1 WAAWITÁ 3:6 - Biblía Axweesantá Hhohho' ar Mungú 2004

⁶ Solomon iri oó', «Kuúng sla'aarirók ar warqawaaká ana tléhh dír sagadiyusmoowók Daudi, baabuúeé', asma inós ina hoót dirók wa ale ar inkihhimu nee ar hotaá ganaa'á' nee ar daanqamis, kuúng una hootís ar sla'aarirók ar warqawaaká, hám daxta garmaawós kuri iwiitís gawaá kitaangós kuduú waawuti'iima.

1 WAAWITÁ 3:6 Iomraidhean Croise

IIMU/UUNGW 24:40

Ala inós iri oó', «AAKOÓ MUNGUÚDÁ' aní geeraharahaár baraá slafingw'eene, malaykamoowós ngu ya/aaw as nee kuúng tiwa koonda' nee uwa alee/iisi baraá aaiiwoge, kuúng garmaaeé' ngu harér i sleér baraá múk tlahhay'eé' wa alé, nee baraá guruú doó baabuúeé'.

2 SAMUELI 22:21

«AAKOÓ MUNGÚ ina qáy ar hariímár gan'amuueé', ina amohhe'eemiís as aníng tiwa daba' hhohhó'.

2 SAMUELI 22:25

AAKOÓ MUNGÚ iga amohhe'eemiís ar har qoomoó gan'amuueé', inós hhohhoaarir'eé' ga xuu'.

2 SAMUELI 7:5

«Tláw, sagadiyusmooeé' Daudi kaangwí baweek, AAKOÓ MUNGÚ i kaahi, ‹Xáy kuúng doó aníng ni hoot uqo tléhha?

1 WAAWITÁ 1:48

Iri firín iri oó', ‹AAKOÓ MUNGÚ, Munguú Israeli i xirfuti, kwí laarí garmaaeé' gwaa gawaá kitangw'eé' kuduú waawuti'iimárí iwitiis, nee ilaa'aá kilae tí aga ár.› »

1 WAAWITÁ 15:5

AAKOÓ MUNGÚ adoorí gana tleéhh asma Daudi gan'amu guna tleéhh, nee hara'ayár Mungú gaa baloó iiawaslesiiká baraá hotaangós sleémeerowo, aqo har dakuúsadá' aa tleéhh ar Uria heé Hiti.

1 WAAWITÁ 2:4

as AAKOÓ MUNGÚ al'axweesantós ngiwa boo/eesi, /aymuuwós kudá' naa oó' daanduueene tidá' iwa oó', ‹Barnaxes daaqaywók birta harmaagaáhh baraá hotaaine, tawa dir'eé' wa hooti ar inkihhimu, ar muner'ín sleémeero nee qeeruuín sleémeero, daqaní kuúng hee u baloó dakuská oo iwiít baraá kitángw waawuti'iimár múk Israeli.›

1 WAAWITÁ 3:14

Kuúng kangw'eé' bar ugwa ya/aán nee kaahir'eé' kari ót, nee hara'ayar'eene adór baabuúwók Daudi ira hoót, daqaní án slafiingók ngu tleereés.»

1 WAAWITÁ 9:4

Nee kuúng bar aga hót dir'eé' wa alé, ar adoodár baabuúwók Daudi, ar muunuú ganaá', nee adór qoom, nee tidá' sleémeero án kuúng ugwa báw kari ót, nee kaahir'eé' kari ót, nee axweesantaeene,

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

2 QOM'I 1:8

Solomon Mungú guri báy, «Kuúng daqisleém sla'aarír ur ar warqawaaká aga laqaán dír baabuúeé' Daudi, nee hamí aníng iga qás kitaangós wa alé as tawa waawutmo.

WARA'AMI 116:7

Muunaáeé', daxta aa yaandahhe'eés, asma AAKOÓ MUNGÚ iga hhooeemaáy tleéhh.

WARA'AMI 119:17

Anuú sagadiyusmoowók hhooeemáy tleehháng, As kahhó' niwa hoot nee axweesantók ngiwa oh.

WARA'AMI 13:6

AAKOÓ MUNGÚ, án kuúng u i daá' asma kuúng iga hhooeemaá i tlehhaahhít.

WARA'AMI 15:2

Aqo har kudá' daba' hhohhó', nee hota ganaá', kudá' looeemaá baraá muunaáwós ngi axweés.

FAARO 12:7

Ala daanduú sagadiyusmooeé' Mosewo a adooriheeká. Inós ku inkihhím baraá dooeé' sleémeero.

2 korinto 9:11

Mungú kuungá' nu daqaari'iitis, as kuungá' ar yaariir kawa aleesleera' haniisaro ar baraá umuúqo loohiro. Gawaá adoorihe múk yaariír Mungú guri sluufmiis as gadiyeérí taa tleehhaán.

2 korinto 9:5

Gawaá adoorihe aníng ana ár, a gár afhhamít hhaeeká' ngiwa firiim iwa giirina' hardahamu amorhunge, as alee/isaywí kuwa amohhe'esa', kudá' kuungá' naa qaroó al'axwesé' haniisaro. Asma alee/isayhúng barnaxes ngwa qaroó amohhe'esé' qoomár án binda hardáh, gár i laqaqaan a kuungá' kiloohúng ana slaé' kawa hanisa', nee a qahaángwár hanmisa'aaká.