÚ i kaahi, «Aníng múk Tiro u mawaaka muxtaaro asma tlakweema ngiwa tlehhaahhitiyé'. Asma inooín xooro sleémeero ngina ar tlayé' ngiri haniisiyé' dír xoorór Edomu. Inooín alqadoodár hhae ngaa inslay'iiká.

Yakobo 1:5

Ala baraá tla/angwhunge hee barnaxes sagalooa gwa wa /aaruúr, gár kuwa hariím a Mungú gun firín, kudá' muu sleémeero gu tsuuqaá i hanmiís ar yaareema, slám i gahhamiitiiká. Inós sagalooa ngi haniis.