1 WAAWITÁ 21:16 - Biblía Axweesantá Hhohho' ar Mungú 2004

¹⁶ Naagáy Ahabu ngiwa axaás adór Naboti ira qaroó gwaá', iri tláy baraá qaymoodár sabiíbu ar Naboti, heé Yesre'eli as ngiwa aali.

1 WAAWITÁ 21:16 Iomraidhean Croise

1 WAAWITÁ 21:1

Naboti a yaamuloousmoó Yesre'eli, inós qaymór sabiíbu ga kón amoodár Yesre'eliro. Qaymoorós i bihhaá doó Ahabu, waawutmoó Samaria.

1 WAAWITÁ 21:15

Yesebeli ngiwa axás adór Naboti kura gaás ar tlaa/e, Ahabu guri beér, «Sihhiitáng, qaymoodár sabiíbu ar Naboti, heé Yerse'eli, tidá' aa /itín aaleek, Naboti i kaahh aa qaroó gwaá'.»

1 WAAWITÁ 21:17

Naagáy aarusmo Eliya, heé Tishbe, axweesantá AAKOÓ MUNGÚ gari axaás, i kat,

2 WAAWITÁ 5:24

Tawa hardáh gawaá tloomaadá' Elisha i dirii'i Gehasi peésadá' gari taataáhh dír sagadiyuusér Na'amani wa ale gari dahaás baraá do'ós. Naagáy sagadiyuuseedá' gari báy, «Daxta kuungá' watlé'.» Sagadiyuuseedá' iri tleér.

2 WAAWITÁ 9:21

Naagáy Yoram waawutmoó múk Israeli iri oó', «Gaári amohhe'eesare'.» Inooín gaári kari amoohhe'eés. Yoram waawutmoó Israeli nee Ahasia waawutmoó Yuda tari tsa/án umuú heewo gawaá gaárirós, tari tláy as tiwa doogiya' nee Yehu. Inooín nee Yehu tiri doogiyé' dír afeenír Naboti heé Yesre'eli.

WARA'AMI 50:18

Barnaxes fisusmo ugwa aán, an mulqumoowók, slám nee fuquuse an aldinku'uumisá'.»

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

Rumi 1:32

Mukwí sakwasleemár ganaa' ar Mungú ga ló'wa xuu', adór heé muruuwí gu tlehhahhiít, gár kus hariím tar gwa'ara. Ala tam adoorihe inooín muruuwí ku tlehhiit. Nee gár ak tlaakw a tí, inooín mukdá' muruuwí gu tlehhiít ku aleeya/aa/án sleeme.

2 Petro 2:15

Inooín loohidá' ganaa' kaa geexáy, tari qwaár. Asma loohír Bala'amu kana eehár, garmoó Beori. Inós gár ganaa'aaká gana tleéhh as peésa ngiwa slay.