1 WAAWITÁ 21:4 - Biblía Axweesantá Hhohho' ar Mungú 2004

⁴ Ahabu iri waátl ar mune nee gurhaamír yaariir, as Naboti yaamuloousmoó Yesreeli nguwa báy aalirós ga baloó hanisiiká. Ahabu iri qaát gawaá qatanirós, sagós guri tuuntuúk, muruú /aymaaro iri muunuút.

1 WAAWITÁ 21:4 Iomraidhean Croise

2 SAMUELI 13:2

Amnoni ina slahhahhaá' baraawose kángw kilá' wa ale, tam tiri tiqtusmoó ilaqaás, asma hho'oorós Tamari ngiwa slai, inós aa fuquská, nee a gár geehhoo' ar ya/aamaaká Amnoni ngiwa gaárí tleehhi.

2 SAMUELI 13:4

Yonadabu Amnoni guri báy, «Kuúng a na/oó waawutmo. Gaa a milá masa slaqwa tlakuúr? Án kuúng uwa ga/aw a heé qwala/ wásl umuú siiwaro. Ahaá waáy, kangwsíng musungu o'ká dir'eé'.» Amnoni iri oó', «Tamari aga waatlakweés, hho'ór hhiyaaeé' Absalomu.»

1 WAAWITÁ 20:43

Naagáy waawutmoó Israeli iri waátl amór do'ós Samaria, muuna gwa gaás, slám ina ló'wa gurhamuút.

1 WAAWITÁ 21:1

Naboti a yaamuloousmoó Yesre'eli, inós qaymór sabiíbu ga kón amoodár Yesre'eliro. Qaymoorós i bihhaá doó Ahabu, waawutmoó Samaria.

1 WAAWITÁ 21:3

Ala Naboti iri oó', «Aalír baabi'iieé' naa haniisiyé' ngiwa kuúngí haniis, AAKOÓ MUNGÚ ngi amór saáwí pa/asi.»

1 WAAWITÁ 21:5

Hareerós Yesebeli guri i daqeér guri beér, «Ahaá waáy ma gurhaamút, baré sleeme /ayma aga meér?»

ESTA 5:13

Ala tí sleémeero gár iwa bu' a milá, bar Mordekai heé Yahudi in afkú doó waawutmoó wa iwaawiit?»

YOBU 5:2

Ar tsuwa ló' heé daktani daawitame gu gás, nee heé baraawásl da/i gu hhaamís.

DAHARUSMO 6:9

Gár hhoo' alók an bu'út ar muruú ta koon ta tawa daawimita as ilatleerír muruú hatlá', gaarí a tawór huwisha, nee a adór heé fur'a gaa alta'aain.

YONA 4:1

Ala Yona adoodá' gwa sla'tiská, iri buúhh ló'wa ale.

YONA 4:4

AAKOÓ MUNGÚ Yona guri báy, «Xáy, gár tas buhhaabuhh? Xáy, i ganá'a kuúng tawa buhhaabuhh?»

YONA 4:8

Qoomár tsee/amá iwa ló'wa gwa/aát, Mungú fur'ár da/aá daahh gari ya/aáw ar ló'wa fukuukuu'. Tsee/amá iri ló'wa gwa/aát gawaá ságw Yona. Yona iri /ara/eeriít, tam gwa'ara gari fitlín, iri oó', «A tsiní bara gwaá' ta niwa slafa.»

YONA 4:9

Mungú guri báy, «Xáy, gár tas buhhaabuhh as si'ito'oorí i deéro?» Yona iri oó', «Eeít, gár nis buhhaabuuhh i deer, tam ay gwa'ara.»

Efeso 4:27

Neetlaangw pa/aangw ir baraahúngií dahi munguwa sláy.

Yakobo 1:14

Ala umuúqo heewo kun iiara'ar nee ilatleerirós ar kilá', tidá' tlakw, kun uuruxún nee kun al/agín.

1 SAMUELI 28:23

Ala Saulo ina sií' iri oó', «A /ayimaaká.» Ala /ameenidá' nee sagadiyuusero kuri harhhehhe'eés as iwa /ayin, inós giri iiárií qaás, niri yaamuú wa sihhiít iri iwiít gawaá qatani.