1 WAAWITÁ 2:7 - Biblía Axweesantá Hhohho' ar Mungú 2004

⁷ «Ala daaqoó Barsilai, heé yaamaá Gileadi, hhooeemáy tleehheek, masók i dinkwa nee mukdá' nee kuúng al/ayimá' gawaá meésaaroge. Asma inooín aníng ina sahhooayé' qoomár niwa hhiyaawók Absalomu wa goów.

1 WAAWITÁ 2:7 Iomraidhean Croise

IIMU/UUNGW 40:14

Yosefu iri oó', «Na'ás, aníng inslawáng bar kuúng taa gweér, nee án alee/iisáng. Án kuúng u firiím, kangw'eé' ooeek dír Faraowo, as kahhó' án niwa ti'iit baraá do'wihe.

2 SAMUELI 19:28

Asma múk doó aakooeé' sleémeero gár niwa hariné' aqo tsu/uta dír geeraawoge, aakooeé' waawutámo. Ala anuú sagadiyusmoowók ina qás dinkwa nee mukdá' /ayiím gawaá meésarók wa ale. Xáy, gan'amuú ni koom i deéro tam oo niiná, tam oo uwa i /aa/amiim, waawutámo?»

2 SAMUELI 9:10

Kuúng nee na/iiwoge nee lawaalér do'oge qamaá Mefibosheti in doslá', nee nángw naangoó aakoowók un balángwí huwahubá', as kahhó' muruú /ayma nguwa kon daqisleém. Ala inós nee aníng an al/ayimaán daqisleém.» Qoomaarihe Siba na/ii ngi kon mibaá nee kooán, awa daaqaay, nee lawaale a mibeeri tsár.

2 SAMUELI 9:7

Daudi guri báy, «Ma da'ayumiitaar. Aníng kuúng u hhoeemií tleéhh, as Yonatan baabuúwók. Yaamuudá' sleémeero awa aakoowók Saulo ngi amoorogí ki/ís. Aníng nee kuúng an dinkwár wa al/ayimaán daqisleém.»

2 WAAWITÁ 25:29

Naagáy Yehoyakini tlabaawós kudaá tseegamo giri duúx, awa hatlá' giri dahaás. Umuú deelooro ina /ayín doó waawutmoó wa aleeró.

2 WAAWITÁ 25:30

Inós umuú deelooro gár i slai kan hanmiis nee waawutmo baraá hotaawós sleémeerowo.

ESRA 2:61

Kaahamuusér naa watl a tí: Hhay Habaya, nee hhay Hakosi, nee hhay Barsilai, Barsilaiwí a kudá' dasír Barsilai gaa duux kuduú Gileadi, inós kuri umuuínár ateét.

AXWEESANOÓ SAGALOOA 27:10

Mulqumoowók nee mulqér baabuúwoge ma siaar, Amotlakwe bura sleér ma /akuutaar amór doó hhiyaawók. Tsiní inslaawmoó tseéw ta mar'afmoó saawe.

YEREMIA 52:33

Naagáy Yehoyakini tlabaá tseegamo giri duúx, iri /ayín umuú deelooro dinkwa nee waawutmoowo.

Luka 12:37

Múk amohhoó' a sagadiyuuseedá' aakooín binda hardáh i dala'amaayérí ay. Án a kah, inós in siinootín, nee sagadiyuuseedá' gari dahi'is dír muruú /ayma, gari muruú /aymárí qasmiis.