1 WAAWITÁ 3:1 - Biblía Axweesantá Hhohho' ar Mungú 2004

¹ Solomon nee Farao waawutmoó Misri mar'afi kana sláy as dasír waawutmoó Misri ngiwa duúx, gari huúw baraá gixsár Daudi, ay qoomár do'ós nguwa hhe'eés tleehhamooro, nee Doó AAKOÓ MUNGUHE, nee koo/ír Yerusalemu ngiwa harweér.

1 WAAWITÁ 3:1 Iomraidhean Croise

2 SAMUELI 5:7

Tam adoorihe, waawutmo Daudi gixsár Siyoni gana hayóh tidá' taa harweér ar koo/ír gawit, tari gixsár Daudi.

1 WAAWITÁ 11:1

Waawutmo Solomon /ameenár xoordaá hatlá' gari sla'atír áy. Dasír Farao gana duúx, nee /ameenár múk Moabu, nee ar múk Amoni nee ar múk Edomu, nee ar múk Sidoni nee ar múk Hiti.

1 WAAWITÁ 2:10

Aluuwo Daudi iri gwaá', kuri foól baraá gixsár Daudi.

1 WAAWITÁ 6:1

Kurkú tsiire tsiyáhh nee mibeeri dakaát alaá múk Israeli niwa yaamaá Misrír wa ti'iít, kurkú tsiyáhh oo waawuti'iimár Solomonuwo daanduú Israeliwo, slahhángw tsár oo ta babay slahhángw Sifu, Solomon Doó AAKOÓ MUNGÚ guna iimu/ún tlehhmuuwo.

1 WAAWITÁ 7:1

Solomon do'ós guna tleéhh har kureeraá mibaá nee tame, do' sleémeerowo guri hhe'eés.

1 WAAWITÁ 7:8

Do'ós oo iwa hooti i dír hatlá' baraá do'o, alaá doó kwasleema. Uraywo aqo adór doó kwasleema, slám doó dasír Farao guna baraadá' i tleéhh, tí a tidá' Solomon aa duúx.

1 WAAWITÁ 9:1

Qoomár Solomon Doó AAKOÓ MUNGÚ nee doó waawutmo ngiwa hhe'eés tlehhmuuwo, nee muruú hatlá' aa slaá' tleehhamooro,

1 WAAWITÁ 9:10

Kureeraá mibeeraá tsár niwa waaraahhiyé', iimír Solomon maraydá' tsár ngiwa tleéhh, Doó AAKOÓ MUNGÚ nee doó waawutmowo,

1 WAAWITÁ 9:24

Aluudae dasír Farao iri lót amór gixsár Daudi wa ale ay amór do'ós kudá' Solomon aa tleéhh, Solomon koo/ír gawit ar Milo gari tleéhh.

1 QOM'I 11:7

Daudi iri hotaá áy baraadaá gixsár koo/i gawit, gawaá adoorihe didá' kay báy, «Gixsár Daudi.»

2 QOM'I 18:1

Qoomár waawutmo Yehoshafati iwa daqaari'iít nee iwa iia tleerúy, inós garmaawós guna duuxutís ar dasír doó Ahabu, waawutmoó Israeli.

2 QOM'I 8:11

Solomon hareerós, dasír waawutmo Farao, gana loohatís gixsár Daudi wa ale, gari huúw baraá do'odá' aa tleéhh as inós. Asma inós ina oó', «Harer'eé' i baraá doó waawutmo Daudi wa hotká, waawutmoó Israeli, asma didá' sandakmoó alqadór AAKOÓ MUNGÚ i dirii'i ka hhoohhoo'.»

ESRA 5:11

«Inooín gár atén taa bayé' a tí, ‹Atén a sagadiyuusér Munguú doori nee yaamu, aten do'duú aáng oo kureeraá yaariir, kudá' taa tleéhh nee waawutmoó ur oo Israeli, atén hamí un /abeemisaán.

ESRA 9:14

Xáy hara'ayaarók an mawaána tiri duxuutaán nee múk muruudá' ta waki gu tlehhahhiít, xáy, kuúng a buhhkáhe as atén tiri qwaarés tam heé meét iri kaahh?

DABE 23:8

Xwaylar'ín ar sagaáwa tám tam i ya/aán kawa dahaasi baraá dinku'uumár múk AAKOÓ MUNGÚ.