1 WAAWITÁ 20:1 - Biblía Axweesantá Hhohho' ar Mungú 2004

¹ Ben-hadadi waawutmoó múk Siria, slaqwaruuseerós sleémeero gari burumbuúr. Inós kuri alee/iís nee waawituú hatlá' mibeeri tám nee tsár, dinkwa nee farsuuín nee gaardaá ta uuruxun nee faras. Gixsár Samaria gana haraweél tari slaáqw.

1 WAAWITÁ 20:1 Iomraidhean Croise

1 WAAWITÁ 15:18

Naagáy waawutmo Asa peésa nee sahaábuwo kudá' aa meet baraá Doó AAKOÓ MUNGÚ nee doó waawutmo, gari haniís dír sagadiyuuseerós, gari ya/aáw Damasko amór Ben-hadadi, garmoó Tabrimoni, nángw nángw Hesioni, waawutmoó múk Aramu, i kaahi,

1 WAAWITÁ 15:20

Waawutmo Ben-hadadi adoorí waawutmo Asa i slai gari ya/án, slaqwaruuseerós gari ya/aáw as gixsadaá yaamaá Israeli kiwa i haraatlay. Inooín gixsadaá Iyoni nee Dani nee Abel-bet-ma'aka nee Kinerotiro nee yaamaá Naftaliwo sleémeero kiri hayóh.

1 WAAWITÁ 16:24

Tloomár Samaria gari tlaáxw ar peésár kume lahhoó' dír heé ta bay Shemerí wa ale, koo/ír gawit gari tleéhh nee gixsa gari gawaadí tleéhh. Gixsadá' gari báy Samaria, as umuú heedá' ta bay Shemeri, kudá' ngiwa tlaáxw.

1 WAAWITÁ 20:16

Naagáy /ameetleemuuwo Ben-hadadi iwa xufiiti dinkwa nee waawitadá' mibeeri tám nee tsár inós ngwaa alee/iisár aye' slaqwara iri iimu/uún.

1 WAAWITÁ 20:2

Ben-hadadi afo gari ya/aáw baraá gixsa, amór waawutmo Ahabu oo múk Israeli, kuri báy, «Waawutmo Ben-hadadi i kaahi,

1 WAAWITÁ 20:24

Gimáy daxta adoorí tleehheek, waawitaáduú hatlá' oo mibeeri tám nee tsár hingeeseek, kitangw'ine geeraharuusér slaqwaruuse na qaaseek.

1 WAAWITÁ 22:31

Waawutmoó Aramu slaqwaruusér mibeeri tám nee tsár, tidá' aa sihhit ar gaardaá ta uuruxun, giri hara'ayín, iri oó', «Kuungá' ma slaqwaara' nee heé hatlá', ku úr laqaá ku niiná, ala aqo har waawutmoó Israeli kilós.»

2 WAAWITÁ 6:8

Qoomarkaaro waawutmoó Aramu nee múk Israeli tana slaáqw. Naagáy waawutmoó Aramu nee geeraharuuseerós tari al'axweés as tiwa kaahi slaya' amór ta i haratlaya.

2 WAAWITÁ 8:5

Qoomár Gehasi iwa dír waawutmoówí axweesi adór Elisha heedaádá' aa gwaá' ngura waaslee/atís, /ameenidá' waawutmo guri firiín, qaymoorós nee do'ose ngiwa sleer. Gehasi iri oó', «Aakooeé' waawutámo, /ameenirí an tidá' taa garma waaslee/atís nee Elisha, nee garmaadá' an kwí.»

ESRA 7:12

«Anuú Artashasta waawutmoó waawitá, amór kunguú Esra oo kaahamusmo nee goousmoó dabér AAKOÓ MUNGUÚ doori, laawaaywók.

TI'INAANGW 14:7

Slamí gaardaá tsiire lahhoó' awa taa amohhe'eés girir tláy, nee gaardaá Misri sleémeero, nee geeraharuusér gaarduudá' gi sagesihhmiit.

ISAYA 10:8

Asma i kaahi, «Geeraharuusér uren sleémeero a waawitahekáhe?

ISAYA 37:24

Kuúng sagadiyuuse ngina ya/áb as anuú Aako iwa niqina', kuúng ana ó', ar gaarduueé' kuká' yaariire, Aníng an tsa/ám ay gawaá sagér tlom'i, ay gawaá tsitsenaá tloomár Lebanoni, sahhtaarós tidá' tledaadet an daraáhh nee misunobarirós tidá' ló'wa hhohhoe, niri hardáh ay gawaá tsitsenowós, nee baraá gartós tidá' ur.

YEREMIA 49:27

Aníng asla a oohiís, koo/ír Damasko gari /ák, ku/ér gawden awa waawutmo Ben-hadadi gari /ák.»

ESEKIELI 26:7

«Anuú Aakoó MUNGÚ a kah, waawutmo Nebukadnesa oo múk Babuloni, waawutmoó waawitá ngu /iikú wa huúw, nee farsuuwós nee gaardaá slaqwaraaro nee slaqwaruuseedá' faras gwa i tsa/aandi, nee slaqwaruusér yaariire, Tiro ngin i haratlayá' ngiri haraweeliyá'.

DANIELI 2:37

Kuúng waawutámo a waawutmoó waawitá, Munguú doori kuúng ugwa waawuti'iimár i haniís nee aleesleemu nee /uuru nee xirif.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

AMOS 1:4

Gawaá adoorihe aníng asla a qaás baraá doó waawutmo Hasaeli, nee asla koo/ír gawít ar Ben-hadadi gari /ák.

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

DABE 28:52

Mukwí kuúng un harweer baraá gixsaduuwók sleémeerowo, ay dír koo/irók tidá' gawden, tidá' taa haraxu' i yaamií huuhu'uun umuú diiro baraá yaamuuwók, kudá' AAKOÓ MUNGÚ, Munguúwók naa haniisi.

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.

HAR'OHUUSE 4:3

Yabini gaardaá muqsla ngi kon a tsiire gwaleél. Inós xoorór Israeli gana baramaanuús ar /uuru kureeri mibeeri tsár, xoorór Israeli AAKOÓ MUNGÚ guri i /á/.

1 SAMUELI 13:5

Xoorór Filisti tana burumburiít tawa slaqwi nee xoorór Israeli, slaqwaruusér faras gwa i tsa/aan a kume lahhoó', nee slaqwaruusér gaardaá faras gaa i tsa/aan a kume mibeeri tám, nee slaqwaruusér ya'ár hi'iit yaaremaawo a adór hhasángw afaá tlawi. Tari waatláy gáwtí ale, xafay'ín kuri tleéhh baraá Mikmashi bihhaá da/aáw awa Bet-afeni.