1 WAAWITÁ 4:21 - Biblía Axweesantá Hhohho' ar Mungú 2004

²¹ Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

1 WAAWITÁ 4:21 Iomraidhean Croise

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

1 WAAWITÁ 12:4

«Baabuúwók atén tina huwár iiloó' i tsa/aás, hamí ti tu/ gadiyeérí gawit nee huwaaká' iilooe baabuúwók naa ateéní tsa/aás /aareseek, daqaní atén kuúng u sagadiyusaán.»

1 WAAWITÁ 3:13

Hám sleeme muruudá' taa firiindiiká ngu haniís, daqaari'iima nee ilaiwa/ameero, gawaá adoorihe waawutmoó nee kuúng alqoomá' i kakaahh baraá hotaawoge.

1 WAAWITÁ 4:22

Muruú /aymár looár wák oo doó Solomon a darami'i mibeeri tám awa puuruú hhohhó' nee puuruú hatlá' darami'i mibeeri lahhoó'.

1 WAAWITÁ 4:24

Asma inós ina waawuti'ín daanduú yaamu sleémeero, iimír bihhaá /uwa awa yaaér Eufrate, nee Tifsa wa tleemu ay Gasa, waawitá sleémeero kuduú bihhaá /uwa yaaér Eufrateero guna sawaawuti'ín. Inós nee xoordu sleémeero kudaá inslawaay tana hoót ar wayda.

2 WAAWITÁ 17:3

Waawutmo Shalmanesa oo Ashuru guna i haraatláy, Hoshea iri sagadiyusmoó Shalmanesa tleehhiít, ohme gari hanmiís.

2 QOM'I 17:5

Gawaá adoorihe AAKOÓ MUNGÚ waawuti'iimár Yehoshafati gari gawdeés daanduú yaamaá Yudawo, nee muu sleémeero ohme gari huúw dirós i alé, iri daqaari'iít iri iia tleerúy.

2 QOM'I 32:23

Múk yaariír AAKOÓ MUNGÚ ngway sluufáy huúw baraá Yerusalemu, tam sleeme qeemuú yaariír kway huúw dír waawutmo Hesekia. Iimír qoomaadae waawutmo Hesekia kuri ló'wa xirfayeemiís nee xoordaá hatlá' sleémeero.

ESRA 4:20

Slám waawituú aleesleemuú koóm baraá Yerusalemu ngina hootiyé', inooín yaamaá gayuú /uwa yaaér Eufratero ngina sawaawuti'iné', nee ohme sleémeero ngina ohiné'.

WARA'AMI 68:29

Waawitá u qeemií huuw, as Do'ók kudá' hhoohhoó' oo baraá Yerusalemu.

WARA'AMI 76:11

Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

TI'INAANGW 23:31

Digmuú yaamuuhúng a iimír tlawtá Shamúr wa tleemu ay tlawtá Mediteranea, iimír xaanxáy wa tleemu ay yaaér Eufrate. Asma yaamuloouusér yaamuuká' ngi gawaá dabaahúng i qaás nee kuungá' kiri tlatlahhasá'.

DAHARUSMO 2:25

Asma Mungú bir kaahh, heé /ayma ga asláw laqaá oo ti kilós qwal/atís a heemá?

WA/AA/I 1:1

Gixsarí geeraawo muko haats, adór ira kilós mét. Tidá' geeraawo ur baraá xoorduuwo, adór ira kwaali'ít. Inósadár dasír waawutmo baraá tla/ángw gixsaduuwo, adór ira adór kwaalo'o tleehhít.

ESEKIELI 16:13

Naagáy tari ló'wa hhoohhoouúr as parootír sahaábu nee peésa. Tlabaawók tari awa neewór kitaánír hhohho' nee hariíri, slám kaa mardaádír i tleéhh. Muruú /aymarók gár kur qamiin a puuruú hhohhó', danú una /ák, nee muruú /aymarók un di/tí qamiín. Tari parootuso'o ló'wa ale adór waawuto'o.

DABE 11:24

Umuú dír ta adata' ya'ahunge a yaamuuhúng, iimu/úngw digimuú yaamuuhúng a iimír xaanxáy wa tleemu bihhaá basko, tay bihhaá tloomár Lebanoni bihhaá /iiko, iimír yaaér Eufrate wa tleemu bihhaá da/aawe, ay Tlawtá Tla/aangw bihhaá /uwawo.

YOSHUA 1:4

Digeemihúng bihhaá basko a iimír xaanxaywí wa tleemu bihhaá /iiko ay tlom'aá Lebanoni, bihhaá da/aawe ay yaaeedá' ur ar Eufrate, yaamaá múk Hiti sleémeero, bihhaá /uwaawo harki/isayhúng ay Tlawtá Tla/aangw.

1 SAMUELI 10:27

Ala mukko amoowásl tari káh, «Xáy, kwí adór tir ba/amisi?» Inooín kuri waaqaá' tam qeemuú kway huúw i kaahh. Ala inós gaa gaárí xuiiká.