1 WAAWITÁ 5:1 - Biblía Axweesantá Hhohho' ar Mungú 2004

¹ Aluuwo Hiramu waawutmoó Tiro sagadiyuseerós gari ya/aáw amór Solomon, asma gana axaás adór kura iimbalaáx tawa waawutmo kitángw baabuúwose. Asma Hiramu Daudi guna slaá' deelo sleémeero.

1 WAAWITÁ 5:1 Iomraidhean Croise

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

2 SAMUELI 5:11

Naagáy waawutmo Hiramu oo Tiro, muu guna ya/aáw amór Daudi, xaa'aá mieresi kina huúw, nee múk gadiyér peehháy nee oo maraay tlehhit, as doó waawutmo kuwa tleehhi.

2 SAMUELI 8:10

garmaawós Yoram guri ya/aáw nguwa taaqweesár ay, nee nguwa warahaasi asma adoodá' nee Hadadeseri tawa slaáqw nee guri baál. As ki/imaá yaariire Hadadeseri nee Toi ta slaqwaqún, Yoram qeemuú Daudi guri huúw, xosludá' taa tleéhh ar muqslár peésa, nee sahaábuwo nee muqsladá' sirdaa/atene.

1 WAAWITÁ 10:25

Umuú heewo qeemu nguri huúw oo xooslár taa tleéhh ar peésa nee sahaábu nee tlaba' nee manemáne nee mooyaangw nee faras nee wayshama', umuú kurko Solomon qeemuuwí guna ilaaohín.

1 WAAWITÁ 5:10

Hiramu Solomon guri xaai sláy awa sahhta nee awa miberoshi adór inós ngira slaá'.

1 WAAWITÁ 5:13

Waawutmo Solomon múk Israeli oo kume mibeeri tám guna gadiyér gawít i sláy ar tawa bihhií noongo'ootiiká.

1 QOM'I 14:1

Waawutmo Hiramu oo Tiro afo gana ya/aáw amór Daudi alé dinkwa nee xaa'aá sahhta, nee múk maraay tlehhit nee múk peehháy dakut, as doó waawutmo kuwa tleehhi.

2 QOM'I 17:11

Múk Filisti qeemuú yaariír nguna huwiyé' nee ohmér peesaaro dír Yehoshafati. Múk Ma/araábu bee/ángw kume faanqw nee tsiire faanqw nee gurtaawér kumér faanqw nee tsiire faanqw ngina huwiyé'.

2 QOM'I 2:3

Solomon afo gari haniís amór waawutmo Hiramu oo Tiro, ar iwa kaahi, «Adoodá' taa baabuúeé' Daudi tléhh kuwa sahhtaárí weerís qoomár iwa tlehhiti, gimáy adoodá' aníng i tleehhang.

2 QOM'I 9:26

Inós waawitá sleémeero guna sawaawuti'ín iimír yaaér Eufrate ay yaamaá múk Filisti ay digmuú yaamaá Misri.

ESRA 4:20

Slám waawituú aleesleemuú koóm baraá Yerusalemu ngina hootiyé', inooín yaamaá gayuú /uwa yaaér Eufratero ngina sawaawuti'iné', nee ohme sleémeero ngina ohiné'.

WARA'AMI 45:12

Múk yaamaá Tiro ilahhooar'ín ngi huuw, daqaare ila' giri dirók i hhe'eemís.

WARA'AMI 72:8

Inós aleesleemu ngu kon bihhér yaamu sleémeero, iimír yaaeedá' ur ar ta babay Eufrate ay alhhe'eesoó yaamu.

WARA'AMI 80:12

Asma milá koo/irós masa fe/é', mukdá' sleémeero waraáhh ar baraá loohi guri bu'ún?

TI'INAANGW 34:24

Asma aníng xoordu in guús geeraahúng wa ale, nee digeemaá ayaahúng i bihheérí uuruúx, nee slám heé yaamuuhúng gi ilaatleeruús i kaahh qoomár kuungá' birna geeraá AAKOÓ MUNGÚ Munguúhúngí hardaté' ki/ima tám baraá kurko.

ISAYA 23:1

Kaangwí a iigu'utuú Mungú aa laqán daanduú Tiroro. Kuungaásá múk Tarshishi awa baraá tlawtár hi'iimamitá' tsuunqumisé', asma gixsár Tiro kaa hhaamiís tam maraydaá afaá tlawi i kahhiyá'. Bál bar naa ki/é' Kuprór wa ale, kaangwí u axasá'.

ESEKIELI 19:11

Haleemoowós i ló'wa /uuruú koná' adór hhartá waawuti'iima. Xa'anoowí oo sabiíbu ina ló'wa uráy ta xaa'aá hatlae. Yaangareemaaká' muu gina ló'wa xirfayeemiís nee haleemiiwós kudá' yaariire.

AMOS 1:9

AAKOÓ MUNGÚ i kaahi, «Aníng múk Tiro u mawaaka muxtaaro asma tlakweema ngiwa tlehhaahhitiyé'. Asma inooín xooro sleémeero ngina ar tlayé' ngiri haniisiyé' dír xoorór Edomu. Inooín alqadoodár hhae ngaa inslay'iiká.

FAARO 24:7

Ma'aá bu'uutá' awa /ooma'aaká kin sláy, dahaasingw'ín ma'aá yaariir gi sláy. Waawutmooín ku úr ta Agagiwo, nee waawuti'iimarós iri kángw kilá' wa iia tleeruúr.

Luka 7:5

asma xooroorén ga ló'wa slaa'. Nee inós a kudá' atén taa doó saalíngwí tleehh.»

DABE 20:11

Barnaxes yaamuuloouusér gixsadá' wayda gu sla', nee dabaaín ngaa hanís, daqaní múk baraadií dirií' sleémeero kuungá' nu sagadiyuus, nee gadiyeedaá kiwa /uurutimiisi ngi tlehhiitiyá'.

1 SAMUELI 10:27

Ala mukko amoowásl tari káh, «Xáy, kwí adór tir ba/amisi?» Inooín kuri waaqaá' tam qeemuú kway huúw i kaahh. Ala inós gaa gaárí xuiiká.