1 WAAWITÁ 20:4 - Biblía Axweesantá Hhohho' ar Mungú 2004

⁴ Waawutmoó Israeli iri oó', «A adoosíng kara ó', aá aakooeé' waawutmo, aníng a kók, nee tidá' sleémeero ni koom a tók.»

1 WAAWITÁ 20:4 Iomraidhean Croise

1 WAAWITÁ 2:38

Shimei waawutmo guri báy, «/Aymuusíng ku hhoó', adór aakooeé' waawutmo ngira oó' an adór anuú lawaalmoowók ngir tleehh.» Shimei deelór yaariire iri baraá Yerusalemúr wa hoót.

1 WAAWITÁ 20:3

‹Peésaarók nee sahaábuwoge sleémeero a daqaari'iimar'eé'. Tlaawaywók kudá' hhohhó' nee na/iiwók sleémeerowo a kwe'eé'.› »

1 WAAWITÁ 20:5

Aluuwo múk taa ya/aáw, ina malé kií/ dír Ahabu, ngway bayé', «Waawutmo Ben-hadadi i kaahi, ‹Aníng kuúng una i ya/abiím niwa kah, peésaarók nee sahaábuwo, tlaawaywók nee na/iiwoge haniisang.›

2 WAAWITÁ 10:5

Gawaá adoorihe, geeraharusmoó úr oo baraá doó waawutmo nee ga/aawusmoó úr oo gixsadá', dinkwa nee geeraharuusér hatlá' nee xuumuusero, afoorí kana ya/aáw amór Yehu, tawa kaahi, «Atén a sagadiyuuseerók, adór kuúng ta kat atén a tleehhaán, ala atén heé hatlá' u tsawaranaaká waawutmoó wá alé, gár kuúng ta sla' ar hariim tleehheek.»

TLAHHOÓ LAÁWI 26:36

«Nee mukhúng bahh'ale oo aa meet un daeérí tleés gur'er'íne ma'aay ngay dalaa/iyá', baraá yaamaá wakuuser'ine, tam afór loo/ír fur'a ir tlatleer bar kaa axaás, gin tlatlahhás. Gin tlatlahhás adór múk aa slaqwarár wa goow. Nin gogowiyá' nay huhu'uná', tam heé gi gusisiím i kahhi.

DABE 28:48

Gawaá adoorihe, kuúng daxta wakuusmoowók kudá' AAKOÓ MUNGÚ ni amorógi tleesi un sagadiyús, qwari uri didií gaas nee waxeero nee /aankwetsuwo, nee umuúqo gaaro kari dakús, kuúng turi himuú muqslírár tseek ay dír tay hhaan.

1 SAMUELI 11:10

Gawaá adoorihe múk Yabeshi múk Amoni guri báy, «Matlo atén ti amorhúngí haniisaán, daqaní tidá' sleémeero ta tleehhamór wa sla'a' dirénií ale ka tlehhá'.»