1 WAAWITÁ 21:2 - Biblía Axweesantá Hhohho' ar Mungú 2004

² Kár looarka wake Ahabu Naboti guri báy, «Qaymoorók tisíng ar sabiíbu haniisang, aníng a qaymor'eé' ar naanú tleéhh, asma ka tseew bihhaá dooeé' i aleeró. Qaymór hatlá' ar hhoohhoo' tók ngi amór hatlá' wa sláw, laqaá bar peésa an slá' ngi haniís.»

1 WAAWITÁ 21:2 Iomraidhean Croise

IIMU/UUNGW 16:6

Ala Abramu Sarai gari báy, «Ga/aaweek, sagadiyuso'oorók i dabaawók, tidá' hhoo' dír ilawoge ti tlehh.» Sarai gari ló'wa baramaaús, iri tlatláhh dír geeraawose.

IIMU/UUNGW 3:6

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

1 WAAWITÁ 21:3

Ala Naboti iri oó', «Aalír baabi'iieé' naa haniisiyé' ngiwa kuúngí haniis, AAKOÓ MUNGÚ ngi amór saáwí pa/asi.»

1 WAAWITÁ 21:6

Inós iri oó', «Asma aníng Naboti heé Yesre'eli una báw, ‹Qaymoosíng ar sabiíbu dir'eé' ni weerisang, laqaá qaymór hatlá' ngi haniís kitaangós wa ale.› Ala inós iri báy, ‹Qaymor'eé' ar sabiíbu ngi hanisaaká.› »

2 WAAWITÁ 9:27

Waawutmo Ahasia oo Yuda ngiwa ár, tidá' aa tleehharut iri goów amór gixsár Bet-hagan, amooqae kungu alkón nee Yehu. Yehu mukós guri báy, «Inós sleeme tsaxaaraak.» Inooín nguri gaárirós i tsaxaariyé', qoomár iwa dír waatsarár loohír Gurír kaw, nee iisaapoó gixsár Ibleamu. Iri kumiít ti'iingo iri Megido i gwa'arár áy.

TI'INAANGW 20:17

«Doó inslaawmoowók mu ilatleerusaar. Harér inslaawmoowók ma ilatleerusaar, laqaá lawaalmoowós, laqaá lawaalo'oorós, laqaá sleerós, laqaá daqwaywós, laqaá umuúqo gár i kona.»

DAHARUSMO 2:5

Asalmo una doósl, xaa'aá mamaá dimbadiimbé ina dahaás.

DAA'AANGW 4:15

Kiíng a adór asalmoó kutltá koóm, nee adór hhalángw ma'aá slafá', ya'aá wa/amimá' awa Lebanonír dahhá'.

YEREMIA 22:17

Ala kuúng ilaawók nee muunaáwoge in tlam/aán baraá slaasláwár hariimaaká. Múk dakuús wásl una tsú/, muu kuri baramaanús nee kuri /aytiín ar gurtleemu wasle.

Luka 12:15

Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

DABE 11:10

Asma yaamuudá' ti hotaá eera' a adór yaamaá Misriroká, kudá' ta dahha', kudá' handá' balaangw una dahaasiindé', nee ma'aay kiri wa/amisé' ar ya'aahúng adór asalmoó naanú.

DABE 5:21

«Harér inslaawmoowók ma ilatleerusaar, laqaá doó inslaawmoowók mu ilatleerusaar, laqaá qaymoorós, laqaá lawaalmoowós, laqaá lawaalo'oorós, laqaá sleerós, laqaá daqwaywós, laqaá umuúqo gár inslaawmoowók i kona.

1 Timoteo 6:9

Ala múk daqaari'iimár leelehhiít, inooín ta dah baraá iiara'at, kuri uhín nee tsaaxwel, asma ilatleerír yaariir ar tlakw nee ar daktu'uuma. Ilatleerirí muu gu /aytís baraá hhitiru'uuma nee qwanaay.

1 SAMUELI 29:6

Akishi Daudi guri ateét, guri báy, «Kuúng a heé inkihhím dir'eene tam AAKOÓ MUNGÚ kudá' slaáf ga xuu', amór barte'eene gár hhoo' a tin koomaán baraá slaqwara, asma gár tlaakw ar naa ár i káhh, iimír bál kuúng niwa amor'eé' hardát ay laarí. Tam adoorihe geeraharuuse muner'ín aa ya/aandiiká gawaawoge.

1 SAMUELI 8:14

Yaamuuhúng awa wahhaará' gin hayoh, nee qamuuhúng awa sabiíbuwo, nee seituúnirhúng tidá' hhoe, gari haniis dír sagadiyuuseerós.

1 SAMUELI 8:6

Ala axweesantír xoorór Israeli iwa waawutmoó iinus Samueli guri gurboo/és, Samueli AAKOÓ MUNGÚ guri firór áy.