1 WAAWITÁ 3:12 - Biblía Axweesantá Hhohho' ar Mungú 2004

¹² gawaá adoorihe, ga/aaweek, adoodá' kuúng ta sla' ngi tleéhh, muunuú sagalooa nee fuquraangw ngi haniís, geeraawoge heé adór kuúng i kaahh, tam aluuwoge heé sihhiít oo adór kuúng ga áw i kaahh.

1 WAAWITÁ 3:12 Iomraidhean Croise

1 WAAWITÁ 2:6

Gám daxta adoodá' sagalooarók i diri' na tleehheek, inós se'eemír /awaak mingiwa dán nee miwa gwaá' ar wayda.

1 WAAWITÁ 2:9

Gawaá adoorihe, inós mu mawaar, asma kuúng a heé sagalooár koóm, kuúng gár inós kuwa hariím a xú', inós tam saga al/awtanto mu iwa/aar, gaaseek tam aa dini.»

1 WAAWITÁ 3:28

Múk Israeli sleémeero kángw kwasleemarír waawutmo aa tsaát, kuri axaás, inós kuri ló'wa daimiít, asma adór sagalooár Mungú ir baraawós kana ár, asma qaa/aay nguwa tlaaqi ar gan'amu.

1 WAAWITÁ 5:12

AAKOÓ MUNGÚ Solomon guri sagalooárí haniís ar adoodá' ngira al'axweés. Solomon nee Hiramu tana waydúr hoót, inooín tsaraawo al'axweesani kari qaás.

1 WAAWITÁ 5:9

Sagadiyuuser'eé' xaaidá' ngi aweerís gawaá Lebanonír wa ale ay baraá tlawi, aníng ngi gan'aás ar baraá ma'aay, birka dinkwárí tseék ay didá' kuúng naa ó'. Didaádae in gweér, daqaní ki ilaaót. Ala aníng gár ni dirógí slaa' a muruú /aymár dooeé' ngun sleér.»

1 QOM'I 29:25

AAKOÓ MUNGÚ Solomon gway iia tleereés ta waawituú hatlá' aa giirin ba/a baraá yaamaá Israeliro, gway diihhooárií haniís waawituú hatlá' ba/a kudá' tlahh'aá Israeli gaa sawaawuti'ini.

2 QOM'I 2:12

Hiramu iri malé oó', «AAKOÓ MUNGÚ i xirfuuti, Munguú múk Israeli, kudá' doori nee yaamu gaa tleehh. Inós waawutmo Daudi gwaa garmoó sagalooár koóm haniís, nee dahar, nee tsaahharo, as AAKOÓ MUNGÚ nguwa dó' i tleehhi nee do'ós oo waawuti'iima nguwa tleehhi sleeme.

NEHEMIA 13:26

Xáy Solomon aa dakuusikáhe as /ameenár adór tí? Inós a waawutmoó úr ta waawituú xoorduuwo slám Munguúwós gwaa slaá', Mungú guri waawutmoó Israeli wa qaás, ala tam adoorihe /ameenadár xoordaá hatlá' guri tlakweemár eér.

WARA'AMI 10:17

AAKOÓ MUNGÚ, /aa/aá heé tsá' iga axás, kuri iiárií qás, kuri gurkwa/ás.

AXWEESANOÓ SAGALOOA 2:6

Asma AAKOÓ MUNGÚ sagalooa gan hanmiis, baraá afkose gár ti'imiit a xu'uti nee tsaahha.

DAHARUSMO 1:13

Aníng baraá inslaway'eene mura' sleémeero oo ta tlehhiiti baraá daanduú yaamuwo una alqaytsiít, ngiri aldaákw ar sagalooa. Naxés Mungú wayaqamuú yaariír guna haniís dír muu, as inooín tawa hooti ar wayaqamu.

DAHARUSMO 1:16

Aníng ana baraeéní oó', «Aníng sagalooár yaariir aga sláw, waawitá sleémeero kudá' aa giirin baraá Yerusalemuro ba/a, eeít, aníng aga intsahhaám baraá sagalooa nee xu'utiro.»

ISAYA 65:24

Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

DANIELI 1:17

Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

Matayo 12:42

Bál deelór sakwasleemaro waawuto'ór basa i sihhít dinkwa nee múk de'emaaká', nee inós gin sakwasleemút as tlakweemaaín. Asma inós amór saaw ngina wa tleér, as sagalooár Solomon ngiwa axaasár eer. Ala diirihe heé úr i deer oo Solomon gu baá/.»

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

DABE 34:9

Yoshua garmoó Nuni i haats qeeruú sagalooaro, asma Mose guna dákwí qaás. Gawaá adoorihe, múk Israeli Yoshua guri ilaiwawaá/, nee hara'ayaadár AAKOÓ MUNGÚ tidá' aa Mósé hara'ayín, ngiri eehariyé'.

Kolosai 2:3

Sagalooár Mungú sleémeero nee xu'utirós sleémeero i baraá Kristo i dirí'.