1 WAAWITÁ 2:6 - Biblía Axweesantá Hhohho' ar Mungú 2004

⁶ Gám daxta adoodá' sagalooarók i diri' na tleehheek, inós se'eemír /awaak mingiwa dán nee miwa gwaá' ar wayda.

1 WAAWITÁ 2:6 Iomraidhean Croise

IIMU/UUNGW 42:38

Yakobo iri oó', «Garmaaeé' nee kuungá' a al/eta'aaká. Asma daa'awmoowós ina gwaá', inós kilós ina meét. Aníng a aakoó al/awtantá koóm. Loohiro bar gitsee/aá tlaakwá' ngaa sláy, gám daqaní aníng iga gasé' ar gurhaami baraá diimay'eene.»

IIMU/UUNGW 9:5

Aníng tseererhúng a li/aay buú'. Hee bar hee ngwa gaás, aníng heedá' u gaás sleeme. Laqaá tam makiito'o hee burngwa gás, aníng inós a gaás sleeme.

IIMU/UUNGW 9:6

Heé tseerér hee gaa ku'uus, tseereerós sleeme kan ku'uus nee hee, asma Mungú hee guna tleéhh ar slaqsaywós.»

2 SAMUELI 3:39

Hám aníng iga mak iimbalaxé' ar di/i as tawa waawutmo, ala laarí aníng aga heé liitlaákw tleehhiít. Ala daaqaywú Seruya a múk aa harwaaraahh saga gawduwo dir'eene. Tlakuuseerí AAKOÓ MUNGÚ ngi slahhi ar adoodár hariímár tlakweemaaín i dirii'iya'.»

1 WAAWITÁ 2:7

«Ala daaqoó Barsilai, heé yaamaá Gileadi, hhooeemáy tleehheek, masók i dinkwa nee mukdá' nee kuúng al/ayimá' gawaá meésaaroge. Asma inooín aníng ina sahhooayé' qoomár niwa hhiyaawók Absalomu wa goów.

1 WAAWITÁ 2:9

Gawaá adoorihe, inós mu mawaar, asma kuúng a heé sagalooár koóm, kuúng gár inós kuwa hariím a xú', inós tam saga al/awtanto mu iwa/aar, gaaseek tam aa dini.»

1 WAAWITÁ 3:12

gawaá adoorihe, ga/aaweek, adoodá' kuúng ta sla' ngi tleéhh, muunuú sagalooa nee fuquraangw ngi haniís, geeraawoge heé adór kuúng i kaahh, tam aluuwoge heé sihhiít oo adór kuúng ga áw i kaahh.

2 WAAWITÁ 22:20

Gawaá adoorihe, ga/aaweek kuúng a adór hhoóár gwá', turi qaas bihhaá baabi'iiwók ar wayda, ilaawók slasla/aruwí aníng ni huuw yaamuuká' i alé ngu ariaaká.› » Kaangwí kuri ooár áy dír waawutmo Yosia.

WARA'AMI 37:37

Heé ganaá' ló'wa alhooreeseek, heé inkihhím ga/aaweek. Asma heé tsá', yaeemirós ka tleer.

AXWEESANOÓ SAGALOOA 20:26

Waawutmoó sagaloó' tlakuuse gan hariitlees, nee gin muux ar difiitamo.

AXWEESANOÓ SAGALOOA 28:17

Heé ta al'ilooúy nee tseerdaá muu masók in nahhamamiit ay gwa'ara masók kun /iisiiká nee hee.

DAHARUSMO 8:11

Gár muu is kumamiti tlakweema tlehhtuwo, asma tlakweema ki gaanslár sakwasleemutiiká.

ISAYA 48:22

AAKOÓ MUNGÚ i kaahi, «Dír múk tlakwe wayda i kaahh.»

ISAYA 57:2

as kahhó' iwa dahi baraá wayda.» Mukdá' hoót ar adór ganaa', nin huungu/uusiyá' gawaá qatenooín.

ISAYA 57:21

Munguúeé' i kaahi, «Wayda i kaahh dír múk tlakwe.»

ISAYA 65:20

Gwa'arár na/oó qawri i baloó ki/ká. Laqaá bariise sleeme i qatlká qoomar'ín bira xeeriiká. Heé kureeraá tsiiruú wák bira gwaá' adoorihe an na/aay. Ala heé tlaákw oo kureeraá tsiiruú wák gaa ay kwaa lu'ús

FAARO 35:33

Ala barnaxes adoosíng aga tlehhé' yaamuuká' ta hota' iga hhitiindé'. Tseerdu birna ku'uutiyé' yaamu ngi hhitiná' ilahhooár ta haniisi ar yaamaá tawa tsu/uút harihhoó' ngir slaya' i kaahh, aqo heedaádá' aa tsu/uut kun gaas.